अपेक्षित

हि जागा कारगिलच्या हुतात्म्यांच्या परिवारासाठी होती असे ऐकतो आहे, म्हणजे त्यांना फुकटात flat देणार होते का ? तेथील एक घर तीस कोटींचे आहे आणि राजकारण्यांनी ते ६० लाखाला विकत घेतले असेही वाचनात आले म्हणजे हुतात्म्यांच्या परिवाराकडून किती पैसे घेतले जाणार होते हेसुद्धा काळात नाही. तसेच शहीद झालेल्या ४५० हुतात्म्यांच्या परिवारासाठी कसे निकष लावणार होते तेपण कळायला काही मार्ग नाही.
हा झाला घर वाटपाचा प्रकार, पण नौदलाने उंच इमारत आपल्या विभागाजवळ असल्याला आक्षेप घेतल्याने सगळा प्रकार सुरु झाला आहे, तर हि इमारत मग पडून टाकणार का ?
मुख्यमंत्री बदलून प्रश्न सुटणार आहे का ? कि या प्रकरणात बाकीच्या दोषी लोकांना वाचवायला आणि प्रश्नाच्या मुळापर्यंत जायला लागू नये म्हणून फक्त मुख्यमंत्री बदलायचे नाटक करणार आहेत. तसेच ओबामाच्या दौऱ्याच्या फक्त २ आठवडे आधी मुख्यमंत्री बदलून सगळे प्रशासन परत विस्कटून टाकणार आहेत का ?
नवीन तर काय वाचतोय कि "दिवसभरात चव्हाण यांची राहुल गांधींशी भेट होऊ शकली नाही. मात्र, काल रात्री उशिरा त्यांनी राहुल यांचे निकटवर्तीय ज्येष्ठ नेते दिग्विजयसिंह यांना भेटून मदतीचे साकडे घातल्याचे समजते." आता राहुल गांधींचा या प्रकरणात काय संबंध आहे ? ना ते संरक्षण मंत्री ना त्यांच्याकडे महाराष्ट्राचा कार्यभार. आणि राहुल गांधीचे निकटवर्तीय कोण तर दिग्विजयसिंह ? जे असंबद्ध विधाने करण्याबद्दल प्रसिद्ध आहेत. म्हणजे एकूण काय तर प्रकरणात संभ्रम आहेच पण त्याची चौकशी करून कारवाई करण्यात तर अजून जास्त गोंधळ आहे.

बातमी कळली हो.
फारेनरांनाही कळली.
हे सगळे बोलण्यापलिकडचे असले तरी आपल्याकडे (खरं तर जगभर) हे प्रकार मस्त खपून जातात.
आपल्याला काय वाटतं, ते आपल्या भल्यासाठी बसलेत काय पदावर?
आजकाल या लोकांना दोष नाही द्यावासा वाटत.

>>फार झाले तर सी बी ऐ चौकशी केली जाईल.....मंजेच congress burue of investigation

वाचून मौज वाटली.

>>गेले २ दिवस ज्या काही घडामोडी चालू आहेत त्या बद्दल काही तरी लिहिला जाण्याची वाटच बघत होतो पण तशी काही चिह्ने दिसत नाहीयेत;हे तुम्हा सगळ्या लोकांना इतके अपेक्षित होते का?
वाट तर आम्हीही बघत होतो, कि घटना छातीशी बडवणारे, राजकारण्यांचा उदो उदो करणारे, प्रखरपणे हाती लेखणी घेतील. पण पदरी घोर निराश आली.
असो,

सैनिकांनो तुम्हाला एक आवाहन,
लढाईला जाताना आपला कुटुंबियांना वार्यावर टाकून जाऊ नका, थोडीफार धन दौलत त्यांच्या नावावर करा, मगच मरणासाठी तयार व्हा. तुम्ही शहीद झालात तर तुमच्या कुटुंबीयांकडे लक्ष द्यायला सरकारला पुरेसा वेळ नाही, आणि तुम्ही लढाईत अपंग झालात तर तुमचा हाल कुत्रेही (हो खरोखरचेच कुत्रे, आणि ह्यात कुत्रे जमातीचा अपमान नाही.) विचारणार नाही.

माननीय मन्द्या,
आपल्या बलात्कारित घटनेप्रमाणे, CBI चा अर्थ central bureau investigation असा आहे. तो तसाच वापरवा.

सध्या आम्ही CWG मुळे गर्वानी छाती फुगवून, दिवाळीचा फराळ खाण्यात मग्न आहोत.

"चोरांच्या हाती तिजोरीच्या चाव्या"असे सध्या महाराष्ट्राचे व तमाम देशाचे चित्र आहे..कॉमन्वेल्थ गेम्सच्या निमित्ताने झालेला काही हजार कोटींचा भ्रष्टाचार अजुन जनता पचवते न पचवते तोच आदर्श सोसायटीच्या निमित्ताने काँगीजनांद्वरे केला गेलेला अजुन एक भ्रष्टाचार जनतेसमोर आलाय..जनतेने असले धक्के पचवण्यापुर्वीच हे काँग्रेसी ढेकर देऊन मोकळे झालेले असतात ...काँग्रेस व त्यांच्या अप्पलपोटी बगलबच्च्यांकडुन तसे देखिल आदर्श वागणूकीची अपेक्षा नाही.....भ्रष्टाचाराचा "आदर्श "नमुना म्हणजे काँग्रेसपक्ष व त्यांचे सहकारी हे आता आदर्श सोसायटीच्या निमित्ताने जनतेसमोर आले....मोगल व इंग्रज निदान परकिय तरी होते त्यांनी केलेली देशाची लुट निदान पटण्यासारखी आहे ,पण गेली ६ दशके स्वकिय असलेल्या काँग्रेसपक्षाने या देशात जी लुट केली त्याचे काय करायचे?मढ्याच्या टाळू वरचे लोणी खाणार्‍या काँग्रेसपक्षाने स्वकियांशीच केलेला हा देशद्रोह आहे.......काँग्रेस आणि भ्रष्टाचार यांचे अभेद्य नाते स्वातंत्र्य मिळाल्यापासुन जुळलेले आहे...INC याचा अर्थ Indian netas corruption असेच आता काँग्रेसपक्षाला संबोधणे योग्य ठरावे...........१९४७ पासुन सगळ्यात जास्त काळ काँग्रेसपक्ष सत्तेत आहे ..काँग्रेसच्या निमित्ताने वाढिस लागलेली हि किड आता लष्कराला देखिल लागली याचे दु:ख आहे............देशाच्या व देशबांधवांच्या संरक्षणार्थ स्वत:च्या प्राणांचे मोल देणार्‍या सैनिकांच्या हक्कावर गदा आणत स्वतःची खळगी भरणार्‍यांना कधीही क्षंमा केली जाता कामा नये....सोनियांदेवींकडून काही भरीव कार्य व कठोर निर्णय घेतले जातील अशी अपेक्षा करुन स्वतःचाच अपेक्षाभंग निदान मी तरि करु इच्छित नाही ....पण तरिही स्वत:च वेगळेपण सिद्ध करायचे असेल तर निदान या असल्या खाबू नेत्यांना पक्षातुन हाकलावे.. मागे काँग्रेसचे आंध्रप्रदेशचे मुख्यमंत्री वाय एस रेड्डिच्या अपघाती मृत्युनंतर तेथे बर्‍याच लोकांनी आत्महत्या केल्या होत्या ,त्या रेड्डिंवरील प्रेमापोटी नसून रेड्डिंमार्फत होणार्‍या काळ्याधंद्यामधे केली गेलेली मोठया रकमेची गुंतवणूक बुडाल्या बद्दलच्या नैराश्यातुन केल्या गेलेल्या होत्या
भ्रष्टाचाराच्या बाबतीत इतर पक्ष देखिल काही सोवळे नाहित हे कर्नाटकच्या निमित्ताने दिसलेच.........सुरेश प्रभूंचे नाव या आदर्श प्रकरणात आले याचे आश्चर्य वाटले त्याही पेक्षा धक्का बसला..........पण कायम माध्यमांसमोर पोपट पंची करण्यात आणि राणाभिमदेवी थाटात गर्जना करण्यात आघाडीवर असणारा पवारांचा पित्त्या आव्हाड याचा देखिल या प्रकरणात सहभाग आहे .........सध्या कुठे तोंड लपवुन बसलेत आव्हाड्?....आज तर पृथ्वीराज चव्हाणांना देखिल एक फ्लॅट दिला गेलेला आहे अशी बातमी येतेय्......राणेंनी सेना सोडण्यामागचे खरे कारण आता लक्षात येतेय !केवळ स्वतःची तुंबडी भरण्यासाठीच राणेंनी पक्ष बदलला हे सांगणे न लागे .सत्तेचा वापर करायचा आणि पुन्हा निर्लज्जपणे तोंड वर करुन इतरांवर आरोप करायचे.......काँग्रेसच्या आदर्शवादाचे गोडवे गाणार्‍यांना हाच आदर्शवाद अपेक्षित असावा बहुदा!.............या राजकिय नेत्यांची असली काळी करणी बघुन शालेय अभ्यासक्रमातुन व एकंदरीतच आता लोकशाहीची मूळ व्याख्या बदलून लोकशाहीची नवी व्याख्या 'Buy the people ,Buy the politician and then Sell the country!" अशी केली पाहिजे..
अवांतर -मंद्या यांनी सकाळचा दिलेला दुवा बघुन अंमळ गंमत वाटली कारण गेले पाच दिवस हा विषय माध्यमांमधे व देशात चर्चीला जात असताना सकाळने याची दखल फार उशीराने घेतली.....पवारांच्या आज्ञेची वाट पहात असावेत बहुदा!
जय हिंद!
जय महाराष्ट्र!

हा काय एक नवीन प्रकार चालू झालेला आहे ?
लष्कर विरुद्ध राजकारणी, असा कोणताही पायंडा पडून देऊ नये.

लष्करी अधिकार्यांचा आणि राजकारण्यांचा भ्रष्टाचार ह्यात खूप फरक आहे.
हेच लष्करी अधिकारी वेळ आली तर आपल्या छातीवर गोळी झेलून जनतेचे रक्षण करतील ह्याची खात्री आहे, पण किती युवराज आणि राजमाता अश्या प्रकारचे बलिदान देण्यास तयार होतील ?

माननीय थत्ते, पांढऱ्या दहशतवाद्यांबद्दल लिहिल्याने कसा काय असा पायंडा पडतो ?
आणि मिपावर सातत्याने पांढऱ्या दहशतवाद्यांबद्दल लिखाण करणे मिपाच्या धोरण विरुद्ध आहे काय ?

आपल्या सारख्या सुज्ञांकडून वरील विधान अपेक्षित नाही (सहमत कि असहमत, हि बाब वेगळी) त्यामुळे मुद्दामून आपल्याला प्रतिसाद दिलेला नाही.

लष्करात भ्रष्टाचार होत नाही म्हणणे म्हणजे आपल्याच डोळ्यांवर पट्टी बांधून घेणे आहे. Ketchup Colonel ची गोष्ट तर प्रसिद्धच आहे. लष्कराचा ज्या ज्या खात्यांचा नागरिकांशी संबंध येतो तिथे बरेचदा भ्रष्टाचार झालेला आहे. शस्त्रास्त्र खरेदी बद्दल तर न बोललेलेच बरे. परदेशात शस्त्र खरेदी साठी बरेचसे अधिकृत दलाल असतात. पण जेव्हा वेळ येते तेव्हा सैनिक जीव देतातच, आणि जीव देणे आणि जीव घेणे यापेक्षा तोफाबंदुकिंच्या रणधुमाळीमध्ये कोणीही राजकारणी जात नाही. त्यामुळे खरतर सैनिक आणि राजकारणी अशी तुलना करण्यापेक्षा सैनिकामधली व्यक्ती असा विचार कारण मला जास्त सयुक्तिक वाटतं.