लागणारा वेळ: ३० मिनिटे(*सफरचंदाचे प्रमाण किती आहे यावर पाककृतीसाठी लागणारा वेळ कमी जास्त होईल) लागणारे जिन्नस: सफरचंद तुप साखर वेलची पुड साय काजू , बदाम क्रमवार पाककृती: १. सफरचंद धुवून ,त्याचे २ काप करुन त्यामधल्या बी काढून किस करुन घ्या २. कढई मध्ये तुप घ्या ३. तुप गरम होत आलेकी , काजू बदाम तुपावर २ मि. परतून घ्या ४. आता मध्यम आचेवर सफरचंदाचा किस घालून ,सफरचंदातील पाणी कमी होइपर्यंत छान परतून घ्या(मध्ये मध्ये हलवत राहायच आहे ) ५. १५ मिनीट झाल्यावर त्यमध्ये साखर ,वेलची पुड घालून ते एकत्र करुन घ्या ७. एकसारख मध्यम आचेवर हलवत राहायच आहे ८. २ मिनीटानी साय घालून एकत्र करुन घ्या ९. मिश्रण जाडसर होईपर्यंत आणि कढईपासून वेगळे झालेकी आपला सफरचंदाचा हलवा तयार आहे वाढणी/प्रमाण: २-३ अधिक टिपा: *खायचा केशरी रंग घातला तरी चालेल (गाजर हलव्या सारखा रंग येईल) *सफरचंद लवकर काळे पडतात त्यामुळे जेवढे पटकन होईल तेवढे पटकन किसून घ्यावे आणि पाककृती चालू करावी