काही निसर्गचित्रे फोटोग्राफी टेकनिक्स आणि फोटोशॉप

पूर्वी शरद यांनी म्हटल्याप्रमाणे, 'मिपावर या विभागात अनेक छायाचित्रकार आपली छायाचित्रे डकवत असतात. त्यांचा दर्जाही चांगला असतो. प्रतिसादावरून हेही जाणवते की वाचकांना ही चित्रे आवडतात. याचे एक कारण असे की या चित्रातील ७०-८०% च्या आसपास निसर्गचित्रे असतात. आता घनदाट झाडी, फेसाळणार्‍या लाटा, बर्फाच्छादित पर्वत नेत्रसुखदायक असल्याने सर्वच खुश. उरलेल्या चित्रात फुले आणि पक्षी. तेही चांगले दिसतात. आनंदी आनंद गडे....

एक लक्षात घ्या. या अशा चित्रांत वेळ, अपर्चर, स्पीड, दृष्टीकोन, थोडेफार बदलले तरी फारसा फरक पडत नाही. चित्राची आकर्षकता कायम रहाते. मग काय होते की चित्रकाराने स्वत: विचार करून, जाणीवपूर्वक चित्र काढले आहे का याचा अंदाज येत नाही. बर्‍याच चित्रांत कलर बॅलंस, फ़्लो. वेटेज यांचा विचार केला आहे कीं नाही असा प्रश्न चित्र काळजीपूर्वक पहाणार्‍याला पडतो.'

मिपाकरांनी हेच आव्हान स्वीकारुन काही चांगली पोट्रेट्स पेशकश केली. मी थोडा वेगळा विचार करुन ठरवले की, आपण अशी छायचित्रे डकवू की ति निसर्गचित्रेच आहेत पण ती काढताना काही वेगळी तंत्रे वापरली आहेत तर काही चित्रे फोटोशॉप मध्ये खूप जास्त एडिट केली आहेत.

अशीच काही चित्रे

१. चित्र उपलब्ध नाही
हे छायाचित्र १० सेकंद अ‍ॅपर्चर घेउन काढलेले आहे. पाण्याला आलेला स्मूथ इफेक्ट त्यामुळेच दिसतो. भरदुपारी असे अ‍ॅपर्चर ठेवल्यास फोटोमध्ये फक्त पांढरा प्रकाश येईल. म्हणून लेन्स समोर एक वेल्डिंग काच ठेवून त्याचा उपयोग १२ स्टॉप एन डी फिल्टर सारखा केला आहे. फोटोशॉप मध्ये ब्लॅक अ‍ॅण्ड व्हाईट करून थोडा सेपिआ टच देण्याचा प्रयत्न केला आहे.

२. चित्र उपलब्ध नाही

हा डाउनटाउन चा फोटो फोटोशॉप मध्ये HDR प्रकारचे टेक्निक वापरून बनवला आहे. मुळात दोन फोटो काढून (१ अंडरएक्सपोज आणि दुसरा ओव्हरएक्सपोज) ते मर्ज केले आहेत आणि त्यानंतर इमेज च्या टोन, कलर वगैरेच्या कर्व्हज ठीक ठाक केल्या आहेत. (इमारती आणि आकाशाचे रंग मुख्यत्वे)

३. चित्र उपलब्ध नाही

४. चित्र उपलब्ध नाही

३ आणि ४ पुन्हा एकदा वेल्डिंग काच वापरून ३० सेकंद अ‍ॅपर्चर ठेवून काढलेले आहेत. एक ब्लॅक अ‍ॅण्ड व्हाईट तर दुसरा कलर एडिट केला आहे.

५. चित्र उपलब्ध नाही

हे चित्र फोटोशॉप मध्ये कलर मधून ब्लॅक अ‍ॅण्ड व्हाईट करून नंतर बाकीच्या रंगांचा परिणाम शून्य केला आहे. म्हणून काळ्या पांढर्‍या चित्राला एक स्मूथ इफेक्ट आला आहे.

६. चित्र उपलब्ध नाही

वसंतातले पहिले उमललेले फूल टिपून फक्त तेवढेच फोटोत उठावदार करुन बाकीचे रंगहीन छायाचित्र सरलेल्या उदास हिवाळ्याचे प्रतीक आहे. (फोटोशॉप सॉफ्ट फोकस)

७. चित्र उपलब्ध नाही

८. चित्र उपलब्ध नाही

छायाचित्रे ७ व ८ ही ३ व ४ प्रमाणेच. फक्त ब्लॅक अ‍ॅण्ड व्हाईट चित्रात ४ सेकंदाचा शटर स्पीड असल्याने लाटा दिसतात तर रंगीत चित्रात ४५ सेकंद शटर स्पीड असल्याने समुद्राला स्मूथ इफेक्ट येतो.

आपणही जर निरनिराळी टेकनिक्स वापरून छायाचित्रे काढली असल्यास येथे शेअर करावीत. तेवढीच आपणा सर्वांच्या फोटोग्राफी ज्ञानात मोलाची भर पडेल.