डोंबिवली कट्टा.... हेमांगी के... ह्यांच्या समवेत....!!!

नमस्कार मिपाकरहो, श्रीमान मुक्त विहारि यांच्या वनंतीने मी या कट्ट्याचा व्रूत्तांत लिहीत आहे, मिपावर लिहीण्याचा हा माझा पहिलाच प्रयत्न. (काही चूक झाल्यास माफ करावे, ही विनंती.) ठरल्याप्रमाणे हाही कट्टा अगदी व्यवस्थित पार पडला, सगळे म्हणजे श्री. व सौ. हेमांगीके, अजया, मुक्त विहारि, सुबोध खरे, रामदास काका, सूड, भटक्या खेडवाला, भाते इ. माझ्याअगोदर आले होते आणि मी जरा उशीराच गेलो, स्पा कट्टा संपतांना आले. हेमांगीके यांचे लेख वाचले होतेच त्याना भेटण्याची उत्सुकता होती, हेमांगीके म्हणजे कोणीतरी वयस्कर व्यक्तिमत्व असावे असे वाटले होते, त्यांना भेटल्यावर या मुलीने इतके सुंदर लेखन केले आहे, हे खरेच वाटेना, असो. सुरवातीला ओळख परेड झाली, फोटो सेशन झाले.(खाली फोटो चिकटवले आहेत.सदर काम मीच केल्यामुळे बर्‍याच फोटोत मी त्यात दिसत नाही.) नंतर गप्पा रंगल्या.नेहमीप्रमाणेच डॉ. सुबोध खरे, रामदास, भटक्या खेड्वाला, मुवि व अध्येमध्ये आम्ही इतर त्यामध्ये रंगलो होतो. सोबतीला खानपान होतेच ते खालील फोटोत दिसत असेलच. हेमांगीके यांच्याशी हितगुज सुरु झाले.त्यांचे नवे लेखन व इतर विषय चर्चेत आले. कट्ट्याला डोंबिवलीकरांची उपस्थिती जास्त असल्याने डोंबिवलीमधल्या जुन्या आठवणींना उजाळा मिळाला. डॉ. सुबोध खरे व रामदास आपले इतर अनुभव शेअर करत होते, भटक्या खेड्वाला याना एका खाजगी कार्यक्रमाला जायचे असल्याने ते निघुन गेले. नंतर डॉ.खरे यांनी स्पाला फोन केला ते त्याप्रमाणे आले. या कट्ट्यामध्ये सर्वसाधारण अवातर गप्पा झाल्या. श्री. रामदासानी डॉ. सुबोध खरेना पुस्तकरुपाने आपले अनुभव शब्द्बद्ध करण्याविषयी आग्रह धरला.तसेच मुंबईत काळाघोडा महोत्सव चालु आहे त्या संबंधी बोलले. तसेच जमल्यास तिकडे जाण्यास सुचविले. काहीनी त्यास अनुमोदन दिले. एकुणच फड चागला रंगला होता. डॉ. अजया, श्री. रामदास याना जायचे असल्याने कट्टा आवरण्याची वेळ आली. इतक्यात मु.वि.नी जवळच असलेल्या डॉ. आंबेडकर सभाग्रूहामध्ये सुरु असलेल्या 'वन्यजीव फोटो प्रदर्शन' पाहण्यासंबधी विचारले. तिकडे जाण्यासाठी सगळेच तयार झाल्याने, सर्वानी तिकडे प्रस्थान केले. हे एक अतिशय सुंदर असे प्रदर्शन होते. आजचा हा कट्टा श्री. व सौ. हेमांगीके यांनी प्रायोजित करुन एक नविन पायंडा पाडला त्याबद्दल त्यांना धन्यवाद. आता काळा घोडा फेस्टिवल कट्ट्याला परत भेटू या.