निष्पर्ण जाहले तुझ्याविना कोसळले नाही
मी जगत राहिले पुन्हा पुन्हा ऊन्मळले नाही
आडास पोहरा जखडुन करतो वेठबिगारी
पाण्यात अश्रु मिसळले कुणाला कळले नाही
वाटेत हात सोडला कधी तू कळले नाही
मी चाल बदलली जरा परी अडखळले नाही
शाळेत रोजची चिडाचिडी अन भांडाभांडी
का घट्ट आपुला लगाव मजला कळले नाही
का पौर्णिमेस तारका नभी येण्या आतुरती
रजनीस अजुन हे गुपित जराही कळले नाही
जयश्री अंबासकर
प्रतिक्रिया
19 Feb 2013 - 6:09 pm | पैसा
कविता आवडली!
19 Feb 2013 - 6:15 pm | जिवेन्द्र
फार आवडलि तुमची गझल
20 Feb 2013 - 3:04 am | फिझा
कविता खूप आवडली .......
20 Feb 2013 - 1:16 pm | जयवी
धन्यवाद ज्योति, जिवेंद्र, फिझा :)