घरचा बगिचा

पुर्ण प्रकल्प for profit असला तरी आम्ही ह्याकडे एक फक्त बिझनेस म्हणून न पहाता घरगुती बगिचा ह्या विषयामध्ये disruption कसे आणता येइल ह्यासाठी प्रयत्नरत असू.

महोदय
मी आपले विचार समजु शकलो नाही.
डिसरप्शन कसे म्हणताय ? तुम्हाला काही दुसर सुचवायच आहे का ?
माझ्या मामुली इंग्रजी ज्ञानानुसार Disruption म्हणजे
disturbance or problems which interrupt an event, activity, or process.
उदा. "the scheme was planned to minimize disruption"
तुमचा उद्देश असा नसावाच बहुधा
नेमकं काय म्हणायचय ?

बाहुबली जी गटणे जी
धन्यवाद लक्षात आणुन देण्यासाठी माझा गैरसमज झाला अर्थाविषयी
तुमची कल्पना रोचक वाटली.

घरातल्या बगिच्यासोबत घरगुती बायोगॅस सिस्टम सुद्धा द्यावी. जेणेकरुन घरातील कुजणारा कचरा योग्य तर्‍हेने वापरला जाईल आणि घरातल्या बागेला उत्तम असे द्रवरुपी खतसुद्धा मिळेल.

बगिचा पारंपारिक पद्धतीने फुलवण्यापेक्षा गॅलरी, रेलिंगवर बॉटल गार्डन सारख्या संकल्पना राबवून पहा.

कमीत कमी वेळ देऊन उत्तम असा बगिचा कसा फुलवता येईल याबद्दल प्रात्यक्षिकासहित मार्गदर्शन करा.

भारी आयडीया!!!

आत्ता अ‍ॅमेझोन वर बघितलं ५ किलो माती दोन्शे एक्काहत्तर रुपयाला! वर एकशेपन्नास रुपये पोस्टेज! म्हणजे आपण जे अन्न खातो त्यापेक्षा महाग ही माती विकली जातीये!! खतं बितं वेगळी! हौसेला मोल नाही त्यामुळे प्रोस्पेक्ट्स चांगले असावेत.

अर्थात हे वरवरचं मत झालं. तुम्ही पायलट रन करताय तेच योग्य!!

थोडी अवास्तव अपेक्षा वाटेल, पण आता बाकी सगळं इथे पब्लिकली सांगित्लंच आहेत, तर पायलट रनचे सुरुवातीचे निकाल कसे आलेत तेही सांगता आलं तर बघा.

अजून सुविधा म्हणजे, बगिच्यातल्या जास्तीच्या पाण्याचं ड्रेनेज. त्याची काय सोय करता आली तर बघा.

प्रकल्पासाठी अनेक शुभेच्छा!!

उपक्रम खूप चांगला आहे . आज याची खूप गरज आहे . काही सुचना/ मते/ शंका
१ कुंड्यां ऐवजी मागे कुणीतरी मिपावरच टाकल्यप्रमाणे अपसायकल केलेल्या वस्तू सुशोभीत करून वापरता/पुरवता येतील का ?
२ घरातील ओला कचरा जर खत म्हणुन वापरायचा असेल तर त्याला वास येइल का?
३ ओल्या कचर्‍याची माती किंवा खत बनवणारे यंत्र देता येइल का?

उपयुक्त माहिति.

सर्वप्रथम या उपक्रमाला माझ्या शुभेच्छा.

खालील गोष्टी अतिशय आवश्यक आहे.

१. आदर्श घरबाग लेखक श्री. नांगरे प्रकाशक कॉन्टिनेण्ट्ल प्रकाशन हे पुस्तक आणणे आणि वाचणे.
२. फेसबुक वर सेंन्द्रिय परसबाग हा ग्रुप आहे त्याच्याशी सलंग्न होणे.
३. पुण्यामध्ये रु १०० मध्ये ५ किलो कम्पोस्ट खत मिळते. पत्ता नंतर कळवितो.
४. प्रयोग करत राहणे.

काही माहिती हवी असल्यास व्यनि / मुख्य पानावर विचारणे.

ओला कचरा जर उन्हात कड़कड़ित वाळवला तर थेट कुंडित वापरता येतो. कोणतीही घाण येत नाही. यामागचे गणित असे की कचर्यात जवळजवळ ८०% पाणी असते . वाळवल्यावर २०% राहते . म्हणजेच एक किलोचा कचरा २०० ते ३०० ग्रामचा बनतो . तो तुम्ही फेकून दिलात तरी थोड्याफार प्रमाणात निसर्गाचे ऋण तुम्ही फेडलेले असते

वाळुन कोळ झालेला कचरा शेणखत व् माती समप्रमाणात वापरल्यास उत्तम परिणाम मिळतो. अर्धवट ओला कचरा हाताळायला घाण वाटतो

कांदा ज्या जाळीत येतो त्या जाळीत जर ओला भाजीचा कचरा जसे कोबी फ्लावर ची पाने , कांद्याची साले , भाज्याची साले व् देठ इत्यादी टाकून गच्चीवर वा छपरावर वाळवला तर दोन दिवसात उत्तमपैकी वाळतो. आणि कचरा इथे तिथे जाऊन त्रास ही होत नाही.

कार वायपर्स,बॅटरी व टायमर्स वापरुन कुंड्यांना पाणी घालण्याची अॅटोमॅटीकयंत्रणा कोणी करुन देईल का? खर्चाचा अंदाज कळावा.

कार वायपर मोटर्स म्हणायचे होते.

चांगला धागा... उत्तम चर्चा. प्रयोग करणार्‍यांनी अधिक माहिती चित्रांसह टाकायला हवी.