पत्रकार गौरी लंकेश यांची हत्या झाली. आज स्वातंत्र्यानंतर सत्तर वर्षांनीही भारतात माणसाच्या जीवाला काहीच किंमत नाही, बळी तो कान पिळी हाच कायदा आहे, कुणाच्या शेपटावर कधी पाय पडेल व आपण जीव गमावून बसू अशा समाजात व व्यवस्थेत आपण राहतो याची पुन्हा एकदा भयप्रद जाणीव करून देणारी ही अतिशय निषेधार्ह हत्या आहे. (१) प्रत्यक्षात व सोशलसह सर्व माध्यमातूनही अराजकीय, उजव्या, मध्यममार्गी, डाव्या अशा सर्व लोकांनी या हत्येचा निषेध केला आहे. (२) गेल्या तीन-चार वर्षात बावीस पत्रकारांची हत्या झाली आहे. कर्नाटकाचा विचार करायचा झाला तर गेल्या दोन वर्षात कलबुर्गी व आता लंकेश या दोन डाव्या तर उजव्या विचारसरणीच्या १२ कार्यकर्त्यांच्या हत्या झाल्या आहेत. (३) इतर अनेक हत्यांप्रमाणेच याहीवेळी मारेकरी पकडले जाणे , कायदा व सुव्यवस्था सुधारणे वगैरे बाबींची निष्फळ उजळणीही होईल. (४) पण यावेळी हत्या डाव्या व्यक्तीची झाल्याने देशभरात कशी जबरदस्त उजवी असहिष्णुता थैमान घालते आहे , मोदीविरोधात एक शब्दही बोललात की पडलाच मुडदा अशी परिस्थेती आहे वगैरे तुफानी प्रचारकार्य करायची नामी संधी आपल्या साथींसाठी चालून आली आहे. (५) या संधीचा मेणबत्या मोर्चे, माध्यमे, सोशल माध्यमे, संकेतस्थळे यावर त्वरित लेख व प्रतिसाद पाडून लाभ घ्यावा ही विनंती. या संदर्भात काही महत्वाच्या सूचना. (०) साथींनो, आपल्यासमोर संघ व मोदी हेच दोन भीषण प्रश्न आहेत त्यामुळे ते सोडवण्यासाठी सत्य, देशहित, समाजहित, योग्यायोग्य... कुठल्याही मूल्यांचा बळी द्यायला लागला तरी ते आवश्यक आहे. (१) लंकेश उजव्याविरोधी होत्या एवढेच लिहावे. त्या नक्षलवाद्यांशी संबंधित होत्या, त्यामुळे आपल्या कुटुंबाच्या मालकीचे प्रकाशन त्यांना सोडावे लागले. हे लपवावे. तसेच सध्या त्या सरकारला काही नक्षलवाद्यांच्या माफी/पुनर्वसनासाठी मदत करत होत्या त्यामुळे डाव्या चळवळीत त्यांना शत्रू निर्माण झाले असू शकतात हे नजरेआड करावे. असा खोटेपणा करणे मनाला न पटल्यास सूचना क्र. ० तीनदा वाचणे. (२) संघ, भाजप वगैरे समस्त उजव्यामधील सर्व पातळीच्या हजारो नेत्या कार्यकर्त्यांनी हत्येचा निषेध केला आहे याकडे दुर्लक्ष करावे व माचोमॅनइनझांबिया या फेसबुकवरील सुमारे सव्वातीन फ्रेंडस असणार्‍या प्रोफाईलची सेलिब्रेशन ची प्रतिक्रिया ही सर्व उजव्यांची प्रतिक्रिया आहे असे मानावे. असे प्रोफाईल न सापडल्यास तयार करावे व स्क्रीनशॉट पाठवावे. असे करणे पटत नाही ? सूचना क्र. ० तीनदा वाचा. (३) एकदा ही तयारी झाली की ही हत्या हिंदुत्वावाद्यांनीच केली आहे. देशभरात कशी जबरदस्त उजवी असहिष्णुता थैमान घालते आहे , मोदीविरोधात एक शब्दही बोललात की पडलाच मुडदा अशी परिस्थेती आहे वैग्रे तुफानी प्रचार करणारे लेख लिहावेत. सहिष्णुता, अभिव्यक्तीस्वातंत्र्य वैग्रे मूल्यांचा असा स्ट्रॉमॅन तयार करावा की नक्की कोण , किती व का मारले जात आहेत, खरा प्रश्न काय आहे याकडे लोकांचे लक्षच जाणार नाही. (४) वेळ ही अतिशय महत्वाची आहे. तपास सुरू होउन अधिकृत संशयित कोण आहेत हे कळायच्या आत हा सगळा धुरळा उडवून देणे आवश्यक आहे. म्हणजे नंतर निष्पन्न काहीही झाले तरी हे असहिष्णुता वगैरे लोकांच्या डोक्यात फिट्ट बसते. न पटल्यास..... (५) साधारणतः श्री. राहुल गांधींएवढा नैसर्गिक आयक्यू असणारे काही साथी राज्य सरकारला जाब विचारत आहेत. पुन्हा पुन्हा आपल्या या साथींच्या चुका होत असल्याने हे सांगणे आवश्यक आहे की या वेळी राज्य सरकारचा राजीनामा मागू नये तर मोदींचा मागावा. खालील कोष्टक पाठ करावे. _______________________________________________________________________________________ हत्येचे राज्य >>>> राजीनामा कोणाचा मागावा? _______________________________________________________________________________________ कर्नाटक, केरळ, बंगाल, पंजाब, त्रिपुरा, तेलंगण, दिल्ली >>>> केंद्र सरकार _______________________________________________________________________________________ इतर सर्व राज्ये >>>> राज्य सरकार व केंद्र सरकार ________________________________________________________________________________________ (६) जरी आपल्याला कोणालाच त्या माहित नव्हत्या तरी हत्या झाली असल्याने त्या अतिशय प्रसिद्ध थोर विचारवंत व उजव्या सरकारला सर्वात मोठा धोका होत्या हे मनावर बिंबवणे आवश्यक आहे ( आधी आपल्या मग इतरांच्या). त्या एक भुरट्या पत्रकार असून भाजप नेत्याच्या खोट्या बदनामीच्या अरोपाखाली सहा महिन्याची शिक्षा झालेल्या convicted criminal आहेत हे लपवणे आवश्यक आहे. नाही तर उजवे त्यांचा विरोध कायदेशीर मार्गाने यशस्वीरित्या करत होते हे उघड होऊन हत्येच्या मोटिव्ह बद्दलच शंका निर्माण होईल. असे करणे न पटल्यास सूचना क्रमांक शून्य वाचणे. (७) सर्वात महत्वाचे : "देशभरात जबरदस्त उजवी असहिष्णुता थैमान घालते आहे , मोदीविरोधात एक शब्दही बोललात की पडलाच मुडदा अशी परिस्थेती आहे " हा आपला प्रचार आहे, कृपया तेच खरे मानून आपले लेख प्रसिद्ध करायला घाबरू नये. हजारो साथी रोज लाखो लेखातून मोदी व संघावर अक्षरशः आग ओकत आहेत. त्यातले कोणीही मरत नाहीत, संघ दुर्लक्ष करतो, तर काही जणांना भक्त जास्तीत जास्त काय करतात तर अधून मधून ट्रोल करतात. तेंव्हा न घाबरता "देशभरात जबरदस्त उजवी असहिष्णुता थैमान घालते आहे , मोदीविरोधात एक शब्दही बोललात की पडलाच मुडदा अशी परिस्थेती आहे " हे सगळीकडे पसरवण्याच्या या संधीचा लाभ घ्यावा ही विनंती.