बुरगुंडा (बरमुडा) आन आकूडकी कापलेली प्यँट (थ्रीफोर्थ)

@रामदास स्वामींना* ट्रेंड सेटर आणि व्हिजनरी म्हणले पाहिजे

लै हशिवलं राव. तुमी रामदास स्वामींचा टाकल्याला फोटू बगून (माफी आसावी स्वामीजी) आमाला आमचा त्यो मित्र बुरगुंड्याआयवजी स्वामीसारक्या लंगोटीमदी पानवाल्याच्या दुकानी आमला घिवून हुभा आसल्याला दिसला!(ई-मॅजिनींग) तोंडात पान, यका हातात शिग्रेट आन दुसऱ्या हातानं पैशे भायेर काडायला लंगोटीत कुटं खिसा हाय का बगत व्हता. (@भायेर जातानी घालत्यात न्हवं!! आसल्या कपड्यास्नी फेशन म्हनत्येत. तुमच्यावानी खेड्यातल्या यड्याला न्हाय कळायचं ते!! आन घातलं तरी बी शोबायचं न्हाय.)

@जर कंपनीने परवानगी दिली तर वापरु कि हापिसात बी.

तुमची कंपनी पर्वानगी दिल का न्हाय ते म्हाईत न्हाई, पन आप्ल्या मायबाप सर्कार्न पोलीसदादान्ला खाकी बुरगुंडाच हापिशल ड्रेस म्हनून नेमला व्हता. पन काय झाल म्हाईत न्हाई, त्येंनी बी सर्कारला भांडून फुलप्यँटीचा ड्रेस मागून घेतला.

@बाकी कुणी कुठे कसे कपडे वापरावे आणी त्या कपड्यांना काय म्हणावे हा ज्याचा त्याचा प्रश्ण आहे.

ह्ये उत्तर आगदी बरुब्बर हाय. धा पैकी धा गुन. टाळ्या!!! आमाला आवडल्यालं आन येकदम समर्पक उत्तर ते ह्येच!

@तुम्ही स्वतः घरात आणि घराबाहेर कोणते कपडे वापरता आणि त्याचे फायदे काय आहेत हे आधी स्पष्ट करा मग दुसर्‍यांच्या कपड्यावर्/शरीरावर टिप्पणी करा/ प्रश्न उपस्थित करा. आणि हो तुमच्या "टंगड्या ""वाळक्या लाकडावनी, काळ्या, पांडऱ्या, जाडजूड मुसळावानी, पात्तळ बांबूवानी, केसाळ आस्वलावानी" आहेत की कशा आहेत आणि त्या पाहून तुम्हाला स्वतःला किंवा ईतरांना उल्टी (ओकारी) येनारे प्रकार झाले आहेत क हेही स्पष्ट करा. मग आम्ही उत्तरे देऊ.

आमी बगा टंगड्या झाकनारी कापडं वापरतो. त्याजे फायदे म्हंताल तर बायामानसान्ला लाज वाटायचा प्रस्नच येत न्हाय. आन आमी बुरगुंडा वाप्रत नस्ल्यानं आमच्या टंगड्या आजून तरी पब्लिक प्रापर्टी म्हनून घोशित झालेल्या न्हाईत. त्यामुळं त्या बगून कुनाला बी उल्ट्या झालेल्या न्हाईत. आता यवडा समदा आब्यास करुन तुमी उत्तर देनार म्हंजी लैच उशीर व्हईल, तवा तुमाला आता उत्तरं देन्यातून सूट. तुमी उत्तर न्हाय दिलतं तरी चालंल. समस्त इच्यारवंत इद्वान मंडळीनू, आमचा सरळ प्रश्न हुता की, ह्या बुरगुंड्याचा आन आकूडक्या कापलेल्या प्यँटीचा नेमका फायदा काय? दुर्दैवानी यकानी बी ह्याज उत्तर दिलचं न्हाई. तवा आता आमीच टकुरं चालवून ह्याज्यातले फायदे काय आसत्याल त्याजा आंदाज लावलाय, त्यो ह्यापरमाने @बुरगुंडा वापर्न्याचे फायदे..... १) वायूविजन (वाऱ्याच्या प्रवासाला लागनारा येळ कमी व्हत आसलं) २) भूतदया (दानं खायला पाकरं कन्सांवर बसत्यात तसं डासान्ला बसायला टंगड्या उगड्या ठिवता येत आसत्याल) ३) (आरोग्यप्राप्ती) पचन नीट व्हत आसल, त्यामुळं पोट साप व्हत आसलं ४) (यॅडव्हान्स आनंद) सकाळच्या पारी फिरायला आन यायाम करायला गेल्याचा आनंद बुरगुंडा घातल्यानं रात्री पान खातानाच मिळत आसलं. ५) (पब्लीशीटी) बायामानसान्ला लाज वाटत आसली तरी आपल्याला न वाटून घ्येता आप्ल्या टंगड्या पब्लिक प्रापर्टी म्हनून झ्याईर करता येत आसत्याल. ६) (ल्हान पन देगा देवा) हापचड्डी घालून साळत कसं जात हुतो, त्यो आनंद पुना घेता येत आसल. ईत्यादी ईत्यादी @आकूडकी कापल्याली प्यँट.... ह्यजे फायदे काय ह्येच नेमकं कळना. ह्ये धड पूर्न बी न्हाई आन आर्द बी न्हाई. टाचापास्न येक यीतभरच उगडं ठिवल्यानं काय फायदा हुत आसलं बर? ह्यो येक मोटा शंशोदनाचा ईषय ठरलं. तरी बी आसत्याल आशे काई फायदे... १) (सामाजिक बांदीलकी) देश्यातल्या लै लोकान्ला कापडं ल्यायला मिळत न्हाईत, तवा आपुनच आशी जरा जरा काटकसर केली तर तेन्ला कापड मिळायला मदत हुत आसलं. २) (टाकाऊत्नं टिकाऊ) घरातल्या जुन्या प्यँटी टाकून देन्याऐवजी पुंदा आनी वापरात आन्ता येत आसत्याल. ३) बूटात घातल्यालं पायमोचे दिसायसाटी उपेग व्हत आसल. छ्या, जाऊ द्या आमाला तर ह्याज्यातले लै ज्यादा फायदे लक्ष्यात यिनात. भौ तुमी बगा बरं आजून टकुरं चालवून सुचत्यात का आजून काई फायदे.

आम्ही रामदास स्वामी यांच्या उल्लेखाबद्दल जाहीरपणे व बिनशर्त माफी मागत आहोत. रामदास स्वामी यांचा अवमान करण्याचा हेतू यांत निश्चितपणे नव्हता व नाही हे तितकेच सत्य आहे. त्यामुळे सर्वप्रथम रामदास स्वामी यांची व आपणा सर्वांचीच माफी आम्ही मागत आहोत. आपण सर्व सूज्ञ आहात, त्यामुळे उदार मनाने आम्हाला क्षमा करताल अशी अपेक्षा करतो.