पुणे भटकंती..............दि.21.01.2017

खर तर ही भटकंती करून बरेच दिवस झाले पण वेळ मिळत नसल्यामुळे लिहायला जमल नाही. ऑफीस मधूले आमचे एक साहेब आहेत त्यांचे नाव आहे श्री.मोरे, खर पाहीले तर ते साहेबांच्यापेक्षा मित्रच जास्त वाटतात, एकदम मनमिळावू , शांत व्यक्तिमहत्व त्यांनी त्यांच्या स्व:खर्चाने आम्हाला सर्व कर्मचारी वर्गाला ही भटकंती घडवली. त्याबद्दल त्यांचे प्रथम आभार!!!!!! खर पाहीलं तर मी या भटकंतीमध्ये सहभागी होणे, अपेक्षित नव्हते कारण मी सध्या मोरे साहेबांच्या विभागामध्ये काम करत नाही, माझा विभाग वेगळा आहे. परंतू मी पुर्वी त्या विभागात काम करत होतो, त्यामुळे मला सर्वांनी खूप आग्रह केल्यामुळे मी पण गेलो. तर आमचा प्लॅन असा होता, प्रथम सोमाटणे येथील प्रतिशिर्डी- त्यांनतर तेथील एक गणपतीची मुर्ती जी डोंगरावर उभारण्यात आली आहे. त्यानंतर त्या मुर्तीच्या जवळच सोमाटणे टोल नाक्याजवळ एक जैन मंदीर आहे. - तेथून पुढे कार्ला लेणी अर्थात एकवीरा देवीचे दर्शन- लोणावळा- खंडाळामार्गे पुन्हा मुंबई. सकाळी 7:30ला सुरवात झाली ती चेंबूर पासून एक-एक मेंबर घेत-घेत गाडी पनवेलला 8:30 ला पोहचली, गाडीत बसणारी सर्वात शेवटची व्यक्ती म्हणजे मीच होतो. मोरे साहेबानी गाडीतच नाष्टा-पाण्याची सर्व व्यवस्था केली होती. मी गाडीत बसल्यावर प्रथम एक्सप्रेसवेच्या टोलनाक्यानंतर आम्ही नाष्टा करून घेतला.........(आधी पोटोबा........) त्यांनंतर सरळ पुढे प्रतिशिर्डी....... मुंबई-बेंगलोर हायवेवर पुण्याजवळ शिरगाव येथे हे ठिकाण असून शिर्डीच्या साई मंदीराची अप्रतिम प्रतिकृती येथे तयार करण्यात आलेली आहे. या मंदीराची स्थापना 11 June 2003 रोजी श्री.प्रकाश केशवराव देबोले यांनी फक्त नऊ महीन्यामध्ये श्री साई बाबांच्या आर्शिवादामुळे पुर्ण करण्यात आले असे मानले जाते. येथील अन्नछत्र अगदी शिर्डीच्या अन्नछत्रासारखेच आहे. मंदीराच्या परिसरात एक सुंदर बाग आहे. आणि अनेक प्रकारची झाडे,वनस्पती आहेत. अतिशय रम्य असा परिसर तयार करण्यात आला असून आपण प्रत्यक्षात शिर्डीमध्ये असल्याचा भास होतो. प्रचि ०१. मंदीराचे प्रवेशद्वार....... प्रचि ०२.
प्रचि ०३.  2.आमची संपूर्ण टिम.........

प्रचि ०४.
प्रचि ०५
प्रचि ०६
प्रचि ०७
प्रचि ०८

प्रचि १०..
प्रचि ११..
प्रचि १२..