ट्राउट फिश फ्राय (Trout fish fry)

Mrunalini · Mon, 04/25/2011 - 19:30 · पाककृती

साहित्यः ट्राउट फिश - १ तांदुळाचे पीठ - १/२ वाटी आले-लसुण पेस्ट - १ चमचा हिंग - १ चमचा तिखट - २ चमचा गरम मसाला - १ चमचा हळद - १ चमचा लिंबु - १ तेल तळण्यासाठी मिठ चवीनुसार कांदा, टोमॅटो, गाजर सजावटीसाठी कृती: १. ट्राउट मासा मधे कापुन, सर्व घाण काढुन स्वच्छ धुवुन घ्यावा. त्याला पाठिवर व पोटावर सुरीने काप मारावेत. २. माश्याला १/२ लिंबु, मिठ व हिंग सर्व बाजुनी लावुन घ्यावा. ३. वाटी मधे आले लसुण पेस्ट, तिखट, गरम मसाला, १/२ लिंबु, हळद व मिठ मिक्स करुन मसाला तयार करावा. ४. हा मसाला माश्याला निट चोळुन घ्यावा व १० मिनिटे फ्रिजमधे ठेवुन द्यावा. ५. एका ताटली मधे तांदुळाचे पीठ घ्यावे. त्यात तिखट व मिठ टाकुन एकत्र करावे. ६. मासा फ्रिज मधुन बाहेर काढावा. हा मासा तांदुळाच्या पीठात घोळावा. ७. पॅन मधे तेल गरम करावे. त्यात हा मासा सोडुन shallow fry करावा. ८. ३ मिनिटांनी मासा पलटुन दुसर्‍या बाजुने fry करावा. ९. मासा दोन्ही बाजुनी fry झाल्यावर प्लेट मधे काढुन salad सोबत गरम गरम serve करावा. Trout fish

वाचने 8566 वाचनखूण प्रतिक्रिया 18

फोटू छान दिसतोय. पाकृही सोपी

रेवती Mon, 04/25/2011 - 19:38

फोटू छान दिसतोय. पाकृही सोपी वाटतिये. अवांतर: बरेच दिवसांनी आमची आठवण आल्याबद्दल धन्यवाद!

हेलो रेवती, आभारी आहे. अग

Mrunalini Mon, 04/25/2011 - 19:40

हेलो रेवती, आभारी आहे. अग महिनाभर भारतात गेले होते. त्यामुळे पाकृ टाकायला जमलेच नाही. आता परत सुरु. ;)

अहा!!

सानिकास्वप्निल Mon, 04/25/2011 - 19:59

ये हुई ना बात, आता कसं खर्‍या अर्थाने मि.पा वर तुझे वेलकम :) मी तुला आधीच सांगितलं ना मस्तच :)

... हो आता परत सुरवात.

Mrunalini Mon, 04/25/2011 - 20:02

:)... हो आता परत सुरवात.

|| श्री लाळेश्वर प्रसन्न ||

टारझन Mon, 04/25/2011 - 20:10

पाकृ अंमळ चेंगट दिसते .. :) तोंड आणि शेपुट सुद्धा वाया घालवलेलं नाही :) आम्ही तोंड आणि शेपुट कापुन आणि अंडे घालुन ही पाकृ केली तर चालेल काय ? :) - लिंबोर्गिनी

हो.. तुम्ही तोंड आणि शेपुट

Mrunalini Tue, 04/26/2011 - 01:06

हो.. तुम्ही तोंड आणि शेपुट कापुन ही पाकृ करु शकता, पण अंडे टाकुन ते कसे होइल हे माहित नाही. :)

शंका

पंगा Tue, 04/26/2011 - 01:31

तुम्ही तोंड आणि शेपुट कापुन ही पाकृ करु शकता

कोणाचे?

प्रकाटाआ

पंगा Tue, 04/26/2011 - 01:34

दोआकाटा.

ह्या टार्‍याला सगळ्यात

सानिकास्वप्निल Mon, 04/25/2011 - 20:16

ह्या टार्‍याला सगळ्या पा़कृमध्ये अंडे घालायचे असते ;)

चविष्ट फोटो.

गणपा Mon, 04/25/2011 - 20:23

चविष्ट फोटो. :)

पाकृ

रामदास Mon, 04/25/2011 - 23:46

छानच आहे.सजावट चांगली आहे. पण त्या तळलेल्या माशावर स्वतःचे नाव टाकणे अंमळ मजेदार वाटले. श्रेय प्राप्तीचा हा प्रकार पाहून अतीपूर्वेच्या एका लेखकांची आठवण येउन डोळे डबडबले.

प्रयत्न

सुनील Tue, 04/26/2011 - 01:57

गोड्या पाण्यातील माशांची फारशी आवड नाही (काही अपवाद वगळता) त्यामुळे आजवर ट्राऊट चाखलेला नाही. पण प्रयत्न करायला हरकत नाही असे फोटो बघून तरी वाटते आहे!