Skip to main content

सुरळीच्या वड्या.

लेखक समिधा यांनी बुधवार, 18/02/2009 03:45 या दिवशी प्रकाशित केले.
शाल्मली आणी रामची आई यांच्या मसालेभात आणि जिलेबी बरोबरच पानाच्या डाव्या बाजुची शोभा वाढवायला कश्या वाटतील... साहित्य : डाळीचे पीठ १ वाटी ताक १ वाटी पाणी १ वाटी मीठ चविनुसार तिखट चविनुसार मैदा १ चमचा सारणा साठी साहित्य : ओल खोबर १ वाटी कोथिंबिर आवडीप्रमाणे मीठ चविनुसार लिंबाचा रस १ चमचा साखर चविनुसार आणि मोहरी, हिंग्,हळद घालुन केलेली फोडणी (फोडणी पहिल्यांदा करुन गार होऊ द्यावी. ) कृती : प्रथम ओल खोबर ,कोथिंबिर,मीठ,साखर, लिंबाचा रस एकत्र करुन व्यवस्थित मिसळुन ठेवावे. नंतर एका पातेल्यात डाळीचे पीठ ,मैदा ,ताक, पाणी ,तिखट,मीठ घालुन मिश्रण हाताने एकत्र करावे. (मिश्रणात गाठी राहु देऊ नयेत. ) तयार मिश्रण मंद आचेवर शिजत ठेवावे. पिठ भांड्यापासुन सुटु लागले की त्यावर झाकण ठेऊन १-१ मिनीटाने २ वाफा काढाव्यात तयार मिश्रण ताटाला दोन्ही बाजुने पातळ पसरुन घ्यावे. त्यावर तयार सारण, आणी गार झालेली फोडणी व्यवस्थित घालावी. त्यावर सुरीने उभ्या चीरा पाडुन गोल गुंडाळ्या कराव्यात. टिपः झाकण ठेऊन वाफ काढताना पीठ खालुन करपण्याची भीती असेल तर शिजत आलेले मिश्रण कुकर च्या भांड्यात काढून कुकर मध्ये शिट्टी न लावता ३ मिनीटे वाफवावे.
वाचने 11241
प्रतिक्रिया 25

प्रतिक्रिया

रेवती बुधवार, 18/02/2009 03:51
आज काय सगळ्यांनी मेजवानी द्यायचा बेत केलाय की काय? फोटू मस्त! पाककृतीला शोभा आली.:) हा प्रकार भारीच आहे पण मला थोडा सराव करावा लागेल असे वाटते. पीठ गरम असतानाच पटकन् ताटांना लावणे जमायला हवे. रेवती

बेसनलाडू बुधवार, 18/02/2009 04:38
तोंडाला पाणी सुटले; खायला हव्या आता! (हावरट)बेसनलाडू

सहज बुधवार, 18/02/2009 05:23
शोभा अप्रतिम वाढवलीत हो! सुरळीच्या वड्या. =P~

विसोबा खेचर बुधवार, 18/02/2009 05:27
ओहोहो! सु,व.चा फोटू पाहून इतका एक्साईट झालो की पक्षाघाताचा झटका येऊन जमीनीवर कोसळलो आणि देवाघरी गेलो..! अतिशय सुरेख फोटू..! पिठल्यच्या वड्या ही आमची अत्यंत आवडती पाकृ.. समिधावैनी, आपण अत्यंत सुगरण आणि निगुतीने स्वयंपाक करणार्‍या गृहिणी आहात हेच वरील फोटू सिद्ध करत आहे.. जोरदार शुभेच्छा आणि आपण अश्याच उत्तमोत्तम पाकृ फोटूसहीत मिपावर लिहाव्यात हे कळकळीचे आवाहन.. तात्या.

खादाड_बोका बुधवार, 18/02/2009 05:46
सकाळ पासुन एका पेक्षा एक छान छान पाकक्रुत्या पाहुन तर मन बेभान झाले आहे. तात्यांनी त्या लज्जतदार शाकाहारी थाळीचा फोटो टाकुन माझ्या सारख्या परदेशात राहणार्यांची पुर्ण वाट लावली. मग त्यानंतर शाल्मली आणी रामची आई यांच्या मसालेभात आणि जिलेबी, आणी आता समिधाताईंच्या "सुरळीच्या वड्या". त्यातल्या त्यात बायको पोर भारतात. किती या बापड्याला सहन करावे लागेल. बायकोला फोन करुन लवकर बोलवावे लागेल वाटते. हे म्हणजे अत्याचाराचा कळस आहे... सध्या ब्रेड व पिझ्झा खाऊन जगणारा बोका... ~X( ~X(

प्राजु बुधवार, 18/02/2009 07:54
समिधा ताई, मी १ वाटी बेसन, १ वाटी ताक, आणि २ वाट्या पाणी घेते. एकूण ४ वाट्या अशा करते. आणि छोटा चमचा मैदा घालते. पण आपण १-१-१ असे प्रमाण दिलेले आहे. अशाही करून बघेन. कुकरची कल्पना आवडली. :) माझ्या सुपिक डोक्यात एकदा आलं आणि मी खोबर्‍याच्या सारणा ऐवजी, पनीर खिसून, हिरवी मिरची आणि कोथिंबीर बारिक चिरून त्यात मीठ, थोडी साखर आणि लिंबाचा रस.. असं सारण करून पाहिलं. तेही बरं लागलं. खोबर्‍याच्या सारणा इतकं अप्रतिम नाही. मी फोडणीत थोडे तीळही घालते. ते तळले गेले की, खमंग होतात आणि मस्त लागतात. - (सर्वव्यापी)प्राजु http://praaju.blogspot.com/

सुनील बुधवार, 18/02/2009 08:20
सद्या मिपावर शाकाहारी मेजवानी सुरू आहे. जिलेब्या काय, मसालेभात काय आणि आता सुरळीच्या वड्या काय!! सुंदर फोटो आणि पाकृदेखिल. अवांतर - सुरळीच्या वडीला गुजरातीत खांडवी म्हणतात. तर आमच्याकडे रव्यापासून बनविलेल्या गोड वड्यांना खांडवी म्हणतात. Doing what you like is freedom. Liking what you do is happiness.

वल्लरी बुधवार, 18/02/2009 08:39
समिधा ताई, सुरळीच्या वडया करायला खुप कठीण वाटतात मला..पण खायला आवडतात.. आता प्रयत्न करेन घरी बनवण्याचा नक्की... :) ---वल्लरी

समिधा शनिवार, 21/02/2009 03:52
अग तुला फार टेन्शन येत असेल तर सुरवातीला मुगाच्या डाळीच्या पिठाच्या बनव म्हणजे त्या बिघडण्याची शक्यता जवळ जवळ नसतेच.

शारंगरव बुधवार, 18/02/2009 13:40
एक सुंदर पदार्थ, खूपच छान आणि सोप्या प्रकारे सांगितला आहे तुम्हि. प्रथेप्रमाणे छायाचित्र उत्तमच. :)

जागु बुधवार, 18/02/2009 14:07
वा फोटो पाहुन पाणि सुटल तोंडाला. मी पण करते. पण मी मैदा नाही घालत. कुकर मध्ये मला पण ट्राय करायच्या आहेत.

समिधा शनिवार, 21/02/2009 03:48
अग वड्या करताना त्या तुटु नयेत म्हणुन त्यात चमचा भर मैदा घालते. जर पिठ जुन असेल तर त्या वड्या कधी कधी बिघडु शकतात.

शितल बुधवार, 18/02/2009 22:44
समिधा, फोटो आणी पाककृती मस्तच ग. अजुन केल्या नाहीत पण नक्की करून पाहिन, प्राजुही मस्त करते. :)

प्राजु बुधवार, 18/02/2009 23:04
अजुन केल्या नाहीत पण नक्की करून पाहिन, प्राजुही मस्त करते. शितल, सकाळ पासून भेटलं नाही वाटतं कोणी!!! - (सर्वव्यापी)प्राजु http://praaju.blogspot.com/

शितल बुधवार, 18/02/2009 23:21
>>शितल, सकाळ पासून भेटलं नाही वाटतं कोणी!!! तुच भेटलीस ;) अग तु सुरळीच्या वड्या करत नाहीस.. बर मग आमच्या घरी केलेल्या नक्कीच जगदीशने केल्या असतील. :)

समिधा बुधवार, 18/02/2009 23:09
तु खुप छान पदार्थ करतेस अस समजल आहे.

चतुरंग गुरुवार, 19/02/2009 00:02
मसालेभात, जिलेबी यांना अजून मी प्रतिक्रिया दिलेली नाहीये, तिकडे जाणार तोच माझी गाठ सुरळीच्या वड्यांशी पडली!! लाजवाब!! तलम, पातळ वड्यांमधून डोकावणारे कोथिंबीर, खोबरे अम्म्म्म्म्म्..एकदम उचलून तोंडात टाकावीशी वाटते आहे!! (खुद के साथ बातां : रंगा, आज स्वयंपाकघरात जरा मदत कर बरं का, नुसता बसू नकोस मिपामिपा खेळत, कदाचित बोनस म्हणून ह्या वड्यांचा विचार होऊ शकेल! ;) ) चतुरंग

शितल गुरुवार, 19/02/2009 00:18
>>>(खुद के साथ बातां : रंगा, आज स्वयंपाकघरात जरा मदत कर बरं का, नुसता बसू नकोस मिपामिपा खेळत, कदाचित बोनस म्हणून ह्या वड्यांचा विचार होऊ शकेल! ) रेवती, मस्का मारत आहेत सांभाळुन. वजन काटा जवळ आणुन ठेव. ;)

समिधा गुरुवार, 19/02/2009 12:17
सगळ्यांना मनापासुन धन्यवाद. :)

रामची आई सोमवार, 23/02/2009 21:18
मस्त आहे!!

चित्रा मंगळवार, 24/02/2009 01:54
सुरळीच्या वड्या कधीच केल्या नाहीत (नुसत्याच खाल्ल्या), पण लवकरच करून पहायला पाहिजेत असे वाटते आहे. :) वड्यांचे आवरण छान पातळ, पारदर्शक जवळजवळ असे दिसते आहे. छान फोटो.