Skip to main content

दारू पिऊन गाडी चालवल्यास दंड...

लेखक संजय पाटिल
Published on सोमवार, 16/05/2016
आज टीव्हीवर एक बातमी दाखवत होते... दारू पिऊन गाडी चालवल्यास दहा हजार रूपये दंड आणि तीन महिने लायसंन्स रद्द . ठिक आहे . चांगलच आहे. पण चालक दारू प्यायलाय किंवा नाही हे तपासण्यासाठी वाहतूक पोलिस एक यंत्र चालकाच्या तोंडात घालुन त्यात फुंकर मारायला लावत होते. आता एकाच्या तोंडातुन हे यंत्र काढून तेच दुसर्‍याच्या तोंडात घालताना त्यातून संसर्गजन्य रोगांचा प्रसार होणार नाही का? त्यासाठी काय काळजी घेतली जाते? जाणकारांच्या प्रतिसादाच्या प्रतिक्षेत...
वाचन संख्या 3401
प्रतिक्रिया 20

प्रतिक्रिया

ट्रेड मार्क सोमवार, 16/05/2016
अल्कोहोल हे एक चांगले जंतूनाशक असते असे म्हणतात. ;) :)

डॉ सुहास म्हात्रे सोमवार, 16/05/2016
अश्या यंत्रांना डिसपोजेबल माऊथपीस असतो... कधी नवीन वापर करणार्‍यांना ते माहीत नसते किंवा भोंगळ कारभार अथवा अनास्थेमुळे त्यांचा उपयोग केला जात नाही :( अश्या परिस्थितीत तुम्ही कायद्याच्या योग्य बाजूला असल्याशिवाय (किंवा असलात तरी) पोलिसांबरोबर बाचाबाची करण्यात फायदा नाही, हे पकडलेल्या माणसाइतकेच पोलिसही जाणून असतात. त्यामुळे बर्‍याच काही गोष्टी घडत असतात :(

झेन सोमवार, 16/05/2016
पोलीसांपासून लांब गेल्यास ते मागे लागतात, ऊर्मट तूच्छ भाव चेहर्यावर ठेवल्यास आपूलकी दाखतात :-)

प्रदीप साळुंखे मंगळवार, 17/05/2016
चला... पाटिलसाहेबांनी एकदाचा धागा काढला तर!! जाणकारांच्या प्रतिक्षेत

नाखु मंगळवार, 17/05/2016
दारू पिऊन गाडी चालवल्यास दहा हजार रूपये दंड आणि तीन महिने लायसंन्स रद्द .
तुम्ही कोण आहात आणि तुमची गाडी कुठली आहे यावर ही तपासणी अवलंबून आहे. गाडीची किंमत जशी जशी जास्त आणि तुम्ची ऐपत्+इभ्र्त वजा ओळख जितकी मोठी तितकी दंडपावती लहान होत जाते,काही वेळा पावती न होता तुम्हाला घरापर्यंत सोडतीलही. रस्त्यावरील (नियमीत)तोडपाणी प्रत्यक्ष बघणारा नाखु दुचाकीवाला

संजय पाटिल मंगळवार, 17/05/2016
सहमत.. पण मुद्दा हा आहे कि ते यंत्र वापरणे कितपत सुरक्षीत आहे? आणि त्यामुळे जर काहि आजाराची लागण झाली तर त्याला कोण जबाबदार?

सुबोध खरे मंगळवार, 17/05/2016
एकच काळजी ती म्हणजे वर्षा अखेरीस आपल्याला "दुध" पिउन पकडले तर त्यांचे "टार्गेट" पूर्ण करण्यासाठी पोलिस आपल्याला पण दारू पिउन गाडी चालवली म्हणून दाखवू शकतील. तसे झाले तर तेथे ताबडतोब सरकारी रुग्णालयात रक्तातील अल्कोहोलची पातळी तपासणी करण्याची मागणी करा आणि त्याचे मोबाइल वर रेकोर्डिंग करा. हा पुरावा तुम्हाला निर्दोष जाहीर करण्यास फार महत्त्वाचा ठरेल. अशा केसेस दिल्ली आणि उत्तर प्रदेशात माझ्या मित्रांनी पाहिल्या आहेत

मार्मिक गोडसे बुधवार, 18/05/2016
दारू पिऊन गाडी चालवल्यास दहा हजार रूपये दंड
मुंबईत दारू पिऊन गाडी चालवल्यास खालील प्रमाणे दंड व शिक्षा होऊ शकते. Alcohol Level Fines penalties and Jail 150 mg or above per 100 ml blood First time offence charged Rs.5000 and 2 years imprisonment. Repeated offence within 3 years Rs.10000 fine plus 4 years jail. 60 to 150 mg per 100 ml blood 1 year imprisonment and/or Rs.4000 fine. Second and repeated offence attracts 3 years jail and/or Rs.8000 fine. 30 to 60 mg alcohol per 100 ml blood Rs.2000 or/and 6 months jail. 30 mg or lower per 100 ml Offence is not considered at this level of alcohol in blood.

अनिरुद्ध.वैद्य बुधवार, 18/05/2016
कवा तरी वाचलत की शरीरात ५ लिटर रक्त असते म्हणे. मग त्या हिशोबानी २ लार्ज म्हणजे १२० मिलि घेतली तर २.४ मिलि (म्हणजे किती येम्जी?) पर १०० मिलि येतंय. हा सरधोपट हिशोब बरोबरे अस म्हणता येइल का? ते पोलिसांकडे असणारे यंत्र श्वासाहुन मोजते अन त्याचे आकडे वेगळे असतात. त्याची काय स्केल आहे हे बघायला पाहिजे.

मार्मिक गोडसे बुधवार, 18/05/2016
कवा तरी वाचलत की शरीरात ५ लिटर रक्त असते म्हणे. मग त्या हिशोबानी २ लार्ज म्हणजे १२० मिलि घेतली तर २.४ मिलि (म्हणजे किती येम्जी?) पर १०० मिलि येतंय. हा सरधोपट हिशोब बरोबरे अस म्हणता येइल का?
नाही. तुम्ही म्हणता त्याप्रमाणे हिशोब येण्यासाठी मद्यात १००% अल्कोहोल असायला पाहीजे. प्रत्येक मद्यात अल्कोहोलचे प्रमाण कमीजास्त असू शकते. मद्यातील अल्कोहोल रक्तात उतरण्याचे प्रमाण हे तुमचे वय,लिंग,वजन, व मद्य पिण्याचा वेग ह्यावर अवलंबून असतो. प्रत्येक व्यक्तीची चयापचय व उत्सर्जन क्रिया सारखी नसते त्यामूळे अल्कोहोलचे रक्तातील प्रमाणही सारखे असू शकत नाही.