Skip to main content

फुकटचे सल्ले, मार्गदर्शन, आणि फंडे

लेखक अज्ञात यांनी रविवार, 09/10/2016 21:46 या दिवशी प्रकाशित केले.

आतापर्यंत मिसळपाववर अनेक चर्चेचे, शंका निवरणाचे धागे आलेले आहेत. पण आपल्या जवळील माहिती (फुकटचे सल्ले) यावर धागे मी अजून बघितले नाहीत.
पुष्कळ वेळा आपल्याला अचानक नवीन आणि भन्नाट माहिती मिळते आणि आपले पोट दुखायला सुरुवात होते. तेव्हाच बाहेर निघून जगाला ओरडून सांगावेसे वाटू लागते. अशा वेळच्या साठी धागा काढण्याचे फार मनात होते. दसरा दिवाळीचे दिवस असल्याने पतंगबाजी लवकरच सुरु होईल त्यामुळे आता हा धागा काढल्याने माझी पोटदुखी तरी बंद होईल. आता माझे चार आणे

दोन वर्षांपूर्वी ब्रह्मपुर येथे युवा महोत्सवासाठी जात असतांना माझी समोर च्या बर्थवरील गुजराती तरुणांशी गट्टी जमली. अर्धवट गुजराती आणि मराठी बोलत, नवीन सरकार, गुजरात महाराष्ट्रातील फरक यावरून गाडी संक्रांत व पतंगावर गेली. मांजामुळे एका दुचाकीस्वार तरुणीचा गळा कापल्याची घटना तेव्हा ताजीच होती. त्यामुळे गुजराती लोक यावर काय करतात याची मला उत्सुकता होती. विचारल्यावर त्यांनी सांगितला तो जुगाडचा एक उत्तम नमुना आहे. त्यांच्यानुसार संक्रांत जवळ आली कि एक लांब बांबू किंवा सळई घ्यायची आणि दुचाकीच्या समोरील बाजूस उभी किंवा मागील बाजूस झुकती बांधायची. हि सळई गाडी किंवा सायकल च्या एक्सेल वर अशी बांधायची कि एकदा गाडीवर बसल्यावर तिची उंची डोक्याच्या पातळी एवढी असली पाहिजे. म्हणजे आपण जेव्हाही गादीवर निघू आणि रस्त्यात मांजा आडवा असेल तर तो आधी सळईला लागेल आणि सळई आपल्या बाजूने मागे झुकली असेल तर झटकन डोक्यावरून निघून जाईल. शेवटी सिर सलामत तो हेल्मेट पचास.☺
टीप: या अगोदर विचार करून फक्त निबंधच लिहिले असल्याने कृपया सांभाळून घ्यावे.

वाचने 7316
प्रतिक्रिया 37

प्रतिक्रिया

बॅटमॅन रविवार, 09/10/2016 23:53

छान धागा.

या प्रकारचे फिटिंग बसवलेले फेबुवर फोटो पाहिले होते. मस्त जुगाड आहे.

संदीप डांगे सोमवार, 10/10/2016 04:54

फुकटचा सल्ला क्र. 1:
जेव्हा धागा मजेदार असतो तेव्हा सुद्दलकन इग्नोर मारावे

मराठमोळा सोमवार, 10/10/2016 06:08

आयडीयाची कल्पना चांगली आहे पण ईतकी मेहनत घेणे लोक पसंत करतील असे वाटत नाही आणि गाडी चालवताना दृष्टीत बाधा येणार नाही असेही नाही आणि त्यामुळे कायद्याच्या दृष्टीनेही हे पहावे लागेल.

छोट्या मोठ्या गोष्टी शेअर करायला पूर्ण धागा काढणे किती ईफिशियंट आहे माहित नाही, पण फेसबुक, व्हॉट्सअ‍ॅप किंवा खरडफळा यासाठी चांगला कामी येऊ शकतो असे मत नोंदवतो. :)

संदीप डांगे सोमवार, 10/10/2016 09:34

कोणी मिर्ज्या पहिला नसेल तर सल्ला:

ओमप्रकाश मेहराच्या नावाला भुलू नका, युट्युब वर सिनेमा आलाय, फक्त शेवटची दहा मिनिटे बघा. अभिनयाच्या नावाखाली जे काय केलं ते बघून निर्णय घ्या, स्लोमोशनात धावणारे घोडे सोडले तर बघण्यासारखे काहीही नाही, मेहराने डोक्यावर जबरदस्ती टाकलेलं काम पाट्या टाकून उरकलं आहे, अनिल कपूर चा मुलगा लॉन्च करणे एवढा उद्देश त्यासाठी आपले पैसे कं खर्च करा?

कंजूस सोमवार, 10/10/2016 20:41

युट्युबची URLवरून व्हिडिओ टाकणे
हे तीन template वापरून URL ची डागडुजी करून , प्रत्यक्ष युट्युबवर जाऊन इमबेड लिंक न काढता --
Template
1)
<iframe width="560" height="315" src="

2)
watch?v= replace with embed/

3)
" frameborder="0" allowfullscreen></iframe>

ट्राइ करून पाहा.

विद्यार्थी सोमवार, 10/10/2016 21:10

बहुतेक जण अनुभवाने शिकले असतीलच पण हा धागा पहिला आणि वाटले आपण पण एखादा सल्ला टाकावाच.

तर, सुखी वैवाहिक जीवनासाठीचा सल्ला,

बायको बोलत असेल तेव्हा आपण शांत राहावे,
आणि बायको शांत असेल तेव्हा आपण बोलू नये.

अभ्या.. सोमवार, 10/10/2016 23:54

छातीला छाटी लावून निमूट बाहेर पडावे.
जंगलात/हिमालयात पोहोचल्यावर छाटी घातली तरी चालेल.

palambar सोमवार, 10/10/2016 22:43

पोट दुखियला लागते, यावर काहीतरी उपाय सुचवा मंडळी.
ह.घ्या.
मला सुध्दा असेच होते. चांगला धागा आहे.
क्रेडीट कार्ड due pays जर लेट भरले गेले तर मोठा दंड होतो, पण जर तुमचे आतापर्यंत
चे रेकाॅर्ड चांगले असेल तर दोनवेळा दंड माफ करता येतो. फक्त योग्य अधिकारी गाठला पाहीजे.म्हणजे
ज्याला असे अधीकार आहेत. असे मलाकळले ,हे खरे आहे का?

रुपी मंगळवार, 11/10/2016 00:10

भारतातला अनुभव नाही. अमेरिकेत एक-दोन वेळा झाले तेव्हा माफ केला होता. फोनवर बोलूनच झाले होते. काही करतात, पण सर्वच करतात असे नाही.

अभ्या.. मंगळवार, 11/10/2016 00:13

माझ्या मागे फार लागलेत हो क्रेडिट कार्डवाले. कशे घ्यायचे आणि सांभाळायचे? पैसे न घालवता?

यशोधरा मंगळवार, 11/10/2016 10:26

घे आणि कुठेतरी टाकून दे घरात सापडणार नाही असे, वापरायला मिळणार नाही असे. फक्त फी भरावी लागेल मात्र ;)

अभ्या.. मंगळवार, 11/10/2016 11:37

ते सांगतात ना मार्केटिंगवाले. तुम्हाला फ्युअलवर इतकी कॅशबॅक, मॉलवर इतकी, मुव्हीजवर इतकी, शिवाय ऑनलाईन शॉपिंग वर इतकी. प्लस ईएमाय फॅसिलिटी. हे कोण देणार?

अभ्या.. मंगळवार, 11/10/2016 11:50

मग नको. हे नेटसुद्धा डिसेंबरपर्यंत जिओ फ्री आहे म्हनून वापरतोय. ;)
असुंद्या

राजेंद्र मेहेंदळे मंगळवार, 11/10/2016 12:02

२ क्रेडिट कार्ड घ्या
एका चे पेमेंट ५ तारखे ला आणि दुसर्‍याचे २५ तारखेला असेल असे सेट करुन घ्या. म्हणजे ज्या कार्डाची कट ऑफ तारिख नुकतीच झाली ते वापरता येइल. मोबाईल मधे रिमाईंडर लावुन ठेवा म्हणजे पेमेंट चुकणार नाही.

अभ्या.. मंगळवार, 11/10/2016 12:04

म्हणजे कसं मेहेंदळे साहेब?,
ऑन्लाईन्बिन्लाईन न समजणारा मी शेतकरी माणूस आहे असं समजून सांगा ना प्लीज.

अभ्या.. मंगळवार, 11/10/2016 12:21

ते आमचे डॉन. आमी ज्युनिअर.
असु द्या. सल्ला आवाडला एकदमच. ;)

सांगकाम्या राक्षस (verified= न पडताळणी केलेला) मंगळवार, 11/10/2016 14:31

सध्या कुठलाच नाही. अजून एवोल्युशन बाकी आहे.