प्लम केक (प्रकार १)

प्लम केक अनेक प्रकारांनी करतात, त्यापैकी त्सेंटाआजीची मैत्रिण गेर्टी आजी हिची ही एक पध्दत:- साहित्य- बेसकरता: २५० ग्राम मैदा, १५० ग्राम बटर,१०० ग्राम साखर,२ चमचे वॅनिला अर्क, १ अंडे, १ चमचा बेकिंग पावडर, १ चिमूट मीठ टॉपिंग करता: ६०० ते ८०० ग्राम प्लम्स, २ चमचे दालचिनी पावडर, २ चमचे साखर कृती- बेसकरताचे सर्व साहित्य एकत्र करणे व चांगले मळणे, हा गोळा फ्रिजमध्ये ३० ते ४० मिनिटे ठेवणे. प्लम्स टिनमधील असतील तर चाळणीवर घालून पाक निथळून घेणे. नंतर त्यात साखर + दालचिनी पावडर घालणे. फ्रेश प्लम्स असतील तर एकसारख्या फोडी करुन घेणे व त्यात साखर + दालचिनी पावडर घालणे. फ्रेश प्लम असतील तर २ ते ३ चमचे साखर जास्त घालणे. (त्यांच्या आंबटपणावर साखर कमी जास्त करणे.) केकपॅनला बटर लावून घेणे. फ्रिजमधील गोळा बाहेर काढून तो केकच्या भांड्यात पसरणे. फक्त तळाशी न पसरता कडांपर्यंत जाऊ देणे. म्हणजे केकच्या मोल्डच्या आत एक मैद्याचा मोल्ड तयार होईल. प्लमच्या फोडी त्यावर लावणे. प्रिहिटेड अवन मध्ये १८० अंश से वर ४५ ते ५० मिनिटे बेक करणे. बेस नीट बेक झाला आहे की नाही हे सुरी किवा विणायच्या सुईने चेक करणे. अवन मध्ये केक अजून ५ मिनिटे राहू देणे. नंतर बाहेर काढणे, जरा गार झाला की जाळीवर काढणे. व्हिप्ड क्रिम बरोबर खाणे.