साहित्यः जंबो पास्ता शेल्ल्स - १०-१२ चिकन - १ कप (उकडुन आणि shreded) क्रिम चिज - १ कप (मी लसुणच्या फ्लेवरचे घेतले होते) स्वीटकॉर्न - १/४ कप चेरी टोमॅटो - ३ चमचे बारीक चिरुन (टोमॅटो मधील गर काढुन टाकावा) गाजर - ३ चमचे बारीक चिरुन बेसील - २ पाने बारीक चिरुन ऑलिव्ह ऑईल - २ चमचे काळि मिरी पावडर - १ चमचा मिठ चवीनुसार पाणी पास्ता उकडण्यासाठी कृती: १. एका भांड्यामधे पाणी गरम करण्यास ठेवावे. त्यात १ चमचा ऑलिव्ह ऑईल व २ चमचे मिठ टाकावे. २. पाणी उकळल्यावर त्यात पास्ता टाकुन १०-१२ मिनिटे शिजवुन घ्यावा. (किंवा तुम्ही पास्ताच्या पॅकेटवर दिल्या प्रमाणे कृती करु शकता) ३. पास्ता उकडल्यावर तो गार पाण्याखाली २-३ मिनिटे धुवुन घ्यावा. त्यावर वरतुन १/२ चमचा ऑलिव्ह ऑईल टाकुन मिक्स करावे, त्यामुळे ते चिकटणार नाहित. ४. एका बाउल मधे क्रिम चीज, चिकन, स्वीटकॉर्न, टोमॅटो, गाजर, बेसील, ऑलिव्ह ऑईल, काळि मिरी पावडर व चवीप्रमाणे मिठ घेउन मिक्स करावे. ५. हे सॅलॅड प्रत्येक पास्ता शेल मध्ये भरावे व १०-१५ मिनिटे गार करावे. ६. सॅलॅड बेसील, लाल मिरची पावडर किंवा chilly flakes व ऑलिव्ह ऑईलने सजवुन serve करावे.