मिपा मंत्रिमंडळासाठी शिफारशी पाठवा !!

डिस्क्लेमर : सगळ्यांनीच ह. घ्या. कुणालाही दुखावण्याचा हेतू नव्हता आणि नाही. यादीत आपले नाव नसल्यास मिपा आमदारांनी नाराज होऊ नये. (एकूण २० भाग आहेत. प्रत्येकाला कुठे ना कुठे सामावून घेण्यात येईल. ;) ) मंत्रिमंडळातील ६ जागा रिक्त ठेवण्यात येतील. माननीय स्त्री-सदस्यांसाठी ३३% आरक्षण ठेवण्यात येईल. बहुमताने खातेवाटप / खांदेपालट करण्यात येईल. पक्षश्रेष्ठींचा निर्णय अंतिम राहिल. सर्व मिपा-सदस्यांसाठी : आंतर्जालिय पंचवार्षिक निवडणूकीत मिपा आघाडीला तब्बल दोन-तृतीयांश बहुमत मिळाले असून लवकरच खातेवाटप जाहीर होईल. संसदीय पक्षनेतेपदासाठी सर्वानुमते श्रीयुत विसोबा खेचर यांची एकमुखाने निवड करण्यात आली आहे. शपथविधी लवकरच शिवाजी पार्कवर होईल. शपथविधीसाठी कॅबिनेट मंत्र्यांची प्राथमिक यादी जाहीर करीत आहोत. श्री. विसोबा खेचर : मुख्यमंत्री . अर्थ, सांस्कृतिक विभाग, महसूल, दारुबंदी. श्री. नीलकांत : उपमुख्यमंत्री. उद्योग, सहकार, माहिती व तंत्रज्ञान. श्री. क्लिंटन : पणन, अर्थ व नियोजन. ३_१४ विक्षिप्त अदिती : गृहमंत्री, हुच्च व तंत्रशिक्षण. श्री विनायक प्रभू : युवा कल्याण, कुटूंब-कल्याण,रोज गार हमी योजना. ;) श्री ब्रिटिश : आदिवासी विकास, उत्पादनशुल्क, खारजमिन व बंदरे विकास. श्री आनंद घारे : अंधश्रद्धा निर्मूलन. सौ. स्वाती दिनेश : अन्न व नागरीपुरवठा. सौ जागु : महिला व बालकल्याण. श्री. दिलीप बिरुटे : माध्यमिक व उच्च माध्यमिक शिक्षण. श्री. श्रीकृष्ण सामंत : अल्पसंख्याक मंत्री. डॉ. श्री. प्रसाद दाढे : आरोग्यशिक्षण व अवजड वाहन परिवहन. श्री. भडकमकर मास्तर : सार्वजनिक आरोग्य. श्री. पाषाणभेद : कृषी, जलसंधारण. सर्व सन्माननीय सदस्यांनी इतर मंत्रीपदासाठी नावे सुचवावीत.