भानोळी

बारीक चिरलेला कोबी - २ वाट्या डाळीचं पीठ (बेसन) - २ वाट्या नारळाचे दूध - १ वाटी मिरची+कोथिंबीर+आलं+लसूण वाटण २ चमचे २ अंडी फेसून (भानोळी हलकी होण्यासाठी) सोडा चिमूटभर तिखट - १ चमचा किंवा चवीनुसार गरम मसाला - १ चमचा हळद - १ चमचा धणे-जीरे पूड - १ चमचा मीठ व साखर चवीनुसार तेल - ४ चमचे भानोळी केकसारखी दिसते. कोबीप्रमाणेच फ्लॉवर किंवा करंदीची किंवा कोळंबीचीदेखील भानोळी बनवतात. रात्रीच्या जेवणात अथवा जेवणाऐवजी हा पदार्थ खाऊ शकतो. कृती - चिरलेला कोबी, वाटण, अंडी, तिखट, मीठ, हळद, धणे-जीरे पूड, २ चमचे तेल व साखर एकत्र करुन घेऊन त्यात डाळीचे पीठ व चिमूटभर सोडा घालावा. वाटल्यास थोडे पाणी घालून भज्याच्या पीठासारखे भिजवावे.पसरट भांड्यात तेल सोडून, भांडे किंचित गरम करून त्यात मिश्रण ओतावे. गॅसवर १५ मिनिटे झाकून शिजू द्यावे. ओव्हन असल्यास उत्तम. गरमागरम भानोळी सर्व्ह करावी.