Skip to main content

डाळिंब - गुलकंद आईसक्रिम

लेखक दिपक.कुवेत यांनी शनिवार, 16/03/2013 16:31 या दिवशी प्रकाशित केले.
ice cream ५० राव हे आईसक्रिम नी त्यांनी भरलेले मोठे बाउल खास तुमच्याकरिता :) साहित्यः १. क्रिम - २५० मिली. २. डाळिंबाचे दाणे - २ कप ३. साखर किंवा मध - डाळिंब/गुलकंदाच्या गोडानुसार कमी / जास्त ४. गुलकंद - २ मोठे चमचे ५. सजावटिकरिता आपापल्या आवडिचे ड्राय फ्रुट्स/डाळिंबाचे दाणे/थोडा गुल़कंद ई. कॄती: १. डाळिंबाचे दाणे काढुन मिक्सर मधे थोडं पाणी घालुन बारिक वाटुन घ्या. आता गाळण्यातुन हा रस गाळुन घ्या. २. क्रिम मधे आवडिप्रमाणे साखर/मध घालुन सॉफ्ट पीक्स फॉर्म होईस्त व्हिप्ड करा किंवा हल्ली रेडिमेड व्हिप्ड क्रिम सुध्धा मिळतं ३. आता त्यात डाळिंबाचा रस, गुलकंद घालुन व्यवस्थित मिक्स करा ४. वरिल मिश्रण हवाबंद डब्यात ओतुन डिप फ्रिजर मधे ठेवा ५. आईसक्रिम पुर्ण सेट झालं कि आपापल्या आवडिचे ड्राय फ्रुट्स/डाळिंबाचे दाणे किंवा थोडा गुल़कंद घालुन सर्व करा. खास छोट्यांसाठि वरुन चॉकलेट सॉस घालुन सर्व करा. टिपा: १. क्रिम व्हिप करणं म्हणजे एका ठरावीक वेळेपर्यत पातळ क्रिम सॉफ्ट पिक्स फॉर्म होईस्त ढवळणं/बीट करण/घुसळणं. सॉफ्ट पिक्स म्हणजे क्रिम घट्ट झाल्यावर ते बोटांवर थांबल पाहिजे...खाली ओघळता कामा नये. पण ह्यात फार वेळ आणि शक्ति खर्च होते म्हणुन क्रिम डायरेक्ट ब्लेंडर मधे सुध्धा घुसळु/फिरवु शकता. पण फक्त वरिल घनता येईस्त फिरवा. जास्त वेळ फिरवल तर त्यातुन क्रिम वेगळं होईल. २. भारतात गुलकंद छान मिळत. ईकडे जे मिळत ते सेंटेड असत म्हणुन कुठलाहि ईसेन्स घालण्याआधी बघा आणि मग घाला ३. डाळिंबाचा छान गुलाबी रंगाचा रस तयार होतो पण क्रिम मधे मिसळल्यावर तो अगदि फिकट होतो म्हणुन जर गुलाबी रंग मिळाला तर अगदि एक ते दोने थेंब घाला म्हणजे आईसक्रिम दिसायला आणि खायला मोहक / आकर्शक दिसेल.
वाचने 8350
प्रतिक्रिया 32

प्रतिक्रिया

धनुअमिता शनिवार, 16/03/2013 16:41
अप्रतिम दिसत आहे आईस्क्रिम. असे वाटते की लगेच खावी. वाचनखूण साठवून ठेवली आहे. करुन बघण्यात येईल.

सानिकास्वप्निल शनिवार, 16/03/2013 16:58
आईस्क्रीम व फोटो भन्नाट दिसत आहे. तुमच्या ह्या हटके पाकृसाठी तुमचे अभिनंदन :) आता उन्हाळ्यात नक्की बनवून बघेन.

अत्रुप्त आत्मा शनिवार, 16/03/2013 17:10
वेड लावणारा प्रकार आहे... डाळिंबाचा रस, गुलकंद हे मिक्शचरच जबराट आहे. चविचा फक्त अनुभव नव्हे तर नीट सराव झाला,तरच असं कॉम्बिनेशन सुचू शकतं. :-) खाण्या आधीच चव येतीये तोंडात... http://www.sherv.net/cm/emoticons/hungry/lick-lips.gif @ भारतात गुलकंद छान मिळत. >>> हे तर खरच,पण तरिही मी आमच्या फुलांच्या मार्केटयार्डमधून गावठी गुलाब टोपलीनी आणून पत्री खडिसाखरेबरोबर उन्हात केलेल्या गुलकंदाची तोड कश्यालाच येत न्हाई. तोच गुलकंद आणी तिकडूनच आणलेली गणेश राजा डाळिंब वापरून अता आईस्क्रीम करून बघणार!!! केल्यावर फोटू टाकिन याच ठिकाणी http://www.sherv.net/cm/emoticons/eating/smiley-eating-icecream.gif

दिपक.कुवेत शनिवार, 16/03/2013 17:19
आज तुझ्या ह्या स्मायलीं आणि प्रतिसादाने माझा अत्रुप्त जीव सुखावला रे. खरचं गावठी गुलाबच्या गुलकंदाची चवच न्यारि...येत्या तळपत्या उन्हात नक्कि बनब आणि सांग कस झालं ते :)

५० फक्त रविवार, 17/03/2013 08:00
लई लै धन्यवाद, आज पुन्हा पाश्चरजीकडे जावं लागेल, चला आजचा मेन्यु ठरला, गार्डन वडापाव आणि पाश्वरजी.

मदनबाण रविवार, 17/03/2013 09:16
मस्त! :) मला स्वतःला आईसक्रीम फार फार आवडते,मग ते फालुदा मधे घातलेले असो वा फॅमेली पॅक ! :) (आईसक्रीम प्रेमी):)

डॉ सुहास म्हात्रे रविवार, 17/03/2013 10:50
आईस्क्रीम म्हणजे जीव की प्राण... म्हणून असले जीवघेणे आईस्क्रीम पाहून आय स्क्रीSSSSSSSSS म +D

स्पंदना रविवार, 17/03/2013 16:10
सुरेख! पण आमच्या इथे कालपासुन कडाक्याची थंडी सुरु झाली ना? तरीही वाचन्खुण साठवुन ठेवते झालं.

दीपा माने मंगळवार, 19/03/2013 07:21
फारच छान पाकृ दिलीत. दोन दिवसावर स्प्रिंग सिझन आलाय तरी बाहेर बर्फ पडतोय. तरीही बर्फात फिरत आईसक्रिम खाणारे न्युयॉर्कला आहेत. सध्या बाजारात मोठी मोठी डाळिंबंपण यायला लागलीत. नक्कीच हे आईस्क्रिम करण्यात येईल.

दिपक.कुवेत मंगळवार, 19/03/2013 11:08
निदान मी तरी आईसक्रिम साठि ॠतु बघत नाहि....दिसला चांगला फ्लेवर कि हाण!....मग उन्हाळा, पावसाळा किंवा हिवाळा असो. अर्थात कुवेत मधे फक्त दोनच ॠतु....प्रचंड उन्हाळा आणि तितकाच हिवाळा. बाकि गुलाबी थंडित आईसक्रिम खायची मजा काहि औरच आहे :)