Skip to main content

ट्राउट फिश फ्राय (Trout fish fry)

लेखक Mrunalini यांनी सोमवार, 25/04/2011 19:30 या दिवशी प्रकाशित केले.
साहित्यः ट्राउट फिश - १ तांदुळाचे पीठ - १/२ वाटी आले-लसुण पेस्ट - १ चमचा हिंग - १ चमचा तिखट - २ चमचा गरम मसाला - १ चमचा हळद - १ चमचा लिंबु - १ तेल तळण्यासाठी मिठ चवीनुसार कांदा, टोमॅटो, गाजर सजावटीसाठी कृती: १. ट्राउट मासा मधे कापुन, सर्व घाण काढुन स्वच्छ धुवुन घ्यावा. त्याला पाठिवर व पोटावर सुरीने काप मारावेत. २. माश्याला १/२ लिंबु, मिठ व हिंग सर्व बाजुनी लावुन घ्यावा. ३. वाटी मधे आले लसुण पेस्ट, तिखट, गरम मसाला, १/२ लिंबु, हळद व मिठ मिक्स करुन मसाला तयार करावा. ४. हा मसाला माश्याला निट चोळुन घ्यावा व १० मिनिटे फ्रिजमधे ठेवुन द्यावा. ५. एका ताटली मधे तांदुळाचे पीठ घ्यावे. त्यात तिखट व मिठ टाकुन एकत्र करावे. ६. मासा फ्रिज मधुन बाहेर काढावा. हा मासा तांदुळाच्या पीठात घोळावा. ७. पॅन मधे तेल गरम करावे. त्यात हा मासा सोडुन shallow fry करावा. ८. ३ मिनिटांनी मासा पलटुन दुसर्‍या बाजुने fry करावा. ९. मासा दोन्ही बाजुनी fry झाल्यावर प्लेट मधे काढुन salad सोबत गरम गरम serve करावा. Trout fish
वाचने 8586
प्रतिक्रिया 18

प्रतिक्रिया

Mrunalini सोमवार, 25/04/2011 19:40
हेलो रेवती, आभारी आहे. अग महिनाभर भारतात गेले होते. त्यामुळे पाकृ टाकायला जमलेच नाही. आता परत सुरु. ;)

सानिकास्वप्निल सोमवार, 25/04/2011 19:59
ये हुई ना बात, आता कसं खर्‍या अर्थाने मि.पा वर तुझे वेलकम :) मी तुला आधीच सांगितलं ना मस्तच :)

टारझन सोमवार, 25/04/2011 20:10
पाकृ अंमळ चेंगट दिसते .. :) तोंड आणि शेपुट सुद्धा वाया घालवलेलं नाही :) आम्ही तोंड आणि शेपुट कापुन आणि अंडे घालुन ही पाकृ केली तर चालेल काय ? :) - लिंबोर्गिनी

रामदास सोमवार, 25/04/2011 23:46
छानच आहे.सजावट चांगली आहे. पण त्या तळलेल्या माशावर स्वतःचे नाव टाकणे अंमळ मजेदार वाटले. श्रेय प्राप्तीचा हा प्रकार पाहून अतीपूर्वेच्या एका लेखकांची आठवण येउन डोळे डबडबले.

सुनील मंगळवार, 26/04/2011 01:57
गोड्या पाण्यातील माशांची फारशी आवड नाही (काही अपवाद वगळता) त्यामुळे आजवर ट्राऊट चाखलेला नाही. पण प्रयत्न करायला हरकत नाही असे फोटो बघून तरी वाटते आहे!

Nile मंगळवार, 26/04/2011 03:59
फोटू छान आला आहे. पण एकादा माशाचा डोळा खाल्यानंतर (आधी कळलंच नाही) कसेसेच झालेले.. त्यामुळे मी ते सोडून इतर भाग घेईन. ;-)