✍ मराठी साहित्य, संस्कृती आणि लेखनाचे व्यासपीठ

लोक्सत्त्तेची निस्प्रुह पत्रकारिता

सूर्याजीपंत यांनी
 ·  लेख
लेख
लोकसत्तेमध्ये मागील ३/४ दिवसात फारच सुंदर अग्रलेख आले आहेत. जगातून जातीयवादी शक्तींना नाहीसे करण्याचा लोकसत्तेने जो विडा उचलला आहे तो खरोखर स्पृहणीय आहे. जगात घडत असणाऱ्या सर्व वाईट गोष्टीना सर्वस्वी संघपरिवार उत्तरदायी आहे यात काहीही दुमत असण्याचे कारणच नाही. लोकसत्तेचा २५ ऑक्टोबरचा भगवे दहशतवादी हा अग्रलेख हा याच मालिकेतील एक दुवा आहे. संघाचे कोणालाही माहित नसलेल्या छुपे अतिरेकी मनसुब्यांचा लोकसत्ताने या अग्रलेखात पडदाफाश केला आहे. गुजरात मध्ये विकासाचे ढोंग करणाऱ्या नरेंद्र मोदींना यात चांगलेच झोडपले आहे. त्सुनामी, भूज चा भूकंप आणि लेह मधील ढगफुटी यात देखील संघाचा हात आहे का यावर लोकसत्तेने शोधपत्रकारिता करण्याची आता गरज आहे. आजच्या (२९ ऑक्टोबर) च्या अग्रलेखातसुद्धा ओबामा कर्नाटकात न जाण्याला तेथील भाजप सरकार कसे जबाबदार आहे ते सांगितले आहे. अमेरिकेच्या आतल्या गटातील बातम्या फक्त आणि फक्त लोकसत्तेला काळात असल्याने त्यांचे कौतुक करण्याची गरज आहे. जगातील सर्वात जातीयवादी संघटन म्हणजे संघपरिवार आणि सर्वात दुष्ट व्यक्ती म्हणजे नरेंद्र मोदी या लोकसत्तेच्या मोहिमेला लवकरच यश येवो. म्हणजे सच्चर, अरुंधती रॉय, तीस्ता सेटलवाड अश्या धर्मनिरपेक्ष लोकांचा विजय होईल. यातच भारताच्या धर्मनिरपेक्षतेचे यश सामावलेले आहे. संदर्भासाठी दोन्ही अग्रलेखांचे दुवे खाली देत आहे. १) http://www.loksatta.com/index.php?option=com_content&view=article&id=110117:2010-10-24-15-22-50&catid=29:2009-07-09-02-02-07&Itemid=७ २) http://www.loksatta.com/index.php?option=com_content&view=article&id=111098:2010-10-28-15-18-30&catid=29:2009-07-09-02-02-07&Itemid=7
9824 वाचन
💬 प्रतिसाद (62)

प्रतिक्रिया

अडगळ
Fri, 10/29/2010 - 23:06 नवीन
पण वाचताना किळस आली. नावडत्या व्यक्ती - विचाराला मलमूत्राच्या उपमा दिल्याने फार काही बोलण्याला धार येईल असे वाटत नाही. केतकर पटतात / न पटतात हा भाग वेगळा पण ते चांगली मराठी तरी लिहतात. बाकी चालू दे.
↩ प्रतिसाद: हुप्प्या

प्रिया देशपांडे
Fri, 10/29/2010 - 23:42 नवीन
हेच म्हणते. टोकाला जायचे आणि स्वतःच्या पायावर दगड मारुन घ्यायचा ही हिंदुत्ववाद्यांची वृत्ती असते असे सर म्हणतात.
↩ प्रतिसाद: अडगळ

इनोबा म्हणे
Sat, 10/30/2010 - 11:31 नवीन
केतकरांच्या शिष्या असाव्यात बहूधा. ;)
↩ प्रतिसाद: पंख

स्वानन्द
Sat, 10/30/2010 - 09:02 नवीन
असहमत. त्यांनी ती उत्प्रेक्षा वापरली कारण सुमारांनी त्याच विषयाच्या संदर्भात अग्रलेख लिहीला होता. असो.
↩ प्रतिसाद: अडगळ

इनोबा म्हणे
Sat, 10/30/2010 - 10:14 नवीन
चला, सुमारांचा टिआरपी थोडा तरी वाढला. हिंदूत्ववाद्यांना शिव्या देण्यासाठी सुमारांना स्वतः इथे यावे लागत नाही हे बरे झाले. त्यांच्या सुदैवाने ते काम करायला इथे त्यांचे भरपूर अनूयायी आहेत.

अवलिया
Sat, 10/30/2010 - 11:31 नवीन
अगदी सहमत आहे.
↩ प्रतिसाद: इनोबा म्हणे

विकि
Sat, 10/30/2010 - 17:26 नवीन
राज्यसभेच्या जागेसाठी एव्हढा लाळ्घोटेपणा कोणी केलेला पाहिला नव्हता ... मला तर एकदम 'HMV' चा लोगोच आठवतो ... हे जे केतकरांबद्दल लिहीले आहे ते चुकीचं आहे. तुम्ही ठामपणे हे कसं सांगू शकता ? जर केतकरांना राज्यसभेचा खासदार व्हायचं असतं तर ते केव्हाचं होऊ शकले असते. इतकी वर्ष थांबले नसते. हे लक्षात असू द्या. आज मराठी वृत्तपत्रात केतकर या एकाच संपादकाचं नाव घेतलं जातं.

विकास
Sun, 10/31/2010 - 04:51 नवीन
नमस्कार कॉम्रेड साहेब, आज एकदम अलभ्य लाभ झाला! जर केतकरांना राज्यसभेचा खासदार व्हायचं असतं तर ते केव्हाचं होऊ शकले असते. इतकी वर्ष थांबले नसते. त्यांच्या मनात आले की तात्काळ ते राज्यसभेचे खासदारच काय सभापतीपण (aka राष्ट्रपती) होऊ शकतील याची खात्री आहे. :-) . आज मराठी वृत्तपत्रात केतकर या एकाच संपादकाचं नाव घेतलं जातं. सहमत. "एकाच संपादकाचे" नाव घेतले जात आहे. :-)
↩ प्रतिसाद: विकि

चिंतामणी
Sun, 10/31/2010 - 08:12 नवीन
त्यांच्या मनात आले की तात्काळ ते राज्यसभेचे खासदारच काय सभापतीपण (aka राष्ट्रपती) होऊ शकतील याची खात्री आहे. राज्यसभेचे सभापती उपराष्ट्रपती असतात. राष्ट्रपती नव्हे. बाकी भा. पो. :)

विकास
Sun, 10/31/2010 - 19:46 नवीन
राज्यसभेचे सभापती उपराष्ट्रपती असतात. राष्ट्रपती नव्हे. चूक झाली! तसेच म्हणायचे होते पण गोंधळ झाला. नजरेत आणून दिल्याबद्दल धन्यवाद. :-)
↩ प्रतिसाद: चिंतामणी