आपण म्हणता त्या विचारांशी सहमती आहेच. वृत्तपत्रांचे आकार काळानुरुप बदलत गेलेत. पूर्वी जवळ जवळ दोन हात असे लांब सरळ रेषेत यावेत असे ते वृत्तपत्राचे जोडपान उघडले जात होते. आता फार लहान आकार झाले आहेत. अगदी हातभर वृत्तपत्र. संपूर्ण देशाच्या महाराष्ट्राच्या तपशीलवार बातम्या असायच्या. आता आकारही लहान झालेत. खर्च वाढला. पूर्वी छापखण्यातले वृत्तपत्रे असायची. मला तर असा त्या छापायच्या शाईचा एक ओळखीचा वास यायचा. कधी कधी काही पानं काळी यायची. पण चालायचंच. आता तालुक्याच्या बातम्या असणारी आवृत्ती येते. इतका लहान तो पेपर झालाय. आता पीडीएफ आवृत्तीने त्या पेपरं वाचायची मजा गेली. आता देश आणि राज्याच्या महत्वाच्या बातम्या असलेले एक मुख्य पान बाकीच्या त्या त्या तालुक्यातल्या बातम्या. बाकी, जिल्ह्यात तालूक्यातल्या घडामोडी अजिबात आता कळत नाहीत. अर्थात काळ आणि माध्यमं बदलली त्यामुळे हे सर्व आलेच. आमच्याकडे आमच्या लहानपणापासून ते आत्तापर्यंत वृत्तपत्र येते, वाचायला उड्या पडायच्या. वडील सगळी पानं ठेवून घ्यायचे आम्हाला एखादे पान द्यायचे. आम्ही त्यांचे वाचून व्हायची वाट बघायचो. आम्ही क्रिडापानापासून सूरु करायचो. आता पहिले पानापासून वाचन सुरु झालं. वयपरत्वे आवडी विचार बदलतात तसे वृत्तपत्राचे आकार बदलत गेले असेच म्हणावे लागते.