कवि - गणेश पावले

कित्येक मैलाचा प्रवास केल्यावर मिळालेला विसावा म्हणजे तुझं प्रेम अथांग सागर पोहून पार केल्यानंतर मिळालेला किनारा म्हणजे तुझं प्रेम आयुष्याच्या खडतर प्रवासात लाभलेलं सुख म्हणजे तुझं प्रेम अपार कष्टानंतर सुखाची ओंजळ भरून मिळालेलं फळ म्हणजे तुझं प्रेम सुखादुखाच्या असह्य वेदनेनंतर क्षमलेली कळ म्हणजे तुझं प्रेम मायेचा ओलावा.. ममतेचा पाझर जीवनभराचा गारवा म्हणजे तू प्रेम - गणेश पावले लेखन संपादित केलेले आहे --------------------

☼ आई हिंदवी स्वराज्य स्थापू दे !!

जन्म घेवू पुन्हा येथे राखू स्वराज्याची लाज, मातीसाठी मरू कितीदा घेवू शपथ आज. माय मराठी जाचात भरडली मातला अनर्थ भारी, करू अभिषेक रक्ताचा आज मिळून रायरेश्वरी. पातशाहीचा बिमोड करू राखू लाज मुलुखाची, प्राणपणाने स्वराज्य मिळवू इच्छा हि "श्री" ची. आई भवानी आहे साथीला उंच उभारू भगवा, तुकडे करू राई एव्हढे आलाच जर गनीम आडवा. सह्याद्रीची उत्तुंग शिखरे साद घालिती आम्हास, स्वराज्याचं तोरण बांधून रक्षु हिंदू धर्मास. हर हर महादेवाचा नारा आता अटकेपार गर्जुदे, मावळा लढण्यास सज्ज आई हिंदवी स्वराज्य स्थापु दे. हिंदवी स्वराज्य स्थापु दे… !!