कारल्याचे काप

पदार्थाला फक्त तिखटपणा आणायचा असेल तेव्हा हाच "मसाला" घालतात का? कारण आमच्याकडे मसाला (म्हणजे तू म्हणतोस तसे इतर सगळे मसाल्याचे पदार्थ घालून) जेव्हा तयार करतात तेव्हा त्यात सुक्या मिरच्या कमी असतात, आणि असा मसाला घालताना सोबत लाल तिखट घालावं लागतं. मी सांगतेय तो 'मसाला' मी रत्नागिरीजवळच्या गावात तयार करताना पाहिला आहे. यासाठी सुक्या मिरच्या जेव्हा दळतात तेव्हा त्यात अगदी थोडे धने आणि लवंगा घालतात, म्हणजे २ किलो मिरच्यांना १०० ग्रॅम धने आणि २ चमचे लवंगा. विशेषतः मासे किंवा भाज्या जेव्हा फ्राय करतात, तेव्हा त्याला दुसरा कोणताच मसाला घालत नाहीत, फक्त हाच मसाला (धने आणि लवंगा घातलेलं लाल तिखट) असतो. अर्थात प्रत्येक गावची मसाल्याची पद्धत वेगवेगळी.