मजा काही जुण्या नावात सुद्धा होती विक्षीप्त आदिती निराकार गाढव पिवळा डांबीस छोटा डॉन सर्वव्यापी प्राजु ह्यो गबाळ्या चांगलाच तयारीचा वाटतो ब्वा.

तस नाव घेतल आहे. स्त्री सुद्धा माणुस असते हे चांगले जाणणारा आणि तसेच वागणारा नवरा आहे माझा म्हणुन मी सुखीमाणुस गबाळ्याजी सगळयांना बोलत करायचा चांगला घाट घातलाय

चावडीवर बसल्याचा फील आला पानसुपारी खात शेजार्याल्या पावणं कंच्या गावच्या म्हणायचं विचारल्यासारखं

A rose by any other name would smell as sweet" is a popular reference to William Shakespeare's play Romeo and Juliet, in which Juliet seems to argue that it does not matter that Romeo is from her family's rival house of Montague, that is, that he is named "Montague". The reference is often used to imply that the names of things do not affect what they really are.

समयांत असे नाव का घेतले, यामागे तशी काही गोष्ट नाही. पण इथे आल्या आल्या अनेकांनी हे काय नाव असे विचारले, तेव्हा काही तरी समजावून सांगितलं असं आठवत आहे. तर समय आणि अंत अशी संधी आहे ह्या नावा, समय म्हणजे काळ वेळ आणि त्याचा अंत. इंग्लिश मध्ये किलिंग ऑफ टाईम म्हणतात तसंही होऊ शकतं पण मला असं वाटतं की आपण सर्व या कालचक्रात अडकलो आहोत आणि या कालचक्राचा शेवट जर का आपण साध्य करू शकलो, आपल्या आवडत्या गोष्टी आणि छंदांमधून, भावनांच्या अभिव्यक्तीतून तर काय हरकत आहे, म्हणून हे 'समयांत'.

बऱ्याच दिवसांनी मिपाकरांना एका चांगल्या अर्थाने 'कामाला' लावणारा किंवा बोलता करणारा धागा. बऱ्याच आयडीनामांची जन्मकथा वाचण्यास उत्सुक. खऱ्या नावाऐवजी एखादे दुसरेच नाव घ्यायला पाहिजे होते असे वाटायला लागलेय. (डुआयडीच करून टाकतो) Sandy

ते म्हणजे शरदिनी..... त्यांच्या कविता अवचित वाचायला मिळाल्या. काहीतरी गडबड आहे, असं वाटत आहे. उत्सुकता फारच शिगेला पोहोचली आहे. कुणी उद्बोधन करेल काय?

'नाखु' ह्या आयडीमागची गंमत जाणून घेण्यात स्वारस्य आहे.

उल्लेख केला आहे गोड माणून घेणे खुलासा अखिल मिपा खुलाश्यातील खलाशी नाखु वाचकांची पत्रेवाला

णिषेद ! आमचे नाव नसल्याबद्दल झ्याईर णिषेद !

मी अत्रुप्त आत्मा का? इथे क्लिक द्या..व वाचा.

प्रवासाच्या प्रत्येक वाकणा-वळणावर तुझ्या भेटीचे भास खात्री होती........ तू गहन ग्रन्था॑तून गवसशील, भोळ्या भक्तीतून भेटशील, उपभोगाच्या उबगातून उमजशील, कठोर कर्मकाण्डातून कळशील, प्रखर प्रज्ञाचक्षू॑ना प्रतीत होशील, प्रकाण्ड प्रमेया॑तून प्रकटशील.... तू मात्र.. श्रद्धेच्या सोनसाखळ्या सैलावून तर्काच्या तटब॑द्या तटातट तोडून ... नि:शेष निसटलास ....मला अपेक्षाभ॑गाच्या आघातात व॑चनेच्या वावटळीत भ्रमनिरासाच्या भोवऱ्यात भोव॑डत भरकटत ठेवून........ पण आता स्वतःला सावरून आस्तिकता अव्हेरून नास्तिकता नाकारून निघालोय..... अज्ञेयाच्या अनन्त यात्रेला

खरंच खूप छान धागा काढलात आपण. अगदी लिहिण्यास उद्युक्त करणारा. मग आपण देखील काहीतरी टोपणनाव घेतले पाहिजे होते असे वाटू लागले. हो, सौंदर्य हेच माझे खरे नाव आहे व मी एक पुरुष आहे. 'पुरुष' असा मुद्दाम उल्लेख करण्यामागचे कारण म्हणजे बहुतेक मंडळी 'सौंदर्य' नाव ऐकल्याबरोबर हे एखाद्या स्त्रीचे नाव असेल असा समज करून घेतात. ह्या नावावरून खूप गमती-जमती घडल्यात, कधीतरी त्यावर लिहीन म्हणतो. माझे हे नाव माझ्या आईने ठेवले आहे आणि माझ्या इतर भावंडांची नावे वाचल्यावर तुम्हाला माझ्या आईच्या रसिकतेची कल्पना येईल. स्वरूपा, सुनेत्रा, सौन्दर्य, स्वाती, स्मृती व सौजन्य (हा सर्वात धाकटा भाऊ) ही आमची नावे. आहेत की नाही जरा हटके नावं ?

@ गबाळ्या, लिष्टीत माझेही नाव ? सांगतो, सांगतो - अनिंद्य चा अर्थ - ज्याची निंदा होऊ शकत नाही असा जो तो (बहुव्रीही समास). मुळात अनिंद्य एक बंगाली / संस्कृत नाव आहे. माबदौलत पृथ्वीतलावर अवतरण्याची वाट बघत मातृकुक्षीत असतांना मातोश्री प्रख्यात बंगाली लेखकांची ढिगाने पुस्तके वाचीत असत. त्यापैकी शंकरच्या एका पुस्तकातल्या नायकाचे नाव होते अनिंद्य.... झाले, आम्हाला जन्मतःच हे नाव मिळाले. तस्मात - अनिंद्य हे माझे फष्ट नेम आहे, तेच सदस्यनाम घेतले आहे :-) - अनिंद्य

छान इंटरेस्टींग धागा. चित्रगुप्तची व्याख्या मस्त आहे. माझ माहेरच नाव जागृती आणि माझ्या बर्‍याच मैत्रीणी जागु म्हणून हाक मारतात म्हणून मी माझा आयडी जागु ठेवला.

मी पुण्यपत्तनस्थ असलो तरीही विद्वान नाही, प्रत्येकवेळा मला, का ? कसं काय ? असे अनेक प्रश्न पडतात... जगभर फिरलो आणि २ बुकं जास्त शिकलो तरीही, जगात आजूबाजूचे आजही खूप काही शिकवून जातात... अजूनही मला माझ्यातल्या अज्ञानाची जाणीव सहज करून देतात. लोकांनी 'उत्तर' असे म्हटले, की मला 'दक्षिण का नाही ?' हा प्रश्न विचारावासा वाटतो.... .. म्हणून मी 'पगला'... आणि मध्यंतरी राजू श्रीवास्तव ने गजोधर हे गावंढळ काल्पनिक पात्र उभे केलेले, ते आवडले म्हणून 'गजोधर'

मला हे नाव घ्यावेसे वाटण्याचे कारण असे कि, मी अनेक वर्षे मिपा चा वाचक होतो त्यामुळे अनेक जणांचे रोचक व हटके आयडी परिचयाचे होते. पण एकदा कुठल्या तरी धाग्यावर मला प्रतिसाद द्यावासा वाटला त्यासाठी सदस्यत्व घेणे भाग होते.फॉर्म भरत असताना नेमका त्यावेळी कुठल्यातरी चॅनल वर आर्नोल्ड श्वार्झनेगर चा "द टर्मिनेटर" हा चित्रपट सुरु होता.मग काय आधी लिहिलेले स्वतःचे नाव काढून घेतला मी 'टर्मीनेटर' हा आयडी.

माझ्या आयडी बद्दल फारसे काही सांगण्यासारखे नाही.. साधा सरळच आहे.. मिपावर एक कथा प्रकाशित करण्याच्या हेतूने आलो होतो मग पुढेही लिहित राहिलो.

गबाळ्या, अस्मादिकांना काय नाव घ्यावं ते सुचेना. मग मनाला भावणार्‍या वैशिष्ट्यांची एक यादी बनवली. त्यानुसार सदस्यनाव कसं असावं याचे ठोकताळे बांधले. १. नाव प्रसिद्ध असावे, पण सर्वतोमुखी नको. बाजीराव, शिवाजी, इत्यादि बाद. २. नाव शक्यतो भारतीय असावे. आईन्स्टाईन, नील्स बोर, इत्यादिंना गौणप्राधान्य. ३. नावातून क्षात्रवृत्ती सूचित व्हावी. त्यामुळे सेनानी, क्रांतिकारक, खेळाडूंना प्राधान्य. ४. या नावाने आचरटपणा करण्यास शरम वाटू नये. त्यामुळे स्वातंत्र्यसेनानी (टिळक, सावरकर, इत्यादि) बाद. भारतीय शास्त्रज्ञही (सत्येंद्रनाथ बसु, जगदीशचंद्र बसु, चंद्रशेखर व्यंकट रामन, श्रीनिवास रामानुजन, इत्यादि) बाद. ५. नाव फार प्राचीन नको. शक्यतो अर्वाचीन असावे. कारण प्राचीन नावे खूपदा सर्वतोमुखी असतात. या सर्व चाळण्यांतून शेवटी सेनानींची ३ नावे उरली. जर्मन विद्युच्चढाईचा (ब्लिट्झक्रीग) जनक हाईन्झ गुडेरियन, फ्रेंचांना (१९५४) आणि अमेरिकनांना (१९७६) व्हियेतनामात धूळ चारणारे जनरल ङ्गुयेन गियाप आणि राघोबादादा उपाख्य राघोभरारी. राघोबादादा फार बदनाम आहेत. जनरल ङ्गुयेन गियाप यांची मराठीतली आद्याक्षरे गुंगी अशी काहीशी होतात. हाईन्झ गुडेरियनची आद्याक्षरे तर विचारायलाच नकोत! मग क्रीडाक्षेत्राकडे काही मिळतंय का ते बघूया म्हंटलं. सुदैवाने पारंपारिक भारतीय मल्लविद्येचा मानकरी सापडला. तो आयुष्यात एकही लढत हरला नव्हता. इंग्लंडच्या दौर्‍यात अनेक नामवंत युरोपीय मल्लांना सहज धूळ चारली. जगप्रसिद्ध कुस्तीगीर होऊनही तो शेवटपर्यंत उतला नाही, मातला नाही, घेतला वसा टाकला नाही. त्याचं नाव गामा पैलवान. अशी आहे अस्मादिकांच्या सदस्यनामनिवडीची चित्तरकथा! ही कथा आगोदर मायबोलीवर प्रकाशित झाली आहे. आ.न., -गा.पै.

गबाळ्या साहेब, आमच्या नावाचे जाऊ दे पण तुम्ही तुमचे नाव सार्थ केले बर्का. स्वतःला खेड्यातला येरा गबाळा म्हणवताय पण अंतरी नाना कळा - इतरांना छान लिहायला लावलेत. माझ्या नावाचे म्हणाल तर माझ्या माहितीप्रमाणे मराठीतील पहिला शिलालेख चामुंडरायाने लिहिला म्हणून त्यापासून प्रेर्ना घेऊन आंजावर पांढऱ्यावर काळे करण्यासाठी तेच सदस्य नाम घेतले.

पग साहेब, मी देखील या बद्दल मिपावरच वाचल्याचे स्मरते परंतु ती माहिती किती खरी आहे या बद्दल साशंकता आहे म्हणूनच माझ्या माहितीप्रमाणे असा उल्लेख केला आहे =)

वा चांगलाच धागा आहे, आयडी जन्मकथांसाठी.. लहानपणी , आम्हीं मुले, वडील, भाऊ किंवा अन्य नातेवाईक उन्हाळ्याच्या दिवसात, राञी उकाड्यामुळे गच्ची वा टेरेसवरी झोपत असु. डोळ्यांसमोर विस्तीर्ण आकाश ..व त्यातील अगणित तारे..मग कोणी जाणकार ग्रह,तारे, नक्षञ..यांची नावे सांगत.कशी ओळखायची ते सांगत..मृग नक्षत्र.ओळखू यायला लागले.व गंमत ,कुतूहल वाटु लागले.ज्या मृग नक्षत्राने मला प्रधमच ओळख करून दिली..त्याची मोहिनीै अजुनपण तेवढ्याच प्रमाणात आहे..जसे इंग्रजीतील अल्फाबेटस् मधील ऐ प्रधम, तसेच आकाश न्याहाळतांना, ओरायन किंवा मृग नक्षत्र प्रथमच...म्हणून माझा आयडी तोच.

आमची कथा मी लहान असताना (अजुनही लहानच आहे.. लहान म्हणजे खुप लहान ) आम्हाला प्रसिद्ध लेखक आणि त्यांची टोपणनावे पाठ करावी लागायची. त्यात कुठले तरी बापु होते. (बघा आमचे पाठांतर ) मग शाळेत आम्ही आमचे नाव कुबड्याबापु असे ठेवले आणि काहीबाही लिहित गेलो. पण मग कॉलेज करत असताना असले नाव ठेवले असते तर 'इंप्रेशन' कसे पडणार म्हणून नाव बदलायचे ठरवले. (अर्थात अभियांत्रिकीच्या गदारोळात असाइनमेंटचे लिखाण देणाराच प्रसिद्ध होत असे आणि आमचे टोपणनाव जाणून घेण्यासाठी अजुनपर्यंत कुणीच आले नाही..हाय रे कर्मा..) शाळेत खुपसे अनुज आणि अग्रज होते. मग तेच लावू असे ठरले. पण यात मेख अशी की मी एकूलता एक. त्यामुळे अग्रज वा अनुजच्या शक्यता नव्हत्या. शेवटी शब्दांनाच आपले भाऊ मानले आणि आम्ही झालो शब्दानुज.. मिसळपाववर तेच नाव वापरत आहे आणि पुढे.. पुढे काही नाही. एवढचं..!

गावात कोणालाही फुकटचे सल्ले देत फिरणारा आणि नवीन फिलॉसॉफी मांडणारा.... गावठी फिलॉसॉफर

व्यवसाय, पेशा अथवा चरितार्थाचा एकमेव उद्योग वकिली हाच आहे. कधीही कुठेही गेलो की नावाने कुणी हाक मारल्यावर मागे वळून पाहण्याच्या शक्यते पेक्षा कुणी वकील साहेब म्हणून हाक मारली तर अस्मादिकांनी मागे वळून पाहण्याची शक्यता अधिक. पेशा मुळे हे नाव शरीरालाच चिकटले म्हणायचे म्हणून आम्ही वकील साहेब

मिपाकरांची नावे वाचताना असे लक्षात आले की यातली बरीच नावे ही अनावश्यक आणि आचरट आहेत. त्यातून कुणाला काही बोध होण्याची तीळमात्र शक्यता नाही. मी इंटरनेटवर सतत नवीन काहीतरी शोधून वाचन असतो .हे वाचता वाचता वरील नावाचे एक संकेतस्थळ पाहण्यात आले. ते बनवणार्‍यांनी खरच मेहनत घेऊन हजारो पुस्तके त्याच्यावर उपलब्ध केलेली आहेत, असे लक्षात आले. त्यामुळे असे ठरवले की हेच नाव घ्यावे ,त्यानिमित्ताने कोणालातरी उत्कंठा उत्पन्न होऊन ,जाऊन दे संकेतस्थळ तरी पाहतील आणि फायदा होईल त्यांचा. खरच एकदा सर्वांनी जाऊन ते संकेतस्थळ पहावेच. दरम्यान लोकांनी मलाच या संकेतस्थळाचा कर्ता म्हणून टाकले ! असे ना हरकत नाही !

तसं माझं आधीचं नाव 'सौरा' होतं, पण सौंदर्य सारखीच कुचंबणा माझी पण झाली, सगळ्यांना तो मुलीचा आयडी वाटलेला. म्हणून मग बदलून पुंबा घेतलं. पुंबा हे माझे सर्वात आवडते कॅरेक्टर आहे. तसा लायन किंग हा चित्रपटच मला महत्प्रिय आहे पण यातले टिमॉन अँड पुंबाची जोडी अफाट आवडते. शक्तिशाली पण अतिशय निरागस असणारा, कुणाच्याही मदतीला धावून जाणारा, स्वार्थी अश्या टिमॉनच्या मैत्रीचे मोल जाणणारा, 'हाकुना मटाटा' असा मंत्र जगणारा करूणामयी पुंबा. मला आवडतो आणि म्हणून तेच सदस्यनाम घेतलं.