कुठली कार घेऊ?

मला माझ्या आई बाबांसाठी ऑटोमॅटिक ट्रान्समिशन ची कार घ्यायची आहे. बाबांचं वय ६० च्या आस पास असल्याने त्यांना मॅन्युअल गिअर बदलण्याचा त्रास नको असं वाटत. शिवाय ते अलीकडेच गाडी शिकले आहेत. त्यांना जवळपास फिरण्यासाठी कार घ्यायची आहे. शहरात किंवा फार फार तर २-३ महिन्यातून एकदा मुंबई - पुणे इतका प्रवास होईल. शिवाय जवळपास ट्रिप वगैरे साठी सुद्धा ते जातील. मुख्य कारण म्हणजे मला टू व्हीलर पेक्षा कार सुरक्षित वाटते. मी जवळ नसताना आई बाबांना जास्तीत जास्त आराम आणि सुरक्षितता पुरवण्याची इच्छा आहे. कृपया तज्ज्ञांनी मार्गदर्शन करावे.