कोणतेही मनोविकार व्हायरल इन्फेक्शन सारखे अचानक आलेले व वाढलेले नसतात. त्यामुळे त्यावर 'तत्काळ' कमी होणारा उपाय नसतो. अगदी बरोबर. मुळात नैराश्य हा आजार स्वतःला/ इतरांना जाणवण्यासाठी काही महिने किंवा वर्ष जावी लागतात. त्यामुळे काल पर्यंत चांगला होतो आणि एका रात्रीत सर्दी झाली असे काही नसते. शिवाय यावरील औषधोपचार हा हळू हळू आणि विचारपूर्वक करावा लागतो. औषधाची मात्रा हळूहळू वाढवावी लागते. आणि औषधांचे पूर्ण परिणाम जाणवू लागेपर्यंत तीन आठवडे कमीत कमी लागतात. टोकाच्या नैराश्यामुळे आत्महत्या करण्यापर्यंत मजल गेली तर तातडीचा उपाय म्हणून मोठ्या मात्रेत औषधे किंवा ECT (इलेकट्रोकन्व्हलझिव्ह थेरपी) म्हणजेच सिनेमात अतिशयोक्ती करून दाखवतात तसे शॉक देणे. केले जाते. ECT चा परिणाम ताबडतोब जाणवू लागतो परंतु हा उपाय टोकाच्या नैराश्यासाठी राखून ठेवलेला आहे. आतापर्यंत (म्हणजे गेल्या पाच दशकात) ECT चे कोणतेही तात्पुरते किंवा कायम असे दुष्परिणाम जाणवलेले नाहीत. रुग्णाला स्वतःला किंवा जवळच्या नातेवाईक/ मित्रांना नैराश्य आहे हे जाणवायला लागते तरीसुद्धा प्रत्यक्ष उपचार घेईपर्यंत साधारणपणे चार ते सहा महिने जातात. कारण मनोविकाराबद्दल आपल्या समाजात असणारे प्रचंड अज्ञान आणि त्याला लागलेला बट्टा. यातून जेंव्हा समाज पुढे येईल तेंव्हा नैराश्य हा आजार असलेले लोक जास्त लवकर उपचारासाठी येतील.

ते काय माहीत नाही? आम्ही आपले डिप्रेशन आले की, गुरुंकडे जातो आणि २-३ जपमाळा ओढतो आणि मग सुक्ष्मात जातो. (आमची सौ. आणि तिच्या सुचना (आज्ञा?) हे आमच्या डिप्रेशनचे मुख्य कारण.....जरा कुठे मिपावर असलो की, नाश्ता करा, आंघोळीला जा, कांदे-बटाटे आणा, घर आवरा, सारखी कामे सांगत असते...अर्थात मी पण अशा अव्यावहारीक सुचनांकडे दुर्लक्ष करतो....नाही म्हटले तरी भारतीय पुरुष संस्कृतीचा अभिमान बाळगायलाच हवा.) वरील प्रतिसाद हा विनोदी आहे..... (कधी कधी असे सांगणे भाग आहे.) असो, उत्तम विचार असलेल्या माणसांच्या संगतीत सदा सर्वदा असले की, कुठलाच मानसीक त्रास होत नाही.

ते काय माहीत नाही? आम्ही आपले डिप्रेशन आले की, गुरुंकडे जातो आणि २-३ जपमाळा ओढतो आणि मग सुक्ष्मात जातो. (आमची सौ. आणि तिच्या सुचना (आज्ञा?) हे आमच्या डिप्रेशनचे मुख्य कारण.....जरा कुठे मिपावर असलो की, नाश्ता करा, आंघोळीला जा, कांदे-बटाटे आणा, घर आवरा, सारखी कामे सांगत असते...अर्थात मी पण अशा अव्यावहारीक सुचनांकडे दुर्लक्ष करतो....नाही म्हटले तरी भारतीय पुरुष संस्कृतीचा अभिमान बाळगायलाच हवा.) वरील प्रतिसाद हा विनोदी आहे..... (कधी कधी असे सांगणे भाग आहे.) असो, उत्तम विचार असलेल्या माणसांच्या संगतीत सदा सर्वदा असले की, कुठलाच मानसीक त्रास होत नाही.