हे अप्पे करायला अगदी सोप्पे नी मस्त आहेत... साहीत्य: २ वाट्या जाड रवा आल - मिरची पेस्ट चवीनुसार मीठ १ बारिक चिरलेला कांदा १ बारिक चिरलेली हीरवी मिरची पाणी चटणीसाठी: ओलं खोबरं २ हीरवी मिरच्या भाजून मीठ मुठभर कोथंबीर दही फोडणीचे साहीत्य : मोहरी, कढीपत्ता, हींग कृती: १) आधी चटणीचे सगळे साहीत्य थोड्या पाण्यात बारिक करून घेणे आणि त्यावर कढीपत्त, मोहरी आणि हिंगाची फोडणी द्या. २) एका पातेल्यात रवा, पाणी, मिरची, आलं-मिरची, मीठ एकत्र करून घ्यावे नी ५-१० मिनीटे बाजूला ठेवा. ३) तोपर्यंत अप्पे पात्र तापत ठेवा. ४) आता एक छोटा वाडगा घेऊन त्यात ३ पळ्या रव्याचे मिश्रण, थोडा कांदा आणि इनो घाला. आणि तापलेल्या अप्पे पात्रात टाका. ५) ५-७ मिनीटे एकेका बाजूने खरपूस करावे नी लग्गेच खाय्ला घ्यावे. टीपः इनो टाकल्यावर टाइमपास करू नये नाहीतर ते अप्पे न होता दगडं होऊ शकतात.