खरे तर गेले बरेच दिवस डोक्यात विचार येत होता कि देवाचे अस्तित्व खरच आहे ? खरच या जगात देव हि संकल्पना आहे? म्हणायला गेलो तर मी थोडा डाव्या विचारांकडे झुकलेलो आहे पण अजूनही मला मी निट समजलो नाहीये. घाबरू नका मंडळी गेल्या काही दिवसात बर्याच गल्लाभरू चित्रपटात हा विषय अगदी सोयीस्कर रीतीने हाताळून त्याची पद्धतशीरपणे वाट लावण्यात आली आहे. सो मी तुमचे बौद्धिक घेऊन तुम्हाला अजून पकवणार नाहीये. खरे तर मी माझ्याच वागण्याचे आकलन करायचा प्रयत्न करतोय बघा. तर झाले असे कि माझी आई काही धार्मिक संस्थांशी जोडली गेली आहे साहजिकच आहे तिला यात रसही आहे आणि आपल्याच वयाच्या मैत्रिणींशी थोडी हितगुज हि होते. तर अशाच एका मंडळातील ३/४ लोक आमच्या घरी संध्याकाळी आले वेळ साधारण ८-८.३० ची मी आणि हि नुकतेच घरी आलो होतो दिवसभराची दगदग आणि घरातील सर्वाना वेळ देता येत नाही हि खंत तर संसारी पुरुष अन बायांना नेहमीच असते. तर साधारण अशा या विचित्र वेळेला आलेली हि मंडळी सर्व जण (१जण सोडून) वयस्कर गटात मोडत होते. आल्या आल्या त्यांनी आमचा ताबा घेतला आणि मी आणि हि पण काही का-कु न करता आणि आईसाठी म्हणून त्यांच्या शी बोलायला बसलो. त्यातील एक तथाकथित सर्वज्ञ माणसाने कुणालाही बोलायची संधी न देता बोलायला सुरवात केली. आधी तुला गीता येतेका मग रामरक्षा/ अथर्वशीर्ष/ अशी अजून २/४ माझ्यासाठी अगम्य असलेली नावे तोंडावर मारून मला माझ्या ८ वर्षाच्या पोरासमोर पुरते खजील करून (पोराला अभ्यास झाला का असे मी हल्ली विचारायचे टाळतो कारण पोरग अजूनपण अधून मधून इचारत बाबा रामरक्षा पाठ झाली का म्हणून) मग गाडी भगवंत या भयानक विषयावर वळली. मग एक सो एक उदाहरण चालू झाली काय तर म्हणे आपल्या शरीरातील रक्ताचा लाल रंग भगवन्तामुळे होते, लहान मुले मोठी भगवंतामुळे होतात त्यात त्याच्या आई-बाबा अथवा बाकी कुणा माणसाचा सहभाग नसतो म्हणे हे आणि असे बरेच काही संतापजनक तो माणूस बोलत होता आणि मी संयमाची पराकाष्ठा करत तोंडावर उसने हसू कम भक्तीभाव दाखवत त्याचा माझ्यावर खूप प्रभाव पडलाय हे दाखवायचा प्रयत्न करत होतो. (माझी बायको आणि माझी माय विस्मयाने पाहत होते - त्या माणसाकडे नाही हो माझ्याकडे कि मी इतकावेळ गप्प कसा कदाचित सासू आणि सुन दोघींनी आनंदाने एकमेकींना नजरेतून टाळी-बिळी दिली असावी अशी मला दात शंका आली माझी अवघडलेली अवस्था पाहून) असो तर एकदाचा साधारण १ तासाचा आमचा कौटुंबिक वेळ खाऊन आणि पचवून झाल्यावर तो माणूस थांबला. मी खुश झालो म्हंटले चला आता गाडी जाईल आपल्या मार्गाला. पण त्यादिवशी कदाचित त्या बाबाची साडेसाती उच्चीवर असावी म्हणून त्याला दुर्बुद्धी झाली आणि त्याने अतिआत्मविश्वासाने एखादे स्वगत म्हटल्यागत मला विचारले कि सर्वज्ञ माणूस - बाळ तुला माझे म्हणणे समजले का ? काही शंका आहे का ? मी – (पोटातील कावळ्यांना कसेबसे शांत करून) नाही काका तुम्ही अगदी बरोबर आहात. (म्हंटले चला सुटलो) सर्वज्ञ माणूस – बाळा जगात सर्व क्रिया भगवंत करतो, आत्ता कुठेतरी दरोडा पडत असेल/ खून होत असेल तर त्यालाही भगवंत कारणीभूत आहे माणूस नव्हे, आपल्याला 100 कोटी (असेच काहीतरी बरळला तो) योनी नंतर माणूसपण मिळते, त्यामुळे आपण खोटे बोलायचे नाही, राजकारण हे आपल्यासाठी नाही वगेरे वगेरे अजूनच चेकाळला गेला. *बस्स इथे आपला संयम संपला आणि आपल्यातला बंडखोर कम्युनिस्ट जागा झाला* मी – काका तुम्ही म्हणता ते 100 कोटी का काय त्या योनी असेल नसेल पण हा जो जन्म मला मिळाला आहे तो मी पूर्ण उपभोगुन घेणार आहे. बघा म्हणजे मी खोटे बोलून बघणार/ मी राजकारण करणार गेला बाजार निदान त्यावर मिसळपाववर  चर्चा तरी करणार (झालेच तर एखादे extra marital अफेयर करून बघणार हे मनातल्या मनात बरका) आहे तो जन्म शेवटचा हे मानून मी जगणार. सर्वज्ञ माणूस – कावराबावरा होऊन काहीतरी बोलायचा प्रयत्न करतो मी – कसय न काका तुम्ही जे म्हणताय ते खूप आदर्श वागणे झाले आणि मी काही गुड बॉय / नवरा वगेरे नाहीये हो, मी काही श्री रामाचा अवतार नाहीये रादर जगात इतके आदर्शवादी कुणीच वागू शकत नाही. या सगळ्या गोंधळात आमच्या पिताश्रींचे आगमन झाले घरात.(जे नेहमी या विषयावर आमच्या बाजून असतात, एरवी ते आमच्या नावाने नुसता शंख करतात हा भाग वेगळा पण आम्ही जन्मता: स्थितप्रद्न्य का काय ते आहोत) सर्वज्ञ माणूस – संतापाने कदाचित रक्तदाब वाढला असावा बाबाचा पण गोडीत – बाळा तुला आत्ता समजत नाहीये तू काय बोलत आहे कारण तुझे विचार वाईट आहेत, हीन आहेत तू भगवंताला नाकारत आहेस. वेळ आली कि तुला समजेल. तुझ्या वागण्याचा त्रास तुझ्या मुलाला होईल वगेरे, वगेरे. आता सूत्रे आमच्या पिताश्रींनी घेतली आणि त्या माणसाला असा हासाडला असा हासाडला कि गाडी दुसर्या मिनिटाला शेजारच्या घरात प्रवचन द्यायला निघाला. जाताना मी खडा टाकला (मराठी माणसाला तसाही जाम किडा असतो) काका-काकू या निवांत परत या विषयावर चर्चा करायला आत्ता तुम्ही तयारीने आला होतात मी बेसावध होतो आता पुढल्या येळी मी पण तयारी करतो. Jokes a part पण आज माणूस चंद्रावरच नव्हे अगदी मंगळावर पोचलाय आणि आपल्यातलाच मोठा समाज पत्रिकेतल्या मंगळाची आपल्याला भीती दाखवत असतो. पूर्वीचे संत बघा (चमत्काराचा भाग सोडून द्या) अगदी माउलीन पासून, तुकाराम, रामदास स्वामी, चोखामेळा/ गोरा कुंभार ई. पर्यंत सर्व संत एकतेचा, बलोपासनेचा, जातीविरहीततेचा, दिन-दुबळ्यांची सेवा करायचा संदेश देतात. आणि आपण ? आपण त्यांची मंदिरे बांधून हा या जातीचा तो त्या असे वाटण्या करून मोकळे होतो. *जल्ला मेला आपण आपल्या जाणत्या राजाला*, *त्याच्या माउलीला आणि त्याच्या छाव्याला पण जाती मध्ये बांधून टाकले आहे* साला आपण सगळी कडे हिंदू-हिंदू म्हणून मिरवतो भेंडी हिंदू ची व्याख्या काय हो सांगा बरे कुणी ... साला एक हिंदू वैष्णव तर दुसरा शैव तिसरा रावणाची पूजा करतो (दक्षिण भारतात काही भागातील हिंदू आजही रावणाची पूजा करतात असे मी काही मित्रांकडून ऐकले आहे विदा वगेरे काय आपल्याकडे नाय बाबा.) बाकी स्वामी समर्थ/ गोंदवलेकर महाराज/ साईबाबा हे बाबा/ महाराज मंडळी वेगळीच म्हणजे ३३ कोटी dev प्लस हि बाबा/महाराज मंडळी साला हे आहे काय? धर्म आहे कि खेळ ? मी माझ्यापुरते तरी ठरवले आहे साला धरम- करम गया तेल लेणे पैसा कमावो आन मंग मज्जा नि लाइफ. अर्रर उशीर झाला चला बाबा शनीला तेल वाहायला जायचे आहे मला (कुणी सांगाव मंडळी खरच देव वगेरे असला तर उगाच रिक्स नकू) चला राम राम मंडळी भेटू पुन्यांदा परत कधीतरी असाच काळा इनोदाचा फार्म घिऊन शान.