२. तबला एकल वादन - वैविध्य

धन्यवाद यशवन्त जी. "उस्ताद झाकीर साहेब वगळता इतर सर्वांना पहिल्यांदाच ऐकण्याचा योग आला" - हेच महत्वाचे. लेखमालेला प्रतिसाद देणार्या सर्वाचे मन:पूर्वक आभार. तबला वादनाच्या क्षेत्रात प्रत्येक घराणे स्वतन्त्र लेखच काय तर लेखमालेचा विषय ठरेल इतके समृद्ध आहे. तेच तबला वादकान्चे. प्रत्येकावर स्वतन्त्र लेखमाला लिहावी असे कित्येक दिग्गज वादक होऊन गेले आणि आजही आहेत. तेव्हा या विषयावर इतके सविस्तर आणि विद्वत्तापूर्ण लिहीणे म्या पामराचे काम नव्हे. मी आधीच लिहिल्याप्रमाणे मला मनापासून ऐकण्याची आवड असली, तरी या विषयात माहिती जुजबी स्वरूपाचीच आहे. या त्रोटक लेखमालेला 'श्रीगणेशा' केला असे आपण समजूया. इथे प्रतिसाद देणार्या रसिक श्रोत्यानी जी घराणी आणि वादकान्चा उल्लेख केला त्यान्च्याबद्दल इथे सविस्तर प्रतिक्रिया देणे, स्वतन्त्र लेख लिहीणे असे केल्यास ही मालिका पुढे चालूच राहिल. शक्यतो या क्षेत्राला ग्रासून टाकणारी अतिरेकी व्यक्तीपूजा टाळली, श्रेष्ठत्वाचे वाद टाळले आणि लिखाणाला छोट्याछोट्या ध्वनिचित्रफितीन्ची जोड दिली तर उपयुक्त ठरेल एवढेच नम्रपणे सुचवतो. बाकी चू.भू.दे.घे.