एकदा होवोनी पक्षी

वाटे एकदा होवोनी पक्षी पहावी शेते डोंगर नद्यांची नक्षी उंचच उंच जावे वरती वरती अलगद उतरावे धरणीवरती हळूच आपले पंख पसरूनी घास शोधावा हिरव्या रानी शोधावा पाणवठा निर्मळ शितल प्यावे पाणी थंडगार नितळ मध्येच एखाद्या झाडावर थांबावे विश्रांती घ्यावी पंख झाडावे चोचीने फळ एखादे तोडावे मनात येईल तेव्हा उडावे दिवसभर असेच फिरावे सायंकाळी पुन्हा माघारी यावे घरचे सारे पुन्हा भेटावे काय घडले दिवसभरात ते सांगावे - पाषाणभेद (दगडफोड्या) ०५/०७/२०१०