दिवाळी पाडवागीत: आज आनंद आसमंतात भरला

आज आनंद आसमंतात भरला जणू उधाण आलंय मनाला ||धृ|| मंगल तालावर धरला फेर लाभले दिवसाला सुरेल सुर वारा आनंदाची गातो गाणी उत्साहाच्या लाटा येती सागराला आज आनंद आसमंतात भरला ||१|| हाती धरता तेज दिव्यांचे गेले निघून राज्य अंधाराचे किरण सुर्याचे उतरूनी आले उजळवून टाकती धरतीला आज आनंद आसमंतात भरला ||२|| प्रभातीच्या समयी आले सुर अंगणी नभानेही दिली साथ रंग उधळूनी ताला सुरांच्या वैभवाने केली सुरूवात शुभ मुहूर्तमेढ झाली दिवाळी पाडव्याला आज आनंद आसमंतात भरला ||३|| - पाषाणभेद (दगडफोड्या) ०७/११/२०१० (दिवाळी पाडवा)