माहिती मिळवणे व साधक बाधक चर्चा

काल (७ जानेवारी २०२५) रात्री ११ वाजता माझ्या एचडीएफसी फास्टॅग खात्यातून ₹७२/- टोल शुल्क वजा झाल्याचा एसएमएस् आला. मात्र, त्यावेळी माझी कार घरी उभी होती आणि ती वापरात नव्हती. मी आज सकाळी तो एसएमएस् पाहिला आणि लगेच फास्टॅग खात्यावर तक्रार नोंदवली. मला माझी वजा झालेली शुल्क रक्कम परत हवी आहे. कदाचित नोंदविलेल्या तक्रारीवर कारवाई झाल्यावर ती रक्कम परत मिळेल. तथापि, याची पुरेश्या गांभीर्याने चौकशी होईल याची मला खात्री करून घ्यायची आहे. शक्य झाल्यास मला टोल गेट मधून गेलेल्या वाहनाचा फोटो किंवा पुरावा हवा आहे.

नमस्कार. मागच्या काही महिन्यात एक मराठी पुस्तक वाचण्यात आलं. त्यावर पुस्तक परिचय इथे मिपावर लिहावा असं मनात आहे. पूर्वी कधीही पुस्तक परिचय लिहिलेला नाही. परिचय लिहिताना पुस्तकातील किती संदर्भ आपण जसेच्या तसे लेखात देऊ शकतो? उदाहरणार्थ, पुस्तकाचा ५% भाग लेखात आला तर त्यासाठी प्रकाशकांची/लेखकांची परवानगी घ्यावी लागते का? अनुभवी मिपाकर मार्गदर्शन करतील यात शंका नाही. धन्यवाद.

मंडळी काल परवा पर्यंत पाऊस पडतोय की नाही असं वाटत असताना आज सकाळ्पासुन तो सतत पडतोय म्हणुन प्रसारमाध्यमांकडुन सगळीकडे पुराच्या पाणाच्या बातंम्या द्यायला सुरुवात झाली. पुर्वी म्हणजे फार तर आपण २००० पर्यंत म्हणुया , की २ ते ३ माहिने सततधार पाऊस पडत नाही तो पर्यंत कुठेही नदी नाल्याला पुर येत नव्हता किंवा धरणाचे दरवाजे उघडले जात नव्हते. आणि आताच बातमी ऐकली की एका दिवसात पुर्ण भरल्यामुळे एका धरणाचे ९ दरवाजे उघडले गेलेत. तसेच राज्यात ठिकठिकाणी पाणी घराघरात , बाजरपेठेत साठु लागलंय उदा.

नमस्कार, एडिसन न्यू जर्सी या भागात भाड्याने घर बघत आहोत. सोबत छोटा मुलगा आहे त्यामुळे घर राहण्या साठी सुरक्षित भागात हवे. आणि मुलाला खेळण्यासाठी सवंगडी असावेत. कोणी मदत करू शकेल का?

भरत गुप्त हे संस्कृत आणि ग्रीक भाषेचे विद्वान असून दिल्ली विद्यापीठातून प्राध्यापक म्हणून ते निवृत्त झाले आहेत. कामसूत्र ह्या पुस्तकावर त्यांनी विपुल लेखन केले आहे. ह्या ऑनलाईन भेटींत आपण त्यांच्याकडून कामसूत्र ह्या विषयावरील अधिक माहिती जाणून घेऊ शकू तसेच प्रश्न सुद्धा विचारू शकू.

नमस्कार मंडळी सध्या पेपरात आणि बातम्यात करोना व्यतिरिक्त सुशांतसिन्ग राजपुत आणि दूध आंदोलन टॉपवर आहेत. माझ्यासारख्या शहरात जन्मलेल्या आणि वाढलेल्या माणसाला दुधामागचे राजकारण नीटसे समजत नाहिये. म्हणुन हा लेख प्रपंच. प्रथम माझ्यासारख्या ग्राहकाच्या दृष्टीकोनातुन पाहुया. आपल्या दुधाची गरज अगदी अल्प म्हणजे रोज १-२ लीटर असते. सणासुदीला कधीतरी श्रीखंड्/बासुंदी/पेढे किवा उन्हाळ्यात आईस्क्रीम ,जेवणात ताक किवा तूप, रोजचा चहा हे सर्व यात धरले आहे.

पन्हाळगडावर चार महिने तळ ठोकूनही अपयशी आणि चार तासात अवघड जागेतील गडावर प्रवेश मिळवणारा दोघेही लष्करी अधिकारी. पण साहस, समयसूचकता, चातुर्य आदि गुणातील तफावत विपरीत परिणाम घडवते...

मला पडलेला एक प्रश्न असा आहे की, गायीच्या दुधाचे - आणि तुपाचे, गोमूत्राचेही - जे फायदे वर्णन केले जातात त्यात खरोखरच काही तथ्य आहे की त्या सर्व गप्पाच hearsay असतात? शोध घेतला तर असे समजते की गायीच्या दुधात जे प्रोटीन्सचे molecules (रेणू?) असतात ते म्हशीच्या दुधातल्याहून आकाराने लहान असतात त्यामुळे गाईचे दूध पचायला जास्त सोपे असते. बाकी अन्य प्रकारच्या दुधापेक्षा त्यात काही खास गूण नाहीत. ह्याहून अधिक माहिती मला तरी मिळालेली नाही. बाकीचे सर्व फक्त सिद्ध न झालेले दावेच आहेत का? उदा. माझा एक कोकणातील मित्र म्हणाला की, गायीच्या शेणाने जर जमीन सारवलेली असेल तर तिथे मुंग्या येत नाहीत.

२०२० पर्यंत गाड्यांचे बरेच नॉर्म्स बदलणार आहेत, इलेक्ट्रिक गाड्या येणार आहेत तर आता गाडी घेणे किती सयुक्तिक आहे? रोज फारतर २५ किलोमीटर गाडी फिरू शकते तर पेट्रोल, डीझेल किंवा सीएनजी ह्यापैकी कशावर चालणारी गाडी सयुक्तिक आहे? अर्थात वर्षभरात फारतर एखादे दुसरी ट्रीप महाराष्ट्रात होवू शकते. शिवाय मंदीमुळे खरेच गाड्या कमी किमतीला मिळत आहेत का किंवा त्यांच्या किमती अजून कमी होतील का? नवीन नॉर्म्समुळे जुन्या गाड्या आता घेणे फायद्यात ठरू शकते का? सद्या ओला उबेर हा पर्याय आहेच पण त्यांच्यासाठी वाट पाहणे आणि त्या ऐनवेळेला दर वाढवतात. त्याहीपेक्षा त्या वेळेवर येत नाहीत. त्यामुळे त्या वापरणे अवघड आहे.

मिपाकरांनो, नमस्कार.. OLX वरुन विक्रीसंबंधात आपली मदत हवी आहे. सुमारे दोन वर्षांपुर्वी सफरचंदाच्या मोहात पडून मी एक MacBook Pro (A1502) 13-inch लेपटॉप घेतला. मात्र विंडोज वापरण्याची सवय, यत्र-तत्र-सर्वत्र ऑफीसात विंडोज असल्याने, आणि मॅकबूकमधल्या आयओएसशी जुळवता न आल्याने, जवळपास शुन्य वापरानंतर तो परत त्याच्या डब्यात जाऊन विसावला. मग त्यावर विचार केल्यावर उमगले की आता ह्यास विकून थोडा अडका जोडावा. (लोनच्या EMIचा मॅसेज हा फारच प्रेरणादायी असतो बघा.. ;-) ). म्हणून मग काल त्याला विकण्यासाठी OLX वर अ‍ॅड दिली. त्याला आज लगेच एका व्यक्तीचा रिप्लाय आला.