BSNL लॅंडलाइन व ब्रॉडब्रॅंड कनेक्शन घ्यावे का?

"ग्रामीण भागात असून BSNL शिवाय कोणतीही इंटरनेट सर्विस उपलब्ध नाही" ^^ पुढचे सगळे प्रश्न रद्द होतात . . असो . . BSNL अश्याच लोकेशन ला जबरदस्त सर्विस देते . . बिनधास्त घ्या . ९०० चा एक एक प्लान आहे त्यांचा . एकदा बघून घ्या . २ एम बी आहे पहिल्या ८ जीबी पर्यंत . ग्रामीण भागासाठी हाच प्लान किमतीत सुद्धा असेल . . रक्ताच्या नात्यात / नोकर असाल . २० % कमी होते होते किंमत

भरोसा नाही.नवीन प्लान आणतात आणि। थोड्या महिन्यांनी गुंडाळतात.अगदी कमी किंमतीचा घ्या.

काय बात आहे! बीएसेनेल आजून हाये?

आता नाविलाज को क्या विलाज ? घेऊन टाका. बेगर हॅज नो चॉईस. (असा वाक्प्रचार आहे बरकां नाहितरं उगाचं वैयक्तीक घ्यालं)

ठाण्यात सहा वर्षांपुर्वी घेतलेले यमटीयनल चे ब्रॉड्बँड अजुनही टकाटक चालू आहे. ९ च्या नंतर ओनलाईन चित्रपट पण पाहु शकतो.

नमस्कार श्री. मंदारजी, आपण बीएसएनएल चे लॅंडलाइन व ब्रॉडब्रॅंड कनेक्शन बिनधास्त घ्यावे. बीएसएनएल सरकारी कंपनी आहे म्हणून विश्वासू आहे. बीएसएनएल चे लॅंडलाइन व ब्रॉडब्रॅंड कनेक्शन साठी वेगवेगळे प्लॅन उपलब्ध आहेत. आपल्या गरजेनुसार प्लॅन निवडावा. जर आपण आपल्या घरगुती वापरासाठी बीएसएनएल चे लॅंडलाइन व ब्रॉडब्रॅंड कनेक्शन घेणार असाल तर मी आपणास खालील प्लॅन सुचवितो ......... १) बीएसएनएल ६७५ कॉम्बो प्लॅन ..... यामध्ये १०० कॉल बीएसएनएल नेटवर्क साठी मोफत. अमर्यादित ब्रॉडब्रॅंड सुविधा - ५१२ केबीपीएस स्पीड सह दूरध्वनी भाडे नाही. २) बीएसएनएल ८४५ कॉम्बो प्लॅन ..... अमर्यादित ब्रॉडब्रॅंड सुविधा.. यामध्ये ६ जीबी पर्यंत १ एमबीपीएस स्पीड त्यानंतर स्पीड ५१२ केबीपीएस राहील. कॉल मोफत नाही. दूरध्वनी भाडे नाही. दि. ०१/०५/२०१५ म्हणजे आजपासून बीएसएनएल ने रात्री ९ ते सकाळी ७ वाजेपर्यंत सर्व कॉल सर्व नेटवर्क साठी पूर्णपणे मोफत केले आहे त्याचा फायदा घ्यावा. तसेच जर आपण घेतेलेला प्लॅन आपल्याला योग्य नाही वाटला तर आपण तो प्लॅन कधीही बदलू शकता. ग्रामीण भागामध्ये शहरी भागापेक्षा भाडे कमी असते. जर आपल्या घरामध्ये कोणी राज्य शासनाचे किंवा केंद्र शासनाचे कर्मचारी असतील आणि त्यांच्या नावाने नवीन कनेक्शन घेतल्यास दूरध्वनी मासिक भाड्यामध्ये अतिरीक्त सूट मिळू शकते. बीएसएनएल आपले जाहीर केलेले प्लॅन सहसा रद्द करीत नाही. उदा. काही वर्षापूर्वी जाहीर केलेले "यकीन नही आता" प्लॅन, वन इंडिया प्लॅन अजून ही व्यवस्थित चालू आहेत. त्यामुळे बीएसएनएल वर विश्वास ठेवावयास हरकत नाही. कृपया आधिक माहिती साठी आपण स्थानिक बीएसएनएल कार्यालयाशी संपर्क साधावा आणि नवीन नोंदणी साठी अर्ज करावा. काही अडचण असल्यास मला व्यनि करावा ही विनंती. @पाषाणभेद - बीएसएनएल अजूनही आहे आणि राहील. @खटपट्या - आपला अनुभव वाचून छान वाटले. @धर्मराजमुटके - नाविलाज को क्या विलाज ? तसे नाही. खाजगी कंपन्या ग्रामीण भागात आपली सेवा सुरूच करीत नाही कारण त्यांना ते बंधनकारक नसते. तेवढी गुंतवणुक खाजगी कंपन्या करीत नाही. जसे लक्झरी बस सर्व्हिस ग्रामीण भागात नसते कारण त्यांना ते बंधनकारक नसते परंतु आपली एसटी बस मात्र ग्रामीण भागात पोहोचलेली आहे. बीएसएनएल ला ग्रामीण भागात सेवा पुरविणे बंधनकारक आहे.

माझ्याकडे bsnl सेवा पिंची मध्ये होती. जेव्हा चालू असायची तेव्हा मस्त. पण मध्येच २/३ दिवस बंद असायची. कितीही फोन करून फायदा नाही. इंटरनेट वर नोकरी अवलंबून असल्याने तास भर बंद पडली तरी त्रास व्हायचा. तुम्हाला तेवढी गरज नसली तर उत्तमच सेवा.

>>>> दि. ०१/०५/२०१५ म्हणजे आजपासून बीएसएनएल ने रात्री ९ ते सकाळी ७ वाजेपर्यंत सर्व कॉल सर्व नेटवर्क साठी पूर्णपणे मोफत केले आहे त्याचा फायदा घ्यावा. माझ्या माहीतीप्रमाणे ही सेवा पहिल्या सहा महिन्यांसाठी प्रायोगीक तत्वावर राबवणार आहेत. नंतरचे माहीत नाही. (त्यांनाही अन आपल्यालाही)

पर्याय असेल तर तोच निवडावा लागेल! त्यांची सेवा जरी समाधानकारक नसली [शेवटी सरकारी काम] आणी संपत यांनी म्हणल्याप्रमाणे जर तुम्हाला अखंडीत सेवेची तीव्र गरज नसेल तर मात्र BSNL ला पर्याय नहिये. TRAI च्या ज्या काही अटी आहेत [मुख्यत्वे करून bandwidth], त्या पूर्ण करताना खासगी कंपन्या किमान अटी पूर्ण होतील अशीच यंत्रणा निवडतात आणी मग bandwidth निर्धारित क्षमतेपेक्षा नेहेमीच कमी मिळने. किंवा फक्त रात्रीच जास्त वेग असणे [कारण व्यावसायिक वापर दिवसा जास्त असतो] असे प्रकार अनुभवास येतत. उलट BSNL सरकारी कंपनी असल्यामुळे तेथील यंत्रणा [hardware] उच्च दर्ज्याची असते आणी bandwidth च्या अडचणी कधीच अनुभवाव्या लागत नाहीत. ही माहिती मला BSNL केंद्राच्या तांत्रिक प्रमुखाने स्वतः दिली आहे.

अवश्य घ्या. मोबाइल साठी दोन अँटेनावाला वाय फाय राउटर घ्या. मी सहा महिन्यापूर्वी बसवलेलाय. माझा डेटा वापर दसपट वाढून बिल मात्र निम्म्यावर आलंय.

नमस्कार, वर्ष २००५ पर्यंत मोबाईल सेवा महाग पडत होती. सर्व ठिकाणी भूमिगत केबल वर चालणारे बीसएनएल लँडलाईन होते. कालांतराने हळू हळू मोबाईल सेवा सर्वसामान्यांच्या आवाक्यात येउ लागली. लोकांचे बीसएनएल लँडलाईन कडे हळूहळू दुर्लक्ष होउ लागले. २००५ पर्यंत बीएसएनएल कडे भूमिगत केबल चा भरपूर साठा होता. त्यानंतर मात्र केंद्रसरकार ने बीएसएनएल कडे जाणूनबुजून दुर्लक्ष केले. नवीन साधनसामग्रीचा पुरवठा न करणे, (जसे केबल, ओएफसी केबल, मोबाईल उपकरणे, नवीन दूरध्वनी संच) नवीन टेंडरला मंजुरी न देणे, विस्तार योजनेला परवानगी न देणे, इ.इ. गोष्टींमुळे बीएसएनएलचा आपल्या ग्राहकांना दिल्या जाणा-या सर्व्हिस वर परिणाम होउ लागला. @ नाद खुळा ... कदाचित आपले घर बीएसएनएल च्या डीपी पासून लांब असेल. आपल्या घरापर्यंत बीएसएनएल ची केबल आली नसेल. त्यामुळे स्थानिक अधिका-यांनी आपल्याला तरंग फोन दिला असेल. आपली काही शंका / तकार असेल तर आपण स्थानिक कार्यालयात जाउन उपमहाप्रबंधक किंवा महाप्रबंधक यांच्याकडे जाउन तक्रार देउ शकता. आपली तक्रार निश्चितच सोडवली जाईल. आजच्या घडीला नवीन कनेक्शन देण्यासाठी बीएसएनएल कडे केबलच नाही. पूर्ण भारता मध्ये ही परिस्थिती आहे. केंद्रसरकार बीएसएनएल कडे लक्ष देत नाही म्हणून बीएसएनएल च्या सर्व संघटना मिळून नुकताच दि. २१ व २२ एप्रिल ला संप केला आहे. तरी अजून ही प्रतिसाद मिळालेला नाही. नवीन साधनसामग्री च्या अभावी बीएसएनएलची सर्व्हिसचा दर्जा खालावला आहे.

मी कोकणात अनेक वर्षे BSNL ब्रॉडब्रॅंड वापरतो ते उत्तम आहे .चांगले चालते.फसवेगीरी नाही. ५५०/- रूपयामध्ये अमर्यादित प्लान आहे.त्यात भरपूर डाउनलोड करता येते.छुपे कर नाहीत.बिलधास्त घ्या,प्लान बदलण्याची सुविधा आहे.

B= BAD S=SERVICE N=NO L=LIMIT

माझ्या कडे गेली अनेक वर्षे बीएसएनल फोन वापरात आहे. सध्या BSNL ब्रॉडब्रॅंड काम्बो ६७५ अनलिमीटेड सुरु आहे. स्पिड जबरदस्त आहे. विडिओ न अडकता पाहु शकतो . BSNL हि एक विश्वसनीय सेवा आहे हे नक्की . 2G व 3G चे रेट हे सर्वात कमी आहेत.

कंटाळून परवाच बीएसएनल ब्रॉडब्रॅंड बंद केले.

हो पन हे सगल केव्हा होनार कोनास थाउक.

माझ्या घरी मी राऊटर लाऊन बी एस एन एल बरेच वर्ष वापरले. ( पिंपरी चिंचवड ) मग सेवा इतकी खराब झाली की दोन - दोन दिवस नेट बंद. शनिवारी - रविवारी दुरुस्ती नाही. शेवटी काढुन टाकले. एक वर्षभर त्रास झाला. आता दोन पर्याय आहेत. जर खुप काही वेगाने सर्च करायच असेल तर एअरटेल फोर्जी जे फोरजी डाँगल वापरुन घेतो. मिसळ पाव तर आयडीयाच्या ३जीवर पण चालते. बी एस एन एल काढुन पैसे वाचले आणि कटकट गेली.

डिटिएच डिश- सॅटेलाइटमधून जेव्हा डेटा येईल तेव्हा हे तारेचे जाळे,डोंगल,टाउअरस वगैरे सर्व जाईल आणि कुठेही फिरता येईल.