Skip to main content

बाप्पाचा नैवेद्यः केळ्याच्या पुर्‍या

लेखक सविता००१ यांनी शनिवार, 02/09/2017 09:18 या दिवशी प्रकाशित केले.
साहित्यः चांगली पिकलेली ३ केळी, अर्धी वाटी साखर (आपल्या आवडीप्रमाणे कमी जास्त करू शकता), यात मावेल एवढी कणीक, तळण्यासाठी तेल. कृती: केळी छान कुस्करून घेउन त्यात साखर घालावी. गॅसवर ठेवून सतत हलवत रहावे. २-३ मिनिटांत साखर विरघळली की गॅस बंद करून मिश्रण थंड होउ द्यावे. नंतर या मिश्रणात बसेल एवढीच कणीक घालून (मला दीड वाटी कणीक लागली) घट्ट पीठ भिजवून ठेवावे. साधारण अर्ध्या तासाने कणीक खूपच घट्ट वाटली तर दुधाचा शिपका मारून कणीक सारखी करून नेहमेसारख्या पुर्‍या लाटून तळून घ्याव्यात. या पुर्‍या अजिबात पाणी नसल्याने बर्‍याच टिकतात. त्यामुळे प्रवासात वगैरे सहज नेता येतात. अगदी खुसखुशीत होतात. छान लागतात. शेवटी बाप्पा खूष तर आपणही खूष. नाही का? 1
वाचने 6651
प्रतिक्रिया 9

प्रतिक्रिया

अनन्न्या शनिवार, 02/09/2017 10:11
लहानपणी आई खूप वेळा करायची

स्वाती दिनेश शनिवार, 02/09/2017 14:43
केळ्याच्या पुर्‍या छान दिसत आहेत. ह्या पुर्‍यांवरून जपानचे दिवस आठवले. त्यावेळी तिथे खाण्याचे ऑप्शन्स खूपच कमी असल्याने डाबा बाटली बरोबर असायची. केळ्याच्या पुर्‍या किवा पोळ्या प्रवासात नेत असू. स्वाती

पैसा शनिवार, 02/09/2017 18:12
छान दिसत आहेत मात्र तळणीचे पदार्थ फार कमी खाते त्यामुळे केल्या तर संपवायचा प्रॉब्लेम होईल

गम्मत-जम्मत शनिवार, 02/09/2017 21:35
सहल वैगरे असेल तर हमखास डब्यात मिळणारा पदार्थ!! bake पण करता येईल ना? Banana Cake च्या जवळ जाणारी पाकृ वाटत आहे.

रेवती रविवार, 03/09/2017 04:57
मस्त आलाय फोटू. बरं झालं पदार्थ समजला. प्रमाण असे नसल्याने जितकी केळी असतील त्यातून करता येईल. कालच मी एकदम ३ केळी पिकल्याने बनाना ब्रेड केलाय. आता पुर्‍या करून पाहीन.

कंजूस रविवार, 03/09/2017 12:58
छान लागतात. मला वाटलं शिंगाडं पिठातली केळ्याची भजी करणार

इडली डोसा रविवार, 03/09/2017 21:53
असेच असतात, पण त्यात साखर नाही घालत आम्ही, आणि खोबऱ्याच्या चटणीबरोबर खातो, मस्त लागतात. तुझ्या पुऱ्या खूप छान दिसतायेत.