Skip to main content

माहीत नव्हतं...

लेखक अथांग यांनी शुक्रवार, 17/09/2010 05:41 या दिवशी प्रकाशित केले.
नशीबाला दोष देता देता नशीबाचा कौल घेता घेता, नशीबात तू पण असणारेस..... माहीत नव्हतं ! खडतर पायवाट तुडवत जाता काट्यांना त्यावर चुरडत फिरता, फुलासारखं तू जपणारेस..... माहीत नव्हतं ! अस्ताव्यस्त आयुष्य विखरता कणा-कणाने झुरता-झुरता, आपसुक, अलगद सावरणारेस..... माहीत नव्हतं ! आत खोल काहीसं तुटता मरत-मरत जगता-जगता, श्वास होऊन तारणारेस....... माहीत नव्हतं !!!
लेखनविषय:
वाचने 1082
प्रतिक्रिया 4

प्रतिक्रिया

पाषाणभेद शुक्रवार, 17/09/2010 12:45
माहीत नव्हतं या ऐवजी सोबत हे शिर्षक अधीक योग्य होतं असं वाटतं. अर्थात मुलगी तुमची. बारसं तुम्हीच करा!

अथांग शुक्रवार, 17/09/2010 23:58
कवितेत व्यक्त झालेय, ते त्या क्षणी जाणवलेले आहे. त्यापुढे त्याची सोबत आहे की नाही याची कल्पना नसल्याने ते नाव कसे वाटेल माहीत नाही. "वाचवणारा/जाणीव देणारा" नेहमीच "सहप्रवासी/सोबती" असतोच असे नाही. अर्थात मी आधीच सांगितल्याप्रमाणे मला खरंच कवितेला नाव द्यायला सुचत नाही. त्यामूळे आपल्या सूचनेबद्दल आभारी आहे.