टोमॅटो राईस

साहित्य : बासमती तांदुळ - १ वाटी लवंग - २ दालचिनी तेजपान - १ वेलची - २ जिरे - २ चमचे तेल मोहरी - १ चमचा चणा डाळ - १ चमचा उडीद डाळ - १ चमचा कढीपत्ता आलं बारीक कापुन - अर्धा चमचा साखर - चविपुरती मीठ कांदा बारीक कापुन - १ हिरव्या मिरच्या- २ टोमॅटो - ३ हळद - अर्धा चमचा लाल तिखट - १ चमचा धणे पावडर - १ चमचा गरम मसाला - अर्धा चमचा काजुचे तुकडे - १ चमचा कोथिंबीर कृती : तांदुळ धुवुन अर्धा तास ठेवुन द्यावे. एका भांड्यात २ चमचे तेल गरम करुन त्यात जिरे , तेजपान , दालचिनी , लवंग व वेलची घालावी. त्यात तांदुळ घालुन परतुन घ्यावेत. दोन वाट्या पाणी व मीठ घालुन मोकळा भात शिजवुन घ्यावा. भात जरा गार होउ द्यावा. नंतर एका भांड्यात २-३ चमचे तेल गरम करावे, त्यात चणा डाळ व उडीद डाळ घालुन थोडावेळ परतावे. नंतर मोहरी घालावी. मोहरी तडतडल्यानंतर त्यात जिरे , काजुचे तुकडे , आलं , कढीपत्ता , हिरव्या मिरच्या घालुन परतावे. कांदा टाकुन गुलाबी रंगाचा होइपर्यंत परतावा. त्यानंतर हळद , लाल तिखट, धणे पावडर घालुन एकत्र करावे. यात बारीक कापलेले टोमॅटो , साखर , मीठ, गरम मसाला घालुन टोमॅटो अगदी मऊ होईपर्यंत परतावे. यात शिजवलेला भात घालुन चांगले एकत्र करावे. कोथिंबीर घालुन खायला द्यावे.