बॅचलर्स थाळी ...

छान छान! क्या बात है! (फक्त लोणचं दिसत नाही ते कुठे!)

सहीईईईईइ, पण आता आम्ही ब्याच्लर नाय ऱ्हायलो.

बॅचलरनी ह्ये बनवायचं.... मग सुग्रणीनी काय करायचं?

थाळी छानच!! लगेच जेवायला सुरूवात कराविशी वाटतेय फटु बघून. काय गं, त्यात भात आणि बटाट्याची भाजी दिसतेय पण त्यांची पाकृ दिसत नाहीये.

बॅचलर पार्टी देणार असशील तर बोल.. आता येतो.. ;) - (बॅचलर) पिंगू

कन्दा लिम्बु दिसत नाहि ते ?

स्वतःच्या हाताने करुन खाणारे बॅचलर लोक 'वन पॉट मिल' च्या रेसिप्या शोधत असतात...थाळ्या कसल्या देताय !!

''मुद्दाम हे नाव दिले कारण यातील रेसेपी इतक्या सोप्प्या अन कमी साहित्य वापरून केल्या आहेत कि कुणीही (ज्यांना स्वयपाक येत नाही,अथवा कन्टाळा आहे ) बॅचलर्स/कामानिमित्त /शिक्षणानिमित्त बाहेर राहणारे लोक्स हि अगदी सहज बनवू शकतील,आणि या थाळीचा आस्वाद घेऊ शकतील )'' मिपावरीला माननीय व तथाकथित एलिजिबल व तथाकथित बॅचलरांना फसवण्याचे दुष्ट प्रयोजन स्पष्ट दिसत आहे. मा. पियुषा आजे, या पाक्रु जर कमी साहित्य वापरुन व सोप्प्या असतील तर मग अंडा ऑम्लेट, अंडा बॉईल, अंडा हाफ फ्राय, टोस्ट, सॅंडविच् , दुध गु़ळ पोहे, मॅगी, हे पदार्थ तर निगेटिव्ह साहित्यात तयार होतात असे म्हणावे लागेल. आणि हे एवढं करायला किमान एका रुखवतात असतात तेवढी तरी भांडी लागतील, पुन्हा ती स्वच्छ करावी लागतील ते वेगळंच. ''खारी पुरी : १/२ गव्हाच पीठ ,जीर १ चमचा ,लाल तिखट १ चमचा ,मीठ चवीनुसार ,१ चमचा बडीशेप'' - आयला काय मायक्रोस्कोपखाली बनवायच्या का काय पु-या. आणि जरी ते अर्धी वाटी गव्हाचे पिठ असेल तर मग जिरे, बडीशेप आणि तिखटाचे प्रमाण गंडलेलं आहे, अर्धी वाटी कणकेत एक चमचा जिरं आणि १ चमचा बडीशेप घातल्यावर कणिक म़ळता येईला का, आता आमच्या कडची वाटीच २ किलोची आहे असं म्हणु नका. ''२ चमचे गरम तेलाचे मोहन '' इथल्या काय कुठल्याहि किती बॅचलरना तेलाचे मोहन याचा अर्थ कळतो सांगा बरं, बॅचलर सोडा किती बायकांना नक्की कळतो याची खात्रि देता येत नाही. ''मटकीची उसळ ;- १ वाटी मटकी (कच्ची का मोड आणलेली ?) , १ कांदा चिरलेला , १ टोमॅटो चिरलेला ,३-४ हिरव्या मिरच्याचे तुकडे,मीठ, हळद ,कोथिंबीर कृती : मटकी थोडी पाचेक मिनिट गरम घालून उकळून घ्यावी , '' - गरम काय घालायचं व्हिस्की का बिअर का वाईन का सोलकढी का असो.. .... अरे गरम स्वेटर काय म्हणतो रे, कोण आहे रे तिकडे व*.* का स*.* शुद्धलेखनाबद्दल तर प्रश्न विचारणं सोडाच्,पण शब्द मागं पुढं झाल्यानं जे अर्थ बदलतात त्याकडं लक्ष द्या की जरा. उदाहरण ''त्यात लाल तिखट अन मीठ घालून हलवा जाळू देऊ नका,'' चटणी मध्ये हलवा कुठुन जाळता मध्येच. या अतिशय मुर्ख शंका विचारतोय तुम्ही अगदि स्पेशल बॅचलर थाळी म्हणताय म्हणुन, रागावलात तर रागवा पण चांगलं काहीतरि टाका, तुमच्या पाक कौशल्याबद्दल शंका नाही पण किमान फोटो तरी चांगले काढा की. (किसनने काढलेला 'स्वाद' थाळीचा फोटो 'स्वाद' वाल्यांनि मागितला आहे म्हणे, जाहिरातित टाकायला) असो, पुन्हा एकदा अवांतर आणि आगाउ वाटेल पण पाक्रु या विभागात येणा-या पाक्रुना एक किमान दर्जा असावा, काहि विशिष्ट किंवा वेगळ्या पद्धतीनं केलेल्या नेहमीचे पदार्थ (उदा. मेदुवडे बाय गुरुवर्य गणपा) किंवा वेगळे पदार्थ द्यावेत असं माझं स्पष्ट मत आहे. वरची मटकीची उसळ ही गॅस्/चुल्/स्टोव्ह/ कोळसा / मायक्रोव्हेव/ साधा ओवन इ. व अनेक पर्याय न वापरता शिजवुन दाखवणार असाल तर टाका इथं. अगदी ते यु ट्युबला व्हिडो असतात ना मक्याचे दाणे चार मोबाईल मध्ये ठेवुन भाजल्यासारखं तसं करा आणि टाका तर ठिक आहे.

पिवशे, कोंत्या हाटीलातील फटू हायेत हे ? ताटातील प्रतीबींबामधे स्पश्ट दीसतय की ही थाळी घरामधली नाही ते :) नायतर मंग तूला आज पासून हर हायनेस वगैरे बोल्वावं म्हंतो ;)

अजुन चटणी, कोशिंबिरही घाल त्यात अगदी सहज बनवता येणारे प्रकार आहेत.

पियुशा पाककलेचे प्रयोग आणि प्रयत्न चालुच ठेव विरोधकांकडे दुर्लक्ष कर.

वा... थाळी बघुन अगदी लगेच खावीशी वाटतीये.... :)

ओ ताई.. बॅचलर्स थाळी? जास्तीत जास्त नवविवाहीतांची थाळी म्हणा (ज्याना स्वयंपाकाची खुपच आवड आहे त्यांच्या साठी).

अशा सुगरण ब्याचलर-थाळीला कोणताही एलिजिबल ब्याचलर-थाळा हटकून होकार देईल. (स्वतःकरिता नोंद : पुरी सोडून बाकीच्या पाककृती करायला हरकत नाही. पुरी खाल्ल्याचे सुख नाही तितके तळणाचे वापरलेले तेल वाया गेल्याचे दु:ख मला होते!)

तुमी आहात का 'एलिजिबल ब्याचल''?

ऐक ना पियुशा...बेत भारीच आहे. पण बॅचलर्स साठी तू खालील पाकृ दे बै.. १)प्लेन मॅगी २)वेज मॅगी ३)वेज फ्राईड मॅगी ४)कप्पा (cuppa) मॅगी ५)नॉर सूप्स. ६)भाजके शेंगदाणे ( मधल्या वेळचे खाणे म्हणुन) ७)बोर्न्व्हिटा / हॉर्लिक्स / बूस्ट (एकच पातेले महिनाभर चालेल किवा कसे ते सांगणे मस्ट) ८)कॉर्नफ्लेक्स / ओट्स {एकच ( (७) साठी वापरलेले) पातेले महिनाभर चालेल किवा कसे ते सांगणे मस्ट} ९)उकडलेली अंडी..जमल्यास ओम्लेट्/भुर्जी सारखे जर्रा अवघड पदार्थ. १०)डाळ / तांदूळ / भाज्या / हातात येतील ते मसाले ह्यांचा खिचडा. (ह्याची डिफीकल्टी लेवल जास्त आहे ! जाउ दे हे नकोच.)

''अन आतापासुन शिकले तर पुढे फायदाच होइल ना भविष्यात ''' एकदम बरोबर पियुषातै, फक्त हे बॅचलरसाठी म्हणताय की स्वतासाठी ?

थाळी लैच भारी असली तरी या सगळ्या प्रकारात बॅचलर हा शब्द सोडून काहीही बॅचलर नाही हे खेदाने नमूद करावेसे वाटते आहे. बॅचलर लोक इतके पदार्थ ३ महिन्यात मिळून पण बनवत नाहीत हो. मी सलग ३ आठवडे पोहे बनवून खाल्ले आहेत. त्यानंतर माझ्या एका मैत्रीणीच्या नवर्‍याला माझी फारच दया आल्याने त्याच्या घरी एका विकांताला मला मैत्रीणीतर्फे पानभर जेवायला मिळालं. पण ३ आठवड्यांच्या पोह्यांबद्दल माझी स्वतःची काहीच तक्रार नव्हती. तर मुद्दा हा आहे, की मुद्दलात ब्याचलर लोक स्वत:पुरतं जेवण बनवण्याबाबतीत अतिशय आळशी असतात, सबब थाळी ही हाटेलात जाऊन खायचा पदार्थ आहे, घरी बनवण्याचा नाही. धन्यवाद!! --असुर