पंढरपुर ला पांडुरंग व रुक्मिणी माता एकत्र का नाही आहेत ? कारण काय आहे ?

न

निश यांनी

Wed, 03/21/2012 - 15:53 · लेख

लेख

अगदी अलीकडे माझे पंढरपूरला जाणे झाले. तिथे पांडुरंग व रुक्मिणी माता एकत्र का नाही आहेत ? कारण काय आहे ? दोघांचाही मुर्ति एकत्र नाहि आहेत. ह्या बद्दल नक्की काय कथा आहेत? आणी आषाढी व कार्तिकीला त्या एकत्र आणुन पुजा करतात ह्या मागे काय कथा आहेत? अजुन एका श्लोका मध्ये पांडुरंगाचा उल्लेख रकुमाई वल्लभा, राईच्या वल्लभा असा उल्लेख आहे. राई म्हणुन जो उल्लेख आहे तो पांडुरंगाच्या पत्निचा असावा का ? असल्यास त्यांची मुर्ति पंढरपूरला का नाही आहे ? तिथे मी खुप जणाना विचारल पण प्रत्येळ वेळी वेगवेगळी ऊत्तर मिळाली. म्हणुन हा धागा काढला आहे. उत्तराची वाट बघतो आहे. अजुन एक : चंद्रभागा नदीची अतिशय वाईट अवस्था झाली आहे. हे बघुन अतिशय वाईट वाटल. मन काही वेळ खुप उदास झाल होत.

वर्गीकरण

57832 वाचन

💬 प्रतिसाद (71)

प्रतिक्रिया

पण या निरूपणात विजय नगरच्या

प्राजु

Sat, 03/24/2012 - 09:26 नवीन

पण या निरूपणात विजय नगरच्या सम्राटांनी विठ्ठलाचं हरण करुन त्याला कर्नाटकात नेऊन त्याची स्थापना केली आणि भानूदासांची भक्ती, आराधना पाहून विठ्ठल पुन्हा स्वतःहून पंढरपुरास आला असंही सांगितलं आहे शेवाळकरांनी यात. आणि म्हणूनच कानडा ओ विठ्ठ्लू कर्नाटकू... असं म्हंटलं आहे. यामध्ये फक्त 'नाटक करणाराच" असा अर्थ का घ्यावा वाटला तुम्हाला?

↩ प्रतिसाद: गणपा

संत एकनाथांचे पणजोबा भानुदास

बॅटमॅन

Mon, 04/02/2012 - 23:11 नवीन

संत एकनाथांचे पणजोबा भानुदास यांना दृष्टांत झाला विट्ठलाचा की विजयनगरला मी सुखात नाही म्हणून. मग भानुदास गेले आणि विट्ठलमूर्ती परत गुपचूप पंढरपुरात आणली अशी आख्यायिका आहे. आणि एकनाथांचे गुरु जनार्दनस्वामी यांनी सांगितल्यावरून एकनाथ एकदा शत्रूशी लढले अशीदेखील एक अनरिलेटेड आख्यायिका आहे.

↩ प्रतिसाद: इष्टुर फाकडा

तिरूपती बालाजी

रणजित चितळे

गुरुवार, 03/22/2012 - 09:24 नवीन

येथे देवांचा राजा इन्द्र देव विठ्ठलाला सांगतात तूला जर का रकमाईशी लग्न करायचे असेल तर भरपूर पैसे, सोने, नाणे जमा कर व मला दाखव की रकमाईचा सांभाळ करु शकशील. तेव्हा पासून तिरुपतीचा बालाजी पैसे गोळा करत आहे. त्याच्या शिवाय रुक्मीणी त्याला वरणार नाही..... अशी गोष्ट आहे. वर दिलेली पुंडलीकाची गोष्ट मी पण लहानपणी ऐकली होती. महादेव शास्त्री जोशांची सुरदास, पुंडलीक अशा सगळ्या भक्तांवर सुंदर पुस्तक होते ते वाचले होते (नाव आठवत नाही आता कोणी सांगेल तर बरे होईल).

पटलं!

आनंदी गोपाळ

गुरुवार, 03/22/2012 - 22:33 नवीन

तेव्हा पासून तिरुपतीचा बालाजी पैसे गोळा करत आहे. धन्यवाद!

↩ प्रतिसाद: रणजित चितळे

मंथूनि नवनीता तैसे घे अनंता

प्यारे१

गुरुवार, 03/22/2012 - 09:51 नवीन

मंथूनि नवनीता तैसे घे अनंता वाया व्यर्थ कथा सांडीमार्गु | सलमानचे मैने प्यार किया चे पोस्टर असो किंवा दबंगचे असो, मला जर पोस्टर सलमानचीच आठवण करुन देतंत तर अडचण काय? माढ्याच्या मूर्तीबद्दल अजून कसा काय प्रतिवाद आला नाही बरं? बाकी चालू द्या.

मंथूनि नवनीता तैसे घे अनंता

धन्या

गुरुवार, 03/22/2012 - 10:08 नवीन

मंथूनि नवनीता तैसे घे अनंता वाया व्यर्थ कथा सांडीमार्गु |

अगदी अगदी. अशा गोष्टींमध्ये प्रत्येकाने तारतम्य बाळगून आणि विवेकाने वागावे.

माढ्याच्या मूर्तीबद्दल अजून कसा काय प्रतिवाद आला नाही बरं?

माढयाच्या मूर्तीबद्दल आम्ही एक प्रतिसाद - "बोगस अध्यात्माची सुरसकथा-१" लाइथे थोडं लिहिलं आहे.

↩ प्रतिसाद: प्यारे१

आयला धन्या, नवीन होतास काय

प्यारे१

गुरुवार, 03/22/2012 - 10:14 नवीन

आयला धन्या, नवीन होतास काय हा (वरचा संदर्भ ) लेख लिहीलास तेव्हा? लेका बरा होतास की! सखू कधी भेटली म्हणायची मग? ;)

↩ प्रतिसाद: धन्या

सखू कधी भेटली म्हणायची

धन्या

गुरुवार, 03/22/2012 - 10:36 नवीन

सखू कधी भेटली म्हणायची मग?

प्रत्येकाच्या मनात एक सखू दडलेली असते. पण लोक काय म्हणतील या भावनेने किंवा समाजात जगताना समाजाचे नियम पाळावे लागतात म्हणून म्हणा, चारचौघात "विठ्ठल विठ्ठल" करावे लागते. :)

↩ प्रतिसाद: प्यारे१

हाच फरक असतो हो सामान्य

प्यारे१

गुरुवार, 03/22/2012 - 10:43 नवीन

हाच फरक असतो हो सामान्य माणसात आणि खर्‍या संतमहंतांमध्ये. कायद्याला घाबरुन राहणारे आणि त्यामुळे नीतीमत्ता बाळगणारे, तिचा बडेजाव करणारे वेगळे आणि आतूनच वाटतं म्हणून संधी मिळूनही नीतीमत्ता न सोडणारे वेगळे. पहिल्या प्रकारचे सामान्य तर दुसर्‍या प्रकारचे असामान्य. संत.

↩ प्रतिसाद: धन्या

छान...

धन्या

गुरुवार, 03/22/2012 - 10:49 नवीन

अध्यात्मावरचं वाचन बरंच असला तरी आपल्याला "गुरु" असावा असं आज तरी वाटत नाही. जेव्हा केव्हा वाटेल तेव्हा "गुरु" पदासाठी आपला विचार नक्की करण्यात येईल. ;)

↩ प्रतिसाद: प्यारे१

ऑऑऑऑ?

प्यारे१

गुरुवार, 03/22/2012 - 10:55 नवीन

बळंच कर??? आहो आमची लायकी ती किती? उगाच काहीपण! बाकी, गुरु जेवढा लवकर कराल तेवढं जास्त लवकर भलं होण्याची (आपली साधना सुरु होण्याची, गुरु पाठीशी असतातच) शक्यता निर्माण होते एवढं बोलून या धाग्यावर रजा घेतो.

↩ प्रतिसाद: धन्या

रा.चिं.ढेरे

विसुनाना

गुरुवार, 03/22/2012 - 11:50 नवीन

वर श्री. धन्या यांनी लिहिल्याप्रमाणे ढेरे यांचे 'श्रीविठ्ठल : एक महासमन्वय' हे पुस्तक विठोबाबद्दलच्या सर्व शंका दूर करणारे आहे. मुळात पंढरपुरातली सध्याची विठोबाची मूर्ती ही 'खरी' विठोबाची मूर्ती नसून ती एका काळात माढ्याला हलवली गेली होती असे दिसते. तेव्हा राही/रखुमा या दोन्ही मूर्ती त्याचवेळी वेगळ्या ठिकाणी स्थापित झाल्या असाव्यात.

या ठिकाणी वल्ली यांचे

चौकटराजा

गुरुवार, 03/22/2012 - 12:39 नवीन

या ठिकाणी वल्ली यांचे संशीधनपर विवेचन का नाही. कुठे एखादी बखर चालण्यात स्वारी दंग आहे का काय ? विठोबाची बखर सापडलेली दिसतेय !

मला नाही माहित हो. तसेही वर

प्रचेतस

गुरुवार, 03/22/2012 - 12:57 नवीन

मला नाही माहित हो. तसेही वर संतसाहित्याचे गाढे अभ्यासक श्री धनाजीराव वाकडेबुवांनी अधिक माहिती दिलेलीच आहे.

↩ प्रतिसाद: चौकटराजा

पौराणिक कथा आणि हिंदी सिनेमा

बाळ सप्रे

गुरुवार, 03/22/2012 - 14:04 नवीन

पौराणिक कथा आणि हिंदी सिनेमा मध्ये असे प्रश्न विचारायचे नसतात.. :-) उलट तुम्हीच एखादे पिल्लु सोडुन देउ शकता.. कि ह्या ह्या कारणामुळे ते वेगळे झाले होते.. सांगायचं कि अशी एक दंतकथा आहे म्हणून.. तुम्हालाही कोणी विचारणार नाही "का" म्हणून..