Skip to main content

स्वतःचे घर की भाड्याचे घर?

लेखक अमरेंद्र बाहुबली यांनी शनिवार, 16/08/2025 12:28 या दिवशी प्रकाशित केले.
- पर्याय 1: घर खरेदी घर किंमत: ₹1 कोटी डाउन पेमेंट: ₹50 लाख कर्ज: ₹50 लाख, 20 वर्षे, 8.5% ROI EMI: ~₹43,400/महिना एकूण व्याज: ~₹54 लाख एकूण भरणा: ₹1.04 कोटी (50L + EMI व्याज) अतिरिक्त खर्च: प्रॉपर्टी टॅक्स: 20 वर्षांत ~₹14.4 लाख सोसायटी मेंटेनन्स: 20 वर्षांत ~₹7.2 लाख एकूण अतिरिक्त: ~₹21.6 लाख - म्हणजे 20 वर्षांत एकूण खर्च = ₹1.04 कोटी + ₹21.6 लाख ≈ ₹1.26 कोटी 20 वर्षांनी घराची किंमत (6% वाढ धरली तर) = ~₹3.21 कोटी पर्याय 2: भाड्याने राहणे + गुंतवणूक प्रारंभिक गुंतवणूक: ₹50 लाख SIP: ₹40k/महिना + 10% वार्षिक टॉप-अप, 20 वर्षे CAGR: 12% परिणाम: एकरकमी ₹50L → ~₹4.83 कोटी SIP → ~₹5.2 कोटी एकूण गुंतवणूक मूल्य: ~₹10.03 कोटी भाडे खर्च: सुरुवातीला ₹25k/महिना, दरवर्षी 10% वाढ 20 वर्षांत एकूण भाडे = ~₹1.9 कोटी 20 वर्षांनंतर निव्वळ संपत्ती = ₹10.03 – ₹1.9 = ~₹8.13 कोटी -अंतिम तुलना घटक घर खरेदी भाडे + MF एकूण खर्च (20 वर्षांत) ₹1.26 कोटी ₹1.9 कोटी 20 वर्षांनी मालमत्ता ~₹3.21 कोटी ~₹8.13 कोटी तरलता (Liquidity) कमी खूप जास्त स्थैर्य जास्त (स्वतःचं घर) कमी (भाडे वाढतं, स्थिरता कमी) जोखीम प्रॉपर्टी मार्केट इक्विटी मार्केट निष्कर्ष फक्त आकडेवारीनुसार: "भाडे + MF गुंतवणूक" हा पर्याय अजूनही प्रचंड फायदेशीर (८ कोटी विरुद्ध ३.२ कोटी). पण: घर खरेदी म्हणजे मानसिक सुरक्षितता, भाड्याचा त्रास नाही.
वाचने 12824
प्रतिक्रिया 81

प्रतिक्रिया

विअर्ड विक्स शुक्रवार, 22/08/2025 10:51
अनेक जण घर घेऊन नफा कमवला असे उदाहरणे देत आहेत , त्यासाठी पुढील मुद्दे महत्वाचे आहेत . १. घराचे ठिकाण - जी नव उगवती क्षेत्रे आहेत तेथे तुम्हाला वाढीव भाव मिळेल पण हाच तर्क जे आधीच सुबत्ता असलेल्या ठिकाणाला वा उपनगराला लागू होईल असे नाही २. मुळात राहण्यासाठी घेतलेले घर कोणी भविष्यात काय किंमत होईल या हिशेबाने घेत नाही तर आजू बाजू ला असणाऱ्या सोयी सुविधा , शाळा व आपले बजेट या हिशेबाने घेतात. ३. रेरा , नोटबंदी , कोविड आणि मनमोहन सरकारात अवाजवी वाढलेला फुगा यामुळे रिअल इस्टेट मध्ये असणारे परताव्याचे प्रमाण कमी झाले आहे. अपवाद अजूनसुद्धा काही परिसर शहरात असे आहेत ( ठाणे माजिवडा वा वाकड इ ) जेथे २-३ वर्षात उत्तम परतावा मिळतो म्हणजे फॉउंडेशन ते हॅन्डओवर पर्यंत उत्तम वाढ होते . परंतु अंडर construction घर घेणे हे मला पटत नाही कारण कितीही नामचीन बिल्डर असले तरी प्रोजेक्ट रखडला कि कोणी वाली नसतो . आजकाल fractional रिअल इस्टेट इन्व्हेस्टमेंट पण चालू आहे पण माझा त्यात अनुभव नाही कारण जी इन्व्हेस्टमेंट मध्ये रिस्क आहे ( शेअर मार्केट सोडून कारण जे काही आहे ते माझ्या डोळ्यासमोर होते ) असे ठिकाणी गुंतवणूक मी टाळतोय . ( DSK डिबेंचर आणि P२P मध्ये हात पोळले आहेत )

कानडाऊ योगेशु शुक्रवार, 22/08/2025 13:50
मी स्वतः कामानिमित्त बराच काळ भाड्याच्याच घरात राहत आलो आहे. कुटुंबासहीत. घरमालकाचे खरे रंग घर सोडताना कळतात. ह्यावर मागे एक धागा सुध्दा काढला होता. उज्जैनमध्ये राहत असताना घरमालक खालच्या मजल्यावर व आमचे कुटुंब वरच्या मजल्यावर राहत होते.त्याने हे घर आधी स्वतः च्या मुलांसाठी दुमजली असे बनवले होते.त्यामुळे टाईल्स वगैरे महागड्या लावल्या होत्या. तेव्हा सामान शिफ्ट करताना अगदी डोळ्यात तेल लावुन टाईल्स वर ओरखडे पडणार नाहीत ह्याच्या सूचना देत होता. तसेच कन्या कथ्थक करताना पायांचा जास्त आवाज आला तर खालुन विचारणा केली जायची. बाकिच्या बाबतीत तसा काही त्रास नव्हता पण स्वतःच्याच घरात (भाड्याने का असेना) चोरपावलांनी फिरावे लागे. भाड्याच्या घरात तुम्हाला नेहेमी दुय्यम नागरिक म्हणुनच राहावे लागते.

कपिलमुनी शुक्रवार, 22/08/2025 15:55
१. दुय्यम नागरिक म्हणून सोसयटी मध्ये वागणूक २. सतत घर बदलल्ले कि मुलांचे मित्र बदलतात , त्यांना अ‍ॅडजस्ट करायल खुप वेळ जातो . मित्र होत नाहीत .. -- हा ड्रॉबॅक मोठा वाटतो.

अभ्या.. शुक्रवार, 22/08/2025 16:17
भाड्याच्या घरात तुम्हाला नेहेमी दुय्यम नागरिक म्हणुनच राहावे लागते. हे एका अंशी बरोबर आहेच. मला तर अशा खूप परिस्थितींचा अनुभव आहे. लहानपणी स्वतःचे मोट्ठे घर ते किशोरावास्थेत लहानसे भाड्याचे घर, त्यानंतर परत घरे आणि गांवे बदलत बदलत नातेवाईकांच्या घरातही राहणे, त्यानंतर स्वतःचे भाड्याचे घर, त्यात कित्येक बदल, अगदी स्वतःचे घर घ्यायचेच असे होऊनही परिस्थितीनुसार घेतलेली माघार, असा प्रवास झालेला आहे. लग्नानंतर चार भाड्याचे घरे झाली पुण्यात. पहिल्या सोसायटीत वन बीएच्के मग तिथेच टू बीएच के, ते बदलून मग ज्या सोसायटीत भाड्याने राहायला आलो ती आवडली आणि तेथेच बिल्डरने प्रमोटर्स साठी राखून ठेवलेला फ्लॅट मिळवला. त्यामुळे एकाच सोसायटीत भाड्याने राहत असताना आणि तिथेच मालक झाल्यावर मेंबराकडून कशी वागणूक मिळते आणि आपल्याला काय फरक पडतो ह्याचा चांगलाच अनुभव आहे. कोविडोत्तर खरेदी असली तरी चांगल्या एरियात चांगल्या लोकेशनला फ्लॅट असल्याने किंमतीत वाढ समाधानकारक आहे पण हेही घर सोडून आता परत भाड्याने राहावे लागतेय तेंव्हा अ‍ॅज अ घरमालक आणि भाडेकरु असे दोन्ही रोल एकाच वेळी पार पाडावे लागत आहेत. ज्या अपेक्षा आपण भाडेकरुकडून करतो त्याच पध्दतीने आपण स्वतः राहायचे (थोडे जास्तच जाचक नियम आणि वातावरण असताना) ही तारेवरची कसरत चालू आहे.

स्वधर्म शुक्रवार, 22/08/2025 17:25
भाड्याच्या घरात सर्वात मोठा तोटा हा की मालक कधीही तुंम्हाला घर सोडून जा असे सांगू शकतात आणि त्या एक महिन्यात दुसरे पसंतीचे वाजवी घर मिळेलच असे नाही. तो ११ वा महिना खूप बेक्कार जातो.

चिखलू रविवार, 24/08/2025 23:51
नविन धागा सुरु करु की इथेच लिहु तेव्हडे सांगा. थोड्क्यात म्हणजे वर जी काही चर्चा झाली आहे त्या सगळ्यांची मिळुन एक खिचडि आहे माझ्याकडे सद्ध्या.उद्या ह्या वेळेच्या आसपास लिहुन टाकायचा प्रयन्त करेन.

धर्मराजमुटके सोमवार, 25/08/2025 09:25
आपला देह हेच एक भाड्याचे घर आहे. मालकांनी बोलावल्यावर लगेच सोडून जावे लागते. नोटीस मिळत नाही. अचानक जावे लागते त्यापेक्षा इथे ११ महिन्याच्या करारावर भाड्याने राहिलेले चांगले. बाहुबली साहेब तुम्ही नक्की भाड्याच्या घरात रहा. तुमच्या निर्णयास माझे अनुमोदन आहे.