कान्हा रे कान्हा असे काय करी

कान्हा रे कान्हा असे काय करी

(चाल १):
दही विकाया गोपी निघाल्या मथूरेच्या बाजारी
वाट अडवून कान्हा बसला म्हणे दही कर द्यावा करी
प्रिती पाहूनी कान्हाची आपल्यावरी
गोपीका त्या वरवर रागावती
लटका लटका नकार देती परी मनी सुखावती

वाट अडवूनी कान्हा त्यांची छेड काढी
कारण करूनी कान्हा मडके फोडी
कान्हा मडके फोडी

(चाल बदलून):
कान्हा रे कान्हा असे काय करी
दुधा दह्याचे मडके असे का फोडी
फोडीलेस तर सोडीव मज ती गोडी ||धृ||

विरहाची सवय होत असतांना
मला तुझ्याकडे पुन्हा का ओढी?
ओढीत असता वस्त्रे न माझे फेडी ||२||

कान्हा रे कान्हा असे काय करी
दुधा दह्याचे मडके असे का फोडी ||धृ||

संसारी या पडता मी रे विसरले तुला सख्यारे
तू छेडीता सुर मुरलीवरी रे छेडीलेस तू पुन्हा मला रे
छेडाच्या खेळात दंग, संसारी एकटी का सोडी ||२||

कान्हा रे कान्हा असे काय करी
दुधा दह्याचे मडके असे का फोडी ||धृ||

- पाषाणभेद (दगडफोड्या)
१७/०४/२०१०