हल्ली मी लिहीतच नाही .....

हल्ली मी लिहीतच नाही ..... हल्ली मी लिहित नाही शब्दांची उधळण झेपत नाही बोचरे शब्द व तुटक्या भावना ... म्हणून मी कागद आता शोधतच नाही .... हल्ली मी लिहीतच नाही ..... मनात राहून गेलेले अस्फुट काहीतरी ..... कवितेमध्ये कधी उमटलेच नाही .... भावना कमी पडली कि प्रतिभा याचा विचार आता करतच नाही ... हल्ली मी लिहीतच नाही ..... काही आठवणी खरडल्या खुळ्या त्याच मग घेऊन गेल्या टाळ्या..... हसता हसता पण रडणे कधी जमलेच नाही ...... हल्ली मी लिहीतच नाही ..... लिहायला घेतले कि आता पाऊस येतो इतका बरसतो कि कागदच ओला होतो चिंब डोळे पुसले तरी आठवणी पुसणे जमतच नाही ...... हल्ली मी लिहीतच नाही .....