बॅचलर्स थाळी ... (मुद्दाम हे नाव दिले कारण यातील रेसेपी इतक्या सोप्प्या अन कमी साहित्य वापरून केल्या आहेत कि कुणीही (ज्यांना स्वयपाक येत नाही,अथवा कन्टाळा आहे ) बॅचलर्स/कामानिमित्त /शिक्षणानिमित्त बाहेर राहणारे लोक्स हि अगदी सहज बनवू शकतील,आणि या थाळीचा आस्वाद घेऊ शकतील ) शेवई खीर : साहित्य ";- काश्मिरी शेवईचे पाकीट ,काजू - बदामाचे काप ३ चमचे ,मनुके ,हिरवी इलायची पूड छोटा अर्धा चमचा , दुध १ लिटर ,तूप २ चमचे ,साखर २ वाट्या ( तुमच्या आवडीप्रमाणे ),केसर (आवडीनुसार ) कृती : शेवया तुपात हलक्या भाजून घ्याव्यात . पातेल्यात तूप घालून गरम करावे त्यात इलायची पावडर घालावी आता मनुके काजू बदाम काप घालावे ,मनुके फुलून टम्म झाले कि उकळलेले दुध घालून ढवळावे साखर घालावी शेवया घालाव्यात ,किंचित दुध आटू द्यावं ,केसर घालावं गरम गरम खीर तय्यार ! खारी पुरी : १/२ किलो गव्हाच पीठ ,जीर १ चमचा ,लाल तिखट १ चमचा ,मीठ चवीनुसार ,१ चमचा बडीशेप कृती : पिठात सर्व साहित्य घालून २ चमचे गरम तेलाचे मोहन घालून नेहमीसारखी कणिक भिजवावी पुर्या लाटाव्यात आणि तळाव्यात. शेंगदाणा चटणी : शेंगदाण्याचे कुट१ वाटी, लाल तिखट १/२ चमचा, मीठ चवीनुसार., १ चमचा साखर बस्स .. कृती : तव्यावर २ चमचे तेल गरम करा त्यात लाल तिखट अन मीठ घालून हलवा ,जाळू देऊ नका, आणि लगेच शेंगदाण्याच कुट घाला छान मिक्स करा ,आता साखर घाला हि कुरकुरी चटणी बनवायला अगदी सोप्पी अन खायला एकदम टेस्टी ! मटकीची उसळ ;- १ वाटी मटकी , १ कांदा चिरलेला , १ टोमॅटो चिरलेला ,३-४ हिरव्या मिरच्याचे तुकडे,मीठ, हळद ,कोथिंबीर कृती : मटकी थोडी पाचेक मिनिट पाणी घालून उकळून घ्यावी ,तेलात कांदा परतून ,हिरव्या मिरचीचे काप घालून परतावं ,टोमॅटो घालावा , हळद अन मीठ घालावे , मिश्रण एकजीव झाले कि मटकी घालावी छान परतून घ्यावी वरून कोथिंबीर घालावी