मटार-पालक पराठे

साहित्य : मटार २ वाट्या पालक २ वाट्या आल १ पेरा एवढं लसुण ४ पाकळ्या मिरची /तिखट आवडीनुसार मीठ चविनुसार कणिक अंदाजे तांदुळाचे पिठ ४ चमचे पिठ मळुन घेण्यासाठी तेल ( हे थोड नेहमी पेक्षा जास्ती लागेल) पराठे बनविण्यासाठी १ प्लास्टिक पिशवी. कृती: प्रथम उकळलेल्या पाण्यात मटार ५ मिनिटे ठेउन काढून घ्या. नंतर त्याच पाण्यात पालक ठेउन २-३ मिनीटांनी काढा. मिक्सर मध्ये मटार, पालक, आल, लसुण, मिरची एकत्र करुन थोडे पाणी घालुन काढून घ्या. ( साधारण १/२ वाटी पाणी लागते) तयार मिश्रणात तांदुळाचे पिठ, आणि थोडी कणिक घाला ( सैलसर मळुन घ्या) मळलेले मिश्रण पुरणपोळीच्या कणके प्रमाणे हवे. त्या साठी तेल थोड जास्ती लागेल. एका प्लास्टिक पिशवी वर पराठा थापुन घ्या. तव्यावर दोन्ही बाजुने तेल्/तुप सोडुन भाजुन घ्या. कोणत्याही चटणी /सॉस बरोबर गरमच खावा. अवांतर : ज्यांना लाटता येत नाही त्यांना पण करता येईल.