झटपट काजु-खोबर्‍याचे लाडू

साहित्यः अडीच वाट्या डेसीकेटेड कोकोनट (सुक्या खोबर्‍याचा कीस) पाऊण वाटी कडेंन्सड मिल्क एक वाटी काजुपूड दीड चमचा साजुक तुप ३-४ चमचे पिठीसाखर (आवडीप्रमाणे कमी-जास्त, कडेंन्सड मिल्क असुनही थोडी पिठीसाखर घालावी लागते कारण सुक्या खोबर्‍यामुळे गोडवा कमी होतो). १ छोटा चमचा वेलचीपुड पाकृ: तुपात डेसीकेटेड कोकोनट खमंग, चांगला परतून घेणे. दुसर्‍या बाऊलमधे कडेंन्सड मिल्क, काजुपुड, पिठीसाखर व वेलचीपुड घालून, मिक्स करणे. (गुठळ्या होऊ न देणे) आता त्यात जितके मावेल तितके परतलेले डेसीकेटेड कोकोनट घालणे. तयार मिश्रणाचे लाडू वळ्वणे व थोड्या डेसीकेटेड कोकोनटमध्ये घोळवणे. लाडू खाण्यास तयार आहे.