तुलाच आज पाहतो

वृत्त : कलिंदनंदिनी लगावली : लगालगा लगालगा लगालगा लगालगा (मात्रा :२४)

फुलांत श्वास गुंफता लयीत साज पाहतो कवेत घेत कल्पनी तुलाच आज पाहतो अधीर वारियास मी कसेतरी दटावतो चुकार त्या बटांमध्ये खुशाल माज पाहतो हसून बोलसी जशी नभात वीज तोलसी अनाहतात नाद तो जपून गाज पाहतो अबोध पापणी तुझी कुठूनही खुणावते मिटून लोचनांस घे, खळीत लाज पाहतो असे कसे गं चांदणे, चुरा करून सांडले लवून वेच साजणी, दुरून बाज पाहतो कधी फुलेल अंगणी वसंत मी विचारतो तुझाच छंद बावळा, दुजे न काज पाहतो
दिपाली