कदाचित

जयवी's picture
जयवी in जे न देखे रवी...
16 Mar 2013 - 2:49 pm

सुखासीन आयुष्य अळणी कदाचित
चवीला व्यथाही जरूरी कदाचित

म्हणावे तशी ती न जगली कधीही
जराही असोशी नसावी कदाचित

पुन्हा चंद्र, तारे झगडले निशेशी
पुन्हा अवस येण्याचि नांदी कदाचित

अपूर्णास पूर्णत्व येण्याचसाठी
तुझी भेट झाली असावी कदाचित

जरा लांबलेलीच ती रात्र होती
दिशाहीन झाली असावी कदाचित

नको आणखी कोणताही उतारा
नशा वेदनांची पुरेशी कदाचित

उभा जन्म गेला करूनी गुलामी
हिशेबात अजुनी उधारी कदाचित

पिते ताक फुंकून फुंकून अजुनी
कुणी पोळलेली असावी कदाचित

सुखालाच केले म्हणे जायबंदी
बरळणे असावे खरेही कदाचित

जयश्री अंबासकर

मराठी गझलगझल

प्रतिक्रिया

अभ्या..'s picture

16 Mar 2013 - 6:18 pm | अभ्या..

सुरेख. :)

गंगाधर मुटे's picture

31 Mar 2013 - 4:08 pm | गंगाधर मुटे

सर्वच शेर मस्त. :)

इन्दुसुता's picture

1 Apr 2013 - 8:31 am | इन्दुसुता

आवडली.