राम राम मंडळी, आपल्यापैकी अनेक मंडळी ही सध्या अमेरिकेत राहतात. त्या सर्व मंडळींना माझी एक विनंती! मला अमेरिकन नटी आणि मॉडेल सिंडी क्रॉफर्डचा घरचा आणि मोबाईल नंबर हवा होता! :) आपल्यापैकी कुणी जर तो मला शोधून दिला तर त्या व्यक्तिचा मी आभारी राहीन. गेले बरेच दिवस मी हे आपल्याला विचारीन विचारीन म्हणत होतो, आज सवड मिळाली! त्याचप्रमाणे सिंडीबद्दल इतरही काही खाजगी माहिती कुणाला द्याविशी वाटली तर तीही इथे अवश्य द्यावी. कृपया तिच्याबद्दल सर्वांना माहिती असलेली माहिती (उदा तिची वेबसाईट, विकी इत्यादी) इथे देऊ नये ही विनंती, कारण गुगलवर सिंडीचं नांव टाकल्यावर २५,२०,००० पानं उघडतात! :) मी गेली अनेक वर्ष या बयेचा जबरदस्त चाहता आहे. च्यामारी आयुष्यात एकदा तरी या बयेशी, 'ठाण्याहून तात्या बोलतोय गं गधडे सिंडे, कशी आहेस?' असं बोलावसं वाटतं! :) मला खात्री आहे की ही बया कोण कुठल्या तात्याशी कशाला झक मारायला बोलेल? तरीही प्रयत्न करून पाहायला काय हरकत आहे म्हणतो मी! :) काय असेल ते असो, काही माणसं जिवंतपणीच एक दंतकथा बनतात. आमची सिंडीदेखील त्यापैकीच एक. आपण साला मरतो या बयेवर! आयुष्यात एकदातरी सिंडीसोबत बसून जरा निवांतपणे मिसळ खायची इच्छा आहे. बघू कसं जमतं ते! :) आपला, (सिंडीप्रेमी) तात्या.