ऐका हो ऐका - 'टीम अण्णांच्या उपोषणाचा इव्हेन्ट उद्यापासून..!

बरेचसे पटले नाही. पण तरीही आवडले.

खूपच सुंदर लेख. पण कॉमन मॅन आता तुम्ही (आणि तुमचा लेख आवडल्याबद्दल आम्हीपण) भ्रष्टाचाराचे समर्थक ठरणार बरं का!

(रात्रीच्या वेळी झाडावर उलटे लटकणारे) पुण्याचे वटवाघूळ

लेख आवडला ...
उद्यापासुन गंमतशीर शो पाहण्यास उत्सुक आहे.

- छोटा डॉन

आमच्या (लोकशाही मान्य असणार्‍या समस्त देशवासीयांच्या) 'लाडक्या अण्णांची' इभ्रत अशी वेशीला टांगणार्‍या 'कॉमन मॅन'चा निषेढ...

- (अण्णांच्या पाठीशी असलेला 'कॉमन मॅन') सोकाजी

अवांतरः लेख आवडल्या गेला आहे.

बर असतील अण्णा चुकीचे...
तुमच्या कडे काय उपाय आहे मग भ्रष्टाचारा साठी?
.
.
.
.
.
.
संसदेत कायदे झाले ना इतके वर्ष.. लोकशाही नी निवडुन पण दिलं इतकी वर्ष सरकार... काय झालं? काय बदलंल??

अण्णा चुकत असतीलही.. पण ह्या सगळ्या "शो" चा परिणाम म्हणुन एखादा भ्रष्टाचार विरोधी बळकट कायदा येत असेल तर काय हरकत आहे??

घरी टिव्ही रेडो बंद केला, तरी इथे मिपावर त्या अण्णांचा त्रास आहेच.

नका रे बाबांनो.. त्या अण्णांची सतत दखल घेणे मिपावरती तरी थांबवा. कंटाळा आलाय आता सगळ्याचा.

कृपया संपादकांनी काश्मिर सारखाच एक धागा फक्त अण्णा समर्थक आणि विरोधकांसाठी उघडून द्यावा अशी नम्र विनंती.

आंदोलनाच्या सुरुवातीला, अण्णांबद्दल आदर वाटला होता... त्यांच्या भ्रष्टाचाराविरोधातील लढ्याला माझा ही पाठिंबा होता.. खुप बरोबर असेच वाटत होते ...

पण आता खेदाने म्हणावे लागते आहे.. अण्णा तुम्ही खुप अति करत आहात ...
प्रत्यक गोष्टीला टाईम दिला पाहिजे ...

मान्य सरकार मधील असंख्य लोक चुकीचे आहे.. पण आपण महा चतुर आहे असे वाटणे घोडचुक ठरेन ..
आपण स्वता कॉमन मॅन म्हणुन लढता लढता.. सर्व प्रश्नांचे उगमदाते झाल्यासारखे वागता आहेत असे वाटते आहे..
अगदी भारतरत्नाच्या चर्चेपासुन .. खेळाच्या पिच पर्यंत , गाण्यांच्या कार्यक्रमात... सगळीकडे झालेली मध्यस्थी पाहुन असे वाटते आहे .. अण्णा ह्याची गरज नक्कीच नव्हती...
शिवाय आम्हाला भाडे कमी करा ही सुद्धा अरेरावीच आहे..

सत्याग्रह वेगळा आणि निव्वळ अट्टाहासा साठी उपोषण वेगळे

पहिल्या सत्रात शिगेला पोहोचलेला 'अण्णा फिव्हर' दुसर्‍या सत्रात मात्र थंडावलेला दिसतो आहे जिथे-तिथे. गेल्या वेळी हिरीरीने समर्थन करणारेही सध्या बचावात्मकरित्या बोलत आहेत. अर्थातच ही परिस्थिती जी वर्णन करतो आहे ती 'सुपरपावर इंडियन आयटी 'मधल्यांची. इतर ठाऊक नाही फारसं.

कदाचित हे फलित टीम-अण्णाच्या बेताल वक्तव्यांचं असावं किंवा पध्दतशीरपणे नकारात्मक मार्केटिंग करुन काँग्रेस आणि तत्सम संस्थांनी समाजमनात शंकेचं वातावरण निर्माण केल्याने असावं. काहीही असो, फरक मात्र मोठा पडला आहे हे नक्की.

ह्या वेळच्या आंदोलनाला गेल्या आंदोलनाच्या तुलनेत कितपत प्रतिसाद मिळेल ह्याबाबत शंकाच आहे.

अवांतरः अटल बिहारी वाजपेयी ह्यांनी एके काळी जे जनलोकपाल संदर्भातले मुद्दे मांडले होते आणि ज्यावर उत्तरादाखल प्रचंड गोंधळ घालून संसदेचं कामकाज बंद पाडलं गेलं होतं त्यातले बरेचसे मुद्दे हे अण्णा हजारे आणि त्यांच्या टीमने दिलेल्या जनलोकपालाच्या प्रस्तावातील मुद्द्यांशी कमालीचं साधर्म्य दाखवतात असे एका न्युज च्यानेलवर पाहिले. खरे खोटे देव जाणे.

भावना पोहचल्या.

काही दिवसांपासून चाललेल्या 'लोकपाल' गु-हाळाचा आता कंटाळा येऊ लागला आहे. विविध वाहिन्या, वृत्तपत्रे, चर्चासत्रे, मुलाखती, सतत तोच विषय. सालं मी श्री अण्णांच्या आंदोलनाने खूप भारावलो होतो. पण, लोकपाल निमित्त चालणार्‍या आंदोलनाबद्दल माझाही उत्साह दिवसांदिवस कमी होत चालला आहे. :(

व्यवस्थे विरुद्ध चळवळी चालल्या पाहिजेत, व्यवस्थेवर दबाव असला पाहिजे, वगैरे वगैरे पण का कोणास ठाऊक कॉमन.मॅनच्या काही मुद्द्यांशी सहमत व्हाव असंच वातावरण आहे.

काळे काका, वाचताय ना ? आपल्या श्री अण्णांचे आंदोलन बरोबर चाल्लंय का ?

-दिलीप बिरुटे

स्वतः काहीच करायचे नाही आणि जे करतात त्याना अपशकुन करायचा हे नवीन नाही

मुळात अण्णांनी वर्षभर दबाव आणून काही गोष्टी बर्‍याच पुढे गेल्या आहेत.

हेही कोणीतरी करायला हवेच होते , नुसते लेख लीहुन काही झाले नसते

अण्णांच्या विरोधात बोलणार्‍यांचा, बाजूने बोलणार्‍यांचा आणि कोणत्याही बाजूने न बोलणार्‍यांचा असा एकूण मिळून सगळ्यांचाच निषेध!!!!

संपूर्ण लेखात आरएसएस च्या नावाने कुठेही बोटे मोडल्याचे आढळुन न आल्याने लेख पटला नाही ! ;)

(भारतीय संविधान आणि भारतीय संसद मानणारा)
हिंदुस्थानच्या संविधानाचे शिल्पकार श्री डॉ. बाबासाहेब आंबेडकर यांनी १० वर्षासाठी आरक्षण दिले होते,मतांसाठी ते ६० वर्षे सुरूच आहे ! ;) आणि संसदेवरील हल्ल्यांच्या आरोपी अफजल गुरु अजुन जिताच हाय बरं ! :(

अण्णा टीम किंबहुना रामदेवबाबांनी केलेली काही बेताल विधानं होती त्या धर्तीवरचा किंवा दिग्विजयसिंग जरा सोबर असताना बोलले तर बोलू शकतात तेवढ्या दर्जाच्या विधानांनी भरलेला लेख ..

मी या आंदोलनाच्या योग्य बाबींचं समर्थन करतो म्हणजे जन लोकपाल सारखा भ्रष्टाचार विरोधी कायदा असलाच पाहिजे. त्याबरोबर किरण बेदींनी केलेल्या नकला किंवा भूषण यांचं काश्मीर वक्तव्य अशा अयोग्य गोष्टींचा तितकाच विरोध..
पण म्हणून वाटेल ती विधानं करण्यात अर्थ नाही. अण्णा यांच्यावर बिनबुडाचे आरोप केल्यामुळी मनीष तिवारी यांची हकालपट्टी करण्याची आणि दिलगिरी व्यक्त करण्याची वेळ काँग्रेसवर आली.

देशातील सर्वात हुशार कायदे तज्ञ सिब्बल आणि मोईली काय विधानं करत आहेत हे गेले काही महिने सगळ्यांनी स्पष्ट बघितलं आहे. तेव्हा केजरीवाल यांच्यावर शरसंधान करण्याचंही काही कारण नाही.

ज्याला पाहूनच 'हा केवळ भामटा असावा..' अश्या कुमार विश्वास नामक इसमावर अण्णांचा इतका विश्वास कसा काय..? -- आपली माहिती टिआरपी केंद्रित माध्यमांपुरतीच मर्यादित असताना 'पाहून' इसम भामटा कसा वाटतो?

आंदोलन झालं आणि उघड उघड आरोप झाले म्हणून केजरीवाल / बेदी असे मॅगसेसे पुरस्कार विजेते लोक हे एकदम नालायक किंवा सवंग लोकप्रियतेच्या मागे किंवा पैसा हडपणारे होतात ?

दर तीन चार महिन्यांनी होणारा इव्हेंट -- इतका अखंड उहापोह होऊन काय घडलं ? जर काही घडलं असतं तर हा "इव्हेंट" कदाचित करावा लागला नसता (असा माझा अंदाज आहे)
गेली तीस वर्ष या कायद्यावर काय घडलं ? आत्ता गेल्या सहा सात महिन्यात काय पुढे गेलं ?
जेपीसी / पी आय सी वरुन वाद झाला. मुरली मनोहर जोशी अध्यक्ष असलेला प्रस्ताव फेटाळला कारण सत्ता काँग्रेसची आहे -- त्यावर संसदेत वाद / चर्चा होऊ शकली असती. आणि अतिशय काठावर बहुमत असलेला नवा प्रस्ताव १६/३१ हा संसदेत पाठवण्यात आला. भ्रष्टाचाराच्या मुद्द्द्याची दिशाभूल करण्यासाठी त्यात एक सब-आरक्षण ठेवण्याचं नवं पिल्लू सोडण्यात आलं.. एकी कडे पंतप्रधान कार्यालयातून ज्याच्याशी पत्रव्यवहार होतो त्या व्यक्तिबद्दल त्याच पक्षाचे प्रवक्ते / जनरल सेक्रेटरी काय वाट्टेल ते बोलू शकतात. मग खरं काय ?

संसदीय लोकशाही नुसार चर्चा प्रस्तावावर लालूप्रसाद यांनी तास दिड तास भाषण केलं त्याचा काय अर्थ होता.. एक विधान वाचलं -- ' कल ये लोकपाल आयेगा तो एक मामुली दरोगा हमें लाकअप में डाल देगा' -- काय असंच सहज कोणत्याही मोठ्या राजकारण्याला आत टाकता येतं का? मग ही भीती संसदेत बोलून दाखवण्याइतकं यांनी काय केलं आहे? अशा परिस्थितीत एका कायद्यासाठी आंदोलन तेही उपोषण करण्यात काय चूक आहे?

या सगळ्या स्थितीचा विचार करता -->
लाख लाखभर मेणबत्तीबाज अन् टोपीबाज -- इतकी उथळ विधानं करण्याचं काहीच कारण नाही..
देश का दुसरा गांधी है अशा भंपक विधानांना खुशाल लाथाडा.. अण्णांनी संबंध नसलेल्या कार्यक्रमात जाणं यावर लिहा. पण बळंच आजवर कधीही मोठ्या कारणाशिवाय किंवा ट्रक भरुन आणल्याशिवाय न जमा होणारी जनता लाखोनी एकत्र येते आहे एका चांगल्या कारणासाठी तर येऊ दे की त्यांची मेणबत्ती बाज म्हणून हेटाळणी कशाला... थोडा तरी बदल होत असेल तर बराच आहे की.. आजवर कधी आले होते के देशभरात लोक एकत्र गेल्या साठ वर्षात ?
टोपी सारख्या इतर सर्व गोष्टी या मार्केटिंगचा भाग असतात
पक्षीय लोकशाहीत जे अति सवंग मार्केटिंग चालतं ते योग्य आणि पक्षापलिकडे असलेलं आंदोलन टोपीबाज?

किंबहुना ज्यांच्या हेतूंबद्दल निश्चितच शंका आहे -- हिडन अजेंडा -- याचा बेस काय ? असंच?? मग रोज दिग्विजय / बेनी प्रसाद / मनीष तिवारी जे काही बोलतात त्या हेतूंबद्दल काय ?

बंदोबस्त आणि मोठं मैदान -- सोयीसाठी. निवडून येण्याच्या प्रचारासाठी कोटी कोटी खर्चून सभा होतात आणि शेकडो कोटींचा खर्च दर पाच वर्षांनी होतो..

एकूणात अण्णा विरोध म्हणजे भ्रष्टाचाराचे समर्थन नाही पण विरोधाला काही योग्य मुद्दे किंवा दिशा असावी. समर्थन नसेल तर नसू दे. प्रत्येकाला पटलंच पाहिजे असं नाही पण असलाच टी आर पी वाला धागा काढण्यातही काही अर्थ नाही.

(कोणत्याही पक्षात किंवा संघटनेत (IAC सह) नसलेला) मैत्र

संपूर्णपणे सहमत.
लोकपाल ही कल्पना भंपक आहे. अख्ख्या शासनव्यवस्थेवर लक्ष ठेवू शकेल अशी यंत्रणा उभारायची तर एक जगड्व्याळ अशी समांतर नोकरशाही उभी करावी लागेल. त्यातल्या भ्रष्टाचारावर नजर ठेवायला आणखी एक यंत्रणा...मग आणखी एक...वगैरे.
आणि ही यंत्रणा राबवणारे लोक आमच्यातूनच येणार ना? तेच आम्ही की जे आतापर्यंतच्या लोकप्रतिनिधींना निवडून देत आलो आहोत? जे आतापावेतो यंत्रणा राबवीत आलो आहोत? की 'शुद्ध नीतिमत्ता'वाले लोक बाहेरून कुठूनतरी आयात केले जाणार आहेत?
आपण तेव्हढे स्वच्छ-सफेद आणि बाकीचे मात्र बरबटलेले हा गंड बाळगणार्‍या या लोकांचा दर्प आता अगदी असह्य झाला आहे.

अण्णा हजारेंच्या विरोधात काँग्रेसने सोडलेले भुंकणारे आणि चावणारे असे दोन्ही प्रकारचे पेड पत्रकार इथेही लक्ष ठेवून असतात ही बाब मराठी संस्थळांच्या वाढत्या प्रभावाचे निदर्शक आहे.
मुळात लिखाणाचा हेतूच प्रामाणिक नसल्यामुळे मुद्द्यांचा प्रतिवाद करण्याची इच्छाच होत नाही.

महात्मा गांधींसारख्या 'महान आत्म्याने'ही त्यांच्या कार्यकाळात अनेक चुका केल्या होत्या हे अनेक चर्चांमधून पुढे आले आहे. तरीपण भारताच्या स्वातंत्र्य लढ्यात त्यांना मानाचे स्थान आहे. संपूर्ण स्वातंत्र्याचे त्यांना प्रणेते मानले जाते. काही चुका श्री. अण्णा हजारेही करीत असतील पण म्हणून त्यांच्या उद्देशावर संशय घेणे अन्याय्य होईल. महात्मा गांधींच्या प्रत्येक सत्याग्रहातही त्या काळची १००टक्के भारतिय जनता सामिल नव्हती. जालियनवाला बाग मघ्ये संपूर्ण भारत जमला नव्हता, दांडीयात्रेत, मीठाच्या सत्याग्रहात किती भारतिय जनता शरीराने सहभागी होती? तरीपण, महात्मा गांधी संपूर्ण भारताचा आवाज म्हणून सरकारशी बोलत होते. ब्रिटीश जनतेसमोर भारताचे प्रतिनिधी म्हणूनच वाटाघाटी करायचे. तेव्हाही महात्मा गांधींचे समर्थक आपला कामधंदा सोडून महात्माजींच्या मागे धावत होते. त्याकाळीही महात्माजींचे काही समर्थक स्वार्थासाठी आंदोलनात उतरले असतील. त्यावर, महात्माजींचेही काही नियंत्रण नसणार. पण सर्वांच्या साथीने त्यांनी आपली आंदोलने, सत्याग्रह चालू ठेवले. शेवटी महात्माजींना यश आले. भारताच्या स्वातंत्र्य लढ्याचे संपूर्ण श्रेय कदाचीत महात्माजींचे नसेल पण त्यांचे पुढारीपण, त्यांचे योगदान, त्यांचा उद्देश कोणीही नाकारत नाही.

मग, श्री. अण्णा हजारेंच्या भ्रष्टाचारविरोधी लढ्यावर एवढी आगपाखड कशा करीता?

कॉमन मॅन- ही असली विखारी जळजळ तुम्ही एखाद्या भ्रष्ट पुढार्‍याच्या बाबतीत ओकलेली आठवत नाही! कशी करणार म्हणा- तो पुढारी xxxx वर फटके मारून, हात-पाय तोडायची भीती! अण्णा पडला अहिंसावादी, तिथे ही भीती नाही, मग चालू द्या, काय होतय काहीही बरळलं तर- नाही का? बाकी चालू, द्या. गरळीतले मुद्दे प्रतिवाद करण्याच्या लायकीचे नाहीत.

पण सहमत नाही. आण्णा हजारेंनी लोकांना जागे करण्याचे काम केले आहे. मध्ये मध्ये असे केले नाही तर वित्तीय घोटाळे पराकोटीला जातील. निदान लोकांना समजले पाहिजे व सगळ्यात मुख्य म्हणजे तरुण पिढी. नाहीतर हल्ली, मॅनेजमेन्ट टेकनीक म्हणून भ्रष्ट व अनैतिक आचरणावर टू मॅनेज असे म्हणून शिक्कामोर्तब व्हायचा व तरुण पिढीचे मन अजूनच बोथट व्हायचे.

मला कॉमन मॅनवर संजय राऊत, कुमार केतकरांचा प्रभाव दिसत आहे.

जो गुन्हा करेन .. मग तो भ्रष्टाचार असो, विनयभंग असो, चोरी असो वा अजुन काही असो त्याला प्रखर शिक्षा हवीच हवी.. आणि कायद्याने त्या केसेस लवकर सोडवुन अतिशय कडक निर्यय तत्काळ राबिवले तर असे काम करण्यास लोक हजारदा विचार करतील ...

जर लोकपाल अश्या पद्धतीने काम करणार नसेन तर कसलाही कायदा आला तरी त्यातुन सुटणारे आपोआप सुटणारच...

बाकी अण्णांच्या अंतिम ध्येयाप्रति आदर असला तरी आत ज्या पद्धतीने त्यांचे बोलणे चालले आहे त्यावरुन खुप उथळपणा जाणवतोय..
वरती गांधीजींचे उदाहरण दिले म्हणुन सांगतो, गांधीजे हे खुप महान होते.. त्यांचे अनुकरण कोणी करत असेन तर ते नक्कीच छान आहे, ते सर्वात अवघड काम आहे.. पण अनुकरण करताना मीच गांधी आहे.. मी म्हणेण तसेच झाले पाहिजे ही अरेरावी योग्य वाटत नाही ...
राजकारण्यांच्या विरोधात काहीही केले तरी त्यांच्यात बदल घडवणे फक्त कडक कायदे केले तरच संभव आहे,, फक्त केसेस उभ्या करणे आणि त्या असंख्य काळ चालवणॅ म्हणजे नक्कीच योग्य पद्धत नाही...
लोकपाल हे ही उद्याचे राजकारणीच असणार आहेत ...

त्यामुळे एव्हडेच म्हणतो कायद्यापेक्षा आधी स्वता: मोठे होउ नका.. नाहितर उद्या कायद्याला काडीची किंमत राहणार नाही...

गांधीजे (गांधीजी) हे खुप महान होते..

हे वादग्रस्त विधान आहे. ह्यावर बराच वाद आधीही झालेला आहे. म्हणून आवरते घेतो.

पण अनुकरण करताना मीच गांधी आहे..

श्री. अण्णा हजारे हे गांधीजींचे अनुकरण करीत आहेत असे मी म्हंटलेले नाही. असे त्यांनीही म्हंटलेले नाही. महात्मा गांधी हे त्यांचे आदर्श आहेत असे मत श्री. अण्णा हजारेंनी व्यक्त केले आहे. 'मीच गांधी आहे' असे त्यांनी तरी कुठे म्हंटलेले मी ऐकले नाही. तसा काही पुरावा आपल्या जवळ असेल तर तो मिपावर सादर करावा. मी ही श्री. हजारेंचा निषेध करेन.

गांधीजींचे उदाहरण, प्रस्थापितां विरूद्ध लढलेला लोकनेता एवढ्याच संदर्भासाठी घेतलेले आहे. श्री. अण्णाही प्रस्थापितांविरुद्ध लढत आहेत.

मी म्हणेण (म्हणेन) तसेच झाले पाहिजे ही अरेरावी योग्य वाटत नाही ...

भ्रष्टाचाराविरुद्ध लढताना तो निपटण्यासाठी काय काय आणि कसे कसे कायदे असावेत, लोकपालाला कोणकोणते अधिकार देणे गरजेचे आहे, लोकपाल भ्रष्ट झाल्यास त्यावर कारवाई कोणी करावी, लोकपालावर अंकुश कसा ठेवावा आदी बाबींचा विचार लोकपाल मसुद्यात केलेला आहे. त्यावर चर्चा होऊन कार्यवाही व्हावी अशी इच्छा व्यक्त केली आहे.
राजकारणी नेते आपल्या भ्रष्टाचाराची चौकशी होऊ नये म्हणून सशक्त लोकपालाला 'अशक्त' बनवायचा प्रयत्न करीत असतील तर ते प्रयत्न हाणून पाडणे म्हणजे 'अरेरावी' होत नाही.

पुन्हा सांगतो, श्री. अण्णा हजारे काही बाबतीत चुकतही असतील पण त्यांचा उद्देश चुकिचा आहे असे म्हणता येणार नाही.

जर आपण धुतल्या तांदुळासारखे असू तर लोकपालाची भिती कशाला? पण तशी भिती वाटते हेच ह्या राजकारण्यांच्या गुन्हेगारी प्रवृत्तीचे द्योतक आहे. आणि ह्यातूनच लोकपालाला विरोध सर्वस्तरावर होत आहे.

अत्यंत फालतू लेख. पहिल्या चार ओळी वाचून काहि करमणूक होईल अशी आशा होती... ती देखील झाली नाहि.

बाकी "कॉमन मॅन" ही आयडी मात्र सार्थक ठरवलीत. भारततला कॉमनमॅन आहेच असा. पहिले तर काहि शिजु द्यायचं नाहि.... शिजलं तर निवेपर्यंत उसंत धरायची नाहि... त्याउपरही काहि पडलच पानात तर त्यात माती कालवायची... आणि वर आपण उपाशी आहोत म्हणुन गळे काढायचे. त्यातही कोण जास्त उपाशी आहे त्यावरुन काँपीटिशन लावायची... आणि सवलती/आरक्षण/पॅकेजच्या गाजराची पुंगी ऐकुन दारु ढोसायची आणि पुढील निवडणुकीपर्यंत बूड वर करुन खाटेवर घोरत ताणुन द्यायची... चालायचच (अरे पण किती...)

(सामान्य भारतीय) अर्धवटराव