झाशीच्या राणीवरील अन्याय

झाशीच्या राणीच्या कारकिर्दीतील ही घटना मला तिच्या लढयातील कळसाध्याय वाटली. कारण ब्रिटिशांच्या सत्तेला इतका मोठा झटका एका स्त्रीने दिला याचे कौतुक वाटते. अफझलखानाच्या वधानंतर आपल्या इतिहासात वध सांगितला जातो तो चाफेकरांनी केलेला रॅण्ड्चा. पण त्याच वेळेस महाराष्ट्रातील इतिहासकारानी झाशीच्या राणीच्या अतुल्य शौर्यावरून जो बोळा फिरवला आहे त्याचे दू:ख झाले.

१०० % सहमत

नुसते इतिहासकार नव्हे तर लेखक/कवी यांनासुद्धा तिचा पराक्रम अपवादानेच दिसला. मराठीत भा.रा.तांबे यांचे " रे हिंद बांधवा थांब या स्थळी अश्रू दोन ढाळी" आणि सुभद्राकुमारी चौहान यांच्या "खूब लढी मर्दानी वो तो झासीवाली रानी थी" (कवितेत त्यांनी राणीच्या बालपणाचे, लग्नाचे, वैधव्याचे, ब्रिटिशांच्या मुजोरीचे, राणीने शर्थीने दिलेल्या झुंजीचे आणि तिच्या बलिदानाचे यथार्थ वर्णन केले आहे) या व्यतिरीक्त साहित्य रचना डोळ्यासमोर येत नाहीत.

युयुत्सु कोणत्याही स्त्री वर कोणत्या ही प्रकार चा अन्याय होतो/झाला.... असा लेख काढत आहेत्..हे बघून मी झीट येऊन पडले आहे.

>>महाराष्ट्रातील इतिहासकारानी झाशीच्या राणीच्या अतुल्य शौर्यावरून जो बोळा फिरवला आहे त्याचे दू:ख झाले.

मालिकेत दाखवलेला एखादा प्रसंग बघून इतके सरधोपट आणि अन्यायकारक विधान करणे चांगले नाही. झाशीच्या राणीवर कुणीही अन्याय केलेला नाही. तिचा पराक्रम वादातीत आहे. म्हणूनच आजही एखादी धाडसी आणि आक्रमक स्त्री दिसली, की तिला 'झाशीची राणी' असे कौतुकाने म्हटले जाते. चांदबीबी, जिजाऊ, कित्तूरची राणी चन्नमा, अहिल्याबाई होळकर आणि राणी लक्ष्मीबाई या इतिहासातील 'पराक्रमी पंचकन्या' असल्याचे प्रत्येकाला लहानपणापासून माहीत असते.

गोडसे भटजींच्या अगदी जुन्या प्रवास वर्णनात राणी लक्ष्मीबाईचे प्रत्यक्ष वर्णन, शौर्य, तत्कालीन सामाजिक व राजकीय स्थितीचे यथार्थ विवेचन आहे. इतिहासकारांनी ते अस्सल आणि प्रमाणभूत मानले आहे. मग 'अतुल्य शौर्यावरुन बोळा फिरवला' इतके टोकाचे विधान कशाला? नेल्सनला शिक्षेसारखे आणखी प्रसंग समजले तर राणी लक्ष्मीबाईचे चित्र परिपूर्ण होत जाईल, हे खरेच, पण म्हणून आजवर रेखाटलेले चित्र काळेकुट्ट आणि बदनामीकारक मुळीच नाही.

महाराष्ट्रातील इतिहासकारांवर काही विशिष्ट संघटना विखाराने तुटून पडल्या आहेतच. आपणही भलताच मुद्दा घेऊन 'एक पत्थर तो तबियत से उछालो यारो!' म्हणत कशाला हात धुऊन घ्यायचा?

पण त्याच वेळेस महाराष्ट्रातील इतिहासकारानी झाशीच्या राणीच्या अतुल्य शौर्यावरून जो बोळा फिरवला आहे त्याचे दू:ख झाले.

भयानक सहमत आहे.

युयुत्सु ह्यांनी आता ह्या अन्यायाची जाणिव झाल्यामुळे तातडीने झाशीच्या राणीचे चरित्र महाखंडात लिहुन जनतेसमोर आणावे अशी विनंती.

झी टिव्ही वरील ही मालिका स्वतःच झाशीच्या राणीवर एक घोर अन्याय आहे. अनेक कॉमेडी मालिका येतात त्यात ही एक कॉमेडी मालिका म्हणुन आम्ही सोडुन दिली .
असो .. :)

टीव्ही मालिका हा झाशीच्या राणीवर अन्याय आहे. पण युयुत्सुनी एका महिलेची बाजू घेतल्याबद्दल त्याना जोरदार पाठिंबा!

झाशीची राणी पराक्रमी असणारच याबाबत शंका नाही. पण आम्हाला इतिहासात फक्त ,ती तटावरुन घोडा फेकून पळाली ,एवढेच वाचल्याचे आठवते आहे. तिची, प्रत्यक्ष लढाईत मर्दुमकी गाजवल्याची वर्णने वाचायला आवडतील. इतिहासतज्ञांनी दुवा द्यावा. त्यामुळे लहानपणी नुसती पळून जाणारी स्त्री शूर कशी, हा बाळबोध प्रश्न आम्हाला पडला होता.

तीच्या कर्तृत्वावरून बोळा फिरवला गेला आहे.
झाशीची राणी लक्ष्मीबाई शूर आणि धाडसी होती यात शंकाच नाही. पण इतिहासाने तिच्या कर्तृत्वाची दखल घेतली आहे.
खरा अन्याय झालाय तो तिच्या घोड्यावर...:)
त्याने जर तटावरून उटी मारायला ऐनवेळी नकार दिला असता तर राणी काय करणार होती?
आपसूक इंग्रजांच्या हातात सापडली असती....
आपल्य जीवावर उदार होऊन (आणि पाठीवर दीड माणसांचं वजन घेऊन!!) तटावरून जंप घेणं सोपं नाही महाराजा!!!‍ त्या घोड्याच्या कर्तृत्वावरून बोळा फिरवला गेला आहे याबद्दल इतिहासाचा नि‍षेध!!!!
:)

झाशीच्या राणीचे माहित नाही पण हा चर्चाप्रस्ताव टाकून युयुत्सुंनी त्यांच्या मिपा कारकिर्दीवर बोळा फिरवला आहे. :(

शाळेच्या इतिहासाच्या पुस्तकात दोन-चार ओळीत तिला गुंडाळण्यात आले होते.
अर्रर्र! त्यावेळच्या एखाद्या स्रिद्वेष्ट्याचे हे काम तर नव्हे? (हा प्रश्न आहे.)
महाराष्ट्रातील इतिहासकारानी झाशीच्या राणीच्या अतुल्य शौर्यावरून जो बोळा फिरवला आहे
तसा त्यांनी बर्‍याचजणांच्या शौर्यावरून बोळा फिरवलाय.
ते सगळं जाऊ दे......हा धागा युयुत्सुंचा आहे यावर विश्वास बसत नाही.