मुखपृष्ठाकरता शब्दांकन हवे आहे, चित्रसंकलन करून हवे आहे..

राम राम मिपाकरहो, योगेश यांनी मिपावर लिहिलेल्या सिंहगडावरची खादाडी या लेखावर आधारीत छानसे मुखपृष्ठ बनवायचे आहे.. आपल्याकडे अनेक संगणक करामती तज्ञ आहेत, त्याच प्रमाणे शब्दप्रभूही आहेत. मिपावरील कुणी संगणक करामती तज्ञ संकलक मला सदर लेखातील सार्‍या चित्रांचे छानसे एकत्रित संकलन करून देईल का? संकलन करून त्याची एकच जेपीजी बनवून द्यावी.. उदाहरणादाखल मी एक संकलन केले आहे. ते येथे पाहता येईल.. त्याच प्रमाणे मिपावरील कुणी शब्दप्रभू त्या चित्राचे ८-१० ओळीतले समर्पक, खुमासदार वर्णन करून देईल का? योगेशने आपले काम केले आहे. आता बाकी मंडळींच्या मदतीने एक चांगलेसे मुखपृष्ठ तयार करुया.. :) करणार का मदत? वाटल्यास ही स्पर्धा समजा..! ज्याला/जिला चित्राचे संकलन करता येईल त्याने/तिने चित्राचे संकलन करावे. ज्यांना ते जमणार नाही त्यांनी काही खुमासदार ओळी लिहायचा प्रयत्न करावा.. जे चित्र व ज्या ओळी मला पसंत पडतील त्यानुसार मी मुखपृष्ठ बनवेन व योगेशसोबत संबंधित नावेही 'सौजन्य' अंतर्गत मुखपृष्ठावर टाकेन.. चला तर, कृपया कामाला लागा.. आपला, (मराठी संस्थळांवर मुखपृष्ठाची कल्पना सर्वप्रथम मांडून ती राबवणारा) तात्या.