१. व्यावसायिक लष्करी दलांवर अपयश किंवा नुकसानीमुळे परिणाम होत नाही. ऑपरेशन सिंदुरमधे झालेल्या नुकसानीपेक्षा त्या कारवाईची निष्पत्ती महत्वाची आहे. त्यामुळे नुकसानीबद्दल बोलणे योग्य नाही. - सीडीएस जनरल अनिल चौहान. ३. पंजाब आणि आरसीबी आयपीएलमधील अंतिम सामन्यात विराट कोलीच्या संघाचा विजय. पंजाबने दिली कडवी झुंज. पंजाबचा पराभव झाला म्हणून मुंबैकर खुश. -दिलीप बिरुटे

बंगलोर जिंकलं काय कि पंजाब मुंबईकरांना फरक पडत नाही. मुंबई इंडियन स्पर्धेतून बाहेर पडले कि स्पर्धा संपली. एकदा थिएटर मधून बाहेर पडलं कि कुठली सीट रिकामी आहे कि कोणता खेळ चालू आहे काय फरक पडतो?

असा विचार केला तर आम्हाला IPL बघायलाच नको. आमची टीम खालीच राहिली

काल मुंबई विमानतळावर टॅक्सीचालक आणि सुरक्षारक्षक यांच्यात हाणामारी झाली. एकमेकांचे कपडे फाडण्यापर्यंत वेळ गेली. पोलिसांचेही कोणी ऐकत नव्हते. https://marathi.indiatimes.com/viral/viral-news/cab-driver-and-security-staff-clash-at-mumbai-airport-over-parking-dispute-video-viral/articleshow/121624927.cms?utm_source=NP&utm_medium=HP-Top-Headlines

आरसीबीचा हा विजय साजरा करण्यासाठी बंगळुरूच्या चिन्नास्वामी स्टेडियमवर कर्नाटक सरकारने संघाच्या सत्काराचा कार्यक्रमदेखील आयोजित केला होता. पण या कार्यक्रमाला चेंगराचेंगरीचं गालबोट लागले. अकरा जणांना आपल्या जीवाला नाहक मुकावं लागलं दुर्दैवी घटना. आपल्याकडे गर्दी आणि गर्दीचं नियोजन ही मोठी समस्या आहे. नियोजन नसल्यामुळे लोक वाटेल तसे जमेल तिथे गर्दी करतात. लोक ऐकत नाही आणि नियोजन कोलमडतं. आणि अशी दुर्दैवी घटना घडते. -दिलीप बिरुटे

मिळालेले यश भारतात मनासारखे 'एन्जॉय' करता येत नाही म्हणून आपण लंडनला स्थायिक होत आहोत असे कोहली आणी अनुष्काने गेल्या महिन्यात जाहीर केले होते. त्याप्रमाणे आता ते तिकडे स्थायिक होतील. बी सी सी आय वर आयकर शून्य. आय पी एल च्या माध्यमातून बी सी सी आयला २०२३ साली १६,००० कोटी मिळाले. टाळ्या वाजवणारे फॅन्स भरगच्च बसमधुन घाम पुसत स्टेडियममध्ये आनंदोत्सव साजरा करायला गेले. आता ११ घरांमध्ये रडारड चालु असेल आणि विराट-अनुष्का लंडनला निघुनही गेले. Virat Kohli & Anushka Sharma Leave For London https://www.filmibeat.com/bollywood/viral/2025/chinnaswamy-stadium-stampede-virat-kohli-anushka-sharma-leave-for-london-angry-netizens-say-arrest-463549.html क्रिकेट्,देशभक्तीची सुंदर मिसळण केली जाते. मग देशासाठी खेळतो वगैरे बोगस विधाने.

स्वाध्याय वाल्यांचा कार्यक्रम झाला तेव्हा पण अशीच गर्दी होऊन लोक मेले होते. भारतात कॉमन सेन्स कमी आहे आणि गर्दीला सेन्स अजिबात नाही ( मुंबई त्यातल्या त्यात अपवाद ) इतर वेळी यात्रा मध्ये, उत्सवात , रथ असताना अनेक घटना घडल्या आहेत.

नॉर्थ ईस्ट चे लोकं सोडली तर इतर ठिकाणच्या लोकांना कॉमन सेन्स नाही हेच खरं आहे. मुंबई पण काही अपवाद वाटत नाही. बेंगलोर च्या घटनेत पोलीस, संघ मालक यांचा दोष असेल नसेल माहिती नाही पण जमलेली लोकं नक्कीच धुतल्या तांदळाची नाहीत. गेट ला धडका मारतानाचे व्हिडिओ आहेत. हाच कार्यक्रम उद्याच ठेवला तर परत झालं गेलं विसरून तेवढेच लोकं जमतील.

स्टेडियमवर असे काय घडणार होते की लोकांना टीव्हीपेक्षा स्वतः जावे असे वाटले असेल ? कोणत्याही खेळाडूच्या एक हजार फुटाच्या अंतरात देखील पोहोचणे अशक्य असताना ही सर्व मंडळी तेथे गेलीच का ? स्वखुशीने, स्वमर्जीने गेल्यावर तेथे जे काही होईल त्याची सर्वस्वी जबाबदारी त्यांचीच त्यामुळे भरपाई मागणे हे चुकीचेच. सरकारने देखील देऊ नये कारण तो करदात्यांचा पैसा आहे.

आपल्याकडे लोकसंख्याच कितीतरी जास्त झालेली आहे. कुठेही जा गर्दी असतेच. लोणावळ्याला भुशी धरणाला शनिवारी जा गाड्या अडकलेल्या तर असतातच माणसांना चालतासुद्धा येत नाही. सिंहगडाची स्थिती अशीच आहे. त्यातून व्यक्तिपूजा हा आपला स्थायीभाव. दक्षिण भारतात गेल्यास आवडता नट येतो आहे म्हणून तासनतास रस्त्यावर येऊन पूर्ण वाहतुकीचा बोजवारा सर्रास उडताना दिसतो. श्रावणी सोमवारी ज्योतिर्लिंग असलेल्या ठिकाणी मुंगी शिरायला जागा नसते. लालबागच्या राजाला २४ तास रांगेत उभं राहायला लागतं. गर्दीचे मानसशास्त्र हा एक वेगळा विषय आहे. आणि जिथे गर्दी जास्त तिथे राजकारणी तर असणारच ना?

मुख्यमंत्री देवेंद्र फडणवीस यांच्या सरकारने (CM Devendra Fadnavis Maharashtra) राज्यातील 903 विकास प्रकल्पांची प्रशासकीय मान्यता रद्द केले आहेत. ज्या राज्यात अशा योजना आहेत तिथे हेच होणार . विकास होणार नाही . टॅक्स वाले हालात जगणार . भारतात प्रामाणिकपणे पैसा कमवून टॅक्स देउन कोणतीही सिक्युरीटी नाही. सामाजिक , पोलीस, मेडिकल , शैक्षणिक , रस्ते काहीही मिळत नाही.. उलट याच टॅक्स वर माजलेले राजकारणी , गुंड आणि झोपडपट्टी वाले मिडल क्लासची मारतात

श्री.दाजी पणशीकर यांचे काल अल्पशा आजाराने निधन झाले. ते ९२ वर्षांचे होते. त्यांच्या सारख्या श्रेष्ठ व्यक्तीचा मला थोडा का होईना पण सहवास आणि त्यांचे प्रेम व मार्गदर्शन मिळाले या बाबत मी स्वतःस फार भाग्यवान समजतो. त्यांच्या बद्धल संक्षिप्त माहिती खाली देत आहे. [ यासाठी एआयची मदत घेतली आहे. ] - दाजी पणशीकर हे महाराष्ट्रातील एक ज्येष्ठ विचारवंत, साहित्यिक आणि व्याख्याते होते. त्यांचे खरे नाव नरहरी पणशीकर असे होते. त्यांचा जन्म कुटुंबातील सनातन परंपरा आणि धर्मग्रंथांच्या अभ्यासाच्या वातावरणात झाला. दाजी पणशीकर यांनी आपल्या आयुष्यातील ५०हून अधिक वर्षे रामायण, महाभारत आणि संतवाङ्मयाच्या अभ्यासात वाहिली. त्यांनी या ग्रंथांचे स्पष्ट, सोप्या भाषेत विवेचन करून समाजप्रबोधनाचे काम केले. त्यांच्या लेखणीची व वक्तृत्वाची वैशिष्ट्ये म्हणजे विषयाचा व्यासंग, स्पष्टवक्तेपणा आणि परखड विवेचन होते. त्यांनी ‘अपरिचित रामायण’, ‘श्रीसंत एकनाथकृत आठ ग्रंथ’, ‘श्रीएकनाथमहाराजकृत भावार्थ रामायण (७ खंड)’, ‘कथामृत (भाग १ ते ६)’, ‘कपटनीती’ यासह अनेक पुस्तके लिहिली. त्यांचे ‘महाभारत एक सुडाचा प्रवास’ हे पुस्तक विशेष गाजले होते. त्यांनी ३०हून अधिक ग्रंथांच्या आवृत्त्या प्रकाशित केल्या. दाजी पणशीकर यांनी देश-विदेशात सुमारे २,५००हून अधिक व्याख्याने दिली आहेत. त्यांचा प्रभाव आणि ख्याती प्रामुख्याने महाराष्ट्र आणि भारतातील बौद्धिक, साहित्यिक आणि सांस्कृतिक गटांमध्ये होती.त्यांचे कार्य आणि प्रभाव हा त्यांच्या विचारसरणी आणि समाजप्रबोधनावर केंद्रित होता. त्यांनी स्वतःचा वाचक व श्रोतृवर्ग तयार केला होता. मराठी रंगभूमी, साहित्य, संगीत, नाटक, चित्रपट या विविध क्षेत्रांत त्यांनी आपला ठसा उमटवला होता. प्रभाकर पणशीकर यांच्या ‘तो मी नव्हेच’ या नाटकाच्या निर्मितीच्या नाट्यसंपदा या संस्थेचे व्यवस्थापक म्हणूनही त्यांनी अनेक वर्षे काम केले. त्यांनी १९९२ साली वासुदेवशास्त्री पणशीकर वाचनालय स्थापन केले व अनेक सांस्कृतिक आणि साहित्यिक कार्यक्रम घडवून आणले. टिटवाळा आणि नंतर ठाणे येथे त्यांचे निवासस्थान आहे. दाजी पणशीकर यांच्या निधनाने महाराष्ट्राने एक श्रेष्ठ विचारवंत, समाजप्रबोधनासाठी जीवन वाहिलेले व्यक्तिमत्त्व गमावले आहे. त्यांच्या पश्चात पत्नी, दोन कन्या, जावई, मुलगा व सून असा परिवार आहे. ========================================================================================= मदनबाण.....

भ्रष्टाचाराची, देशद्रोहाची, इडीची आणि इतर जी काही कोणावर गुन्हेगारी स्वरुपाचे आरोप असतील अशा सर्वांना वाशींगमशीन मधे धुवून स्वच्छ काढण्याचा एकमेव दैवअवतारी यंत्र म्हणजे भारतीय जनता पार्टी. ज्या बडगुजरची एसायटी मार्फत चौकशी व्हावी अशी असे ज्यांचे मत होते. जो पाकिस्तानमधी कुख्यात गुंड यांचा साथीदार होता, अशा व्यक्तीस हिंदूत्ववाढीस मदत होईल म्हणून असे समर्थन करुन भाजपा प्रवेश दिला जातो यावर आता काही बोलण्यासारखे राहिलेले नाही. अखंड भारत हेच उत्तर. ः लोकसत्ता. -दिलीप बिरुटे

स्विस बँकेत भारतीयांच्या ठेवींमध्ये तिप्पट वाढ झाली असे तेथील मध्यवर्ती बँकेने जाहीर केले आहे. हा सगळा पैसा काळाच आहे असे नाही, तरी आपण तो काळाच आहे असे समजू जसे २०१४ पर्यंत समजत होतो. आता प्रत्येक भारतीय नागरिकाच्या वाट्याला तिप्पट वाढ होऊन १५ चे ४५ लाख होतील ( देणार असे वचन दिले नव्हते ). फक्त हा काळा पैसा भारतात आणणार ह्याचे वचन दिले होते. गेल्या ११ वर्षात एकही काळा पैसा आणला गेला नाही, आता तिप्पट पैसा आणायचा आहे. किती वर्ष वाट बघायची हे तरी सरकारने सांगावे.

दाऊद भाईजान ला भारतात यायची सुवर्ण संधी आहे. फक्त भाजपात प्रवेश करतो म्हटलं की झालं. पुलवामा हल्लाचे अतेरेकी ही पवित्र होऊ शकतात. ED, CBI चा गैरवापर करून विरोधी पक्ष खिळखिळे करायचे, त्या पक्षांतील चांगले वाईट सगळ्यांना प्रवेश द्यायचा. आणि विरोध मोडून काढायचा हेच धोरण आहे. एकनाथ शिंदेना भाजपा अटक करणार होत ह्या राऊंतांच्या थिएरी वर विश्वास बसायला लागला आहे. बरं हे करताना विकासावर लक्ष आहे तर असही नाही. अर्धा तास पाऊस पडला तर पुणे सारखं शहर तुंबतंय. शहरांत कुठेही जावा गुडघा भर खड्डे पडलेत. अजून एक, पहिली पासून तीन तीन भाषा शिकावे लागणारी दुर्दैवी मुलं अख्या जगात फक्त महाराष्ट्रातच असतील.

(मिपाकरांनी दुर्लक्ष केले) मी गंमत म्हणून नोंद घेतलेला भटक्या कुत्र्यांना खाऊ घालण्याचा विवाद मार्गे हायकोर्ट सुप्रीम कोर्टात पोहोचला. बातम्यांनुसार Animal Birth Control Rules, 2023 चा नियम क्रमांक २० सहकारी गृहरचना संस्थांची असोसीएशन आणि स्थानिक स्वराज्य संस्थांवर भटक्या कुत्र्यांना खाऊ घालण्याची जबाबदारी सोपवते. पण सुप्रीम कोर्टाने यावेळी विरुद्ध बाजूने म्हणजे पायी चालणारे आणि दुचाकी वाहकांच्या जिवीत आणि आरोग्याची बाजू घेत, भटकी कुत्रा प्रेमींनी भटक्या कुत्र्यांचे स्वतःच्या घरी शेल्टर उघडून प्रत्येक भटक्या कुत्र्याला खाऊ घालावे असे सुचवले. संदर्भ वृत्ते १, २, ३

चला हिंदी शिकुया १. हिंदी शिकताना ड, ड़ तसेच ढ, ढ़ केव्हा आणि उच्चार काय असतो? https://vgakhar.wordpress.com/2021/02/03/ तसेच २. फ,फ़ ३.ज,ज़, ४.झ झ़, ५. ग, ग़ ..... https://www.instagram.com/reel/DB3gydnO8ks/ हे सर्व पहिलीपासून शिकायचे आहे. सक्ती नाही पण चुकीचं शिकू नका. आम्ही याच्याकडे दुर्लक्ष केलं कारण भराभर शिकून शंभर गुणांची परीक्षा द्यायची होती. उच्चार गेले खड्ड्यात.